1 थिस्‍सलुनीकियों 1 - परमेश्वर को पवित्र वचन

अभिवादन

¹ पौलुस का सिलवानुस अरु तीमुथियुस का तरप से थिस्सलुनीखे किहोन कि मंडली को नाम जो बाप परमेश्वर अरु प्रभु यीशु मसीह मे स्तिथ परमेश्वर को अनुग्रह अरु शांती तुम खे मीलती ऱ्हेस.

थिस्सलुनीखे किहोन को विश्वास अरु जिवन

² हम हमेशा अपनी प्रार्थनाहोन मे तुम खे याद करस हइ हम हमेशा तुम सब का बारे मे परमेश्वर को धन्यवाद करस हइ

³ अरु अपना परमेश्वर अरु बाप का सामने तुमारो विश्वास को काम, अरु प्रेम की मेहनत, अरु हमारो प्रभु यीशु मसीह मे तुमारी द्दढ की आशा खे याद करस हइ.

⁴ हे विश्वासी भैइहोन हम जानस हइ, की परमेश्वर तुमारा से प्यार करस हइ अरु ओने अपनो होन का लिये तुम खे चुन्यो हइ.

⁵ क्युकी हमारो सुसमाचार खे विवरन तुमारा पास मात्र शब्द मे नी पोचास हइ पन सामर्थ्य अरु पवित्र आत्मा का अरु गहन सत्य का सात पोच्यो हइ. तुम जानस हइ, कि हम जब तुमारा सात था तुमारा लाभ का लिये कसो जिवन जिये.

⁶ खुद पवित्र आत्मा का वजेसे दिया गया आनन्द का सात हमारो अरु प्रभु को अनुकण करस हुये प्रभु को वचन खे भोत दुख का सात स्वीकार कऱ्यो.

⁷ ह्या तक की तुम मकिदुनी अरु अखाया का सब विश्वासिहोन का लिये तुम उदाहरण बन्या.

⁸ क्युकी तुम से प्रभु को सन्देश गुज उठ्यो अरु न फक्त मकिदुनी अरु अखाया सुनी गइ बलकी परमेश्वर को विश्वास से सब जान्यो मान्यो गयो, ते हम खे कुछ भी बोलन कि आकुल्यकता नी हइ.

⁹ क्युकी वे आप ही हमारा बारे मे बतास हइ, कि तुमने हमारो कसो स्वागत कऱ्यो थो जब हम मील्या था. अरु तुम खे मूर्ती होन से दुर हुइ खे परमेश्वर का तरप से फिरी गया कि जिन्दो अरु सच्चा परमेश्वर कि सेवा करण लग्या.

¹⁰ अरु ओको बेटो यीशु हइ, का स्वर्ग से आन को इंतजार करस हइ जो मऱ्या मे से जिन्दो अरु जो परमेश्वर को आनवाला घुस्सा से हम खे बचास हइ.