2 यूहन्ना 1 - परमेश्वर को पवित्र वचन

¹ मेखे बुजरुक का तरफ से वा चुनी हुइ बय अरु ओका बच्चाहोन को नाम जेका से मी सच्चो प्रेम रखुस, अरु फक्त मी नी क्युकी वे सब भी प्रेम रखस हइ जो सच्चीखे जानस हइ.

² वा सच्ची जो हमारा मे स्थिर र्‍हेस हइ अरु हमेशा हमारा साथ र्‍हिये.

³ परमेश्वर बाप अरु बाप को बेटो यीशु मसीह का तरफ से अनुग्रह अरु दया अरु शांती सच्चीचाइ अरु प्रेम सहित हमारा साथ र्‍हिये.

सच्चीचाइ अरु प्रेम

⁴ मी भोत खुश हुयो कि मे ने तरा कुछ बच्चाहोन खे वा आज्ञा का जसो हम खे बाप का तरफ से मीली थी सच्चीचाइ पर चलता हुये पायो.

⁵ अब हे प्रिय बय, मी तोखे कोय नइ आज्ञा नी पर उ जो पइले से मीली हइ मी तुम खे एक दुसरा से प्रेम करण का लिये हमारा पास हइ, लिखुस हइ. अरु तरा से प्रार्थना करुस हइ कि हम एक दुसरा से प्रेम रखस.

⁶ अरु प्रेम यो हइ कि हम ओकि आज्ञाहोन का जसो चलनु. या वा आज्ञा हइ जो तुमने पइले से सुन्यो हइ अरु तुमखे येका पर प्रेम पूर्वक जिवन जीन हुनु.

⁷ क्युकि भोत सा असो भरमान आला संसार मे नीकली आया हइ कि उ यो नी माने कि यीशु मसीह आंग मे हुइ खे आयो भरमान आलो दुन्या अरु मसीह को विरोधी योही हइ.

⁸ अपना बारे मे चौकन्या र्‍हिये कि जो परिश्रम हमने कर्यो हइ ओकी तुम गवइ नी देनु, क्युकी ओको पूरो प्रतीफल पानु.

⁹ जो कोय मसीह कि शिक्षा से आगे बडी जास हइ अरु ओमे बन्यो नी र्‍हे, ओका पास परमेश्वर नी जो कोय ओकि सजा मे स्थिर र्हेस हइ ओका पास बाप भी हइ अरु बेटो भी.

¹⁰ अगर कोय तुम्हारा पास आह्ये अरु योही सजा नी दे ओखे न ते घर मे आन दे अरु न नमस्कार करणु.

¹¹ क्युकि जो कोय असा झन के अभिवादन करस हइ उ ओका बुरा काम होन मे हिस्सेदार होस हइ.

आखरी बोल

¹² मेखे भोत सी बातहोन तुमखे लिखनु हइ पर कागज अरु सइ से लिखनु नी चाहु पर आस हइ कि मी तुम्हारा पास आयु अरु आमने-सामने बातचीत कर्यू जेका से तुम पूरी तरह से खुश हुये.

¹³ ओका मंडली कि एक चुनी हुइ बय का बच्चा का तरफ से तोखे नमस्कार करुस हइ.