યાકુબ 3 - परमेश्वरन सत्य वचन नवलो नियम

जीभ क वश मा करने

¹ हे मारा भाईस, आरू बहनीस तुमू मा छे घोणा शिक्षक नी बने, काहकि जानता होय कि हामु शिक्षक आरू भी दोषी ठेरायछे।

² अतरान करीन कि हामु सब घोणा कावा चूक जानता छे; जो काही वचन मा नी चूकता चो तो सिध्द मानुस छे आरू सारी देह पर भी लगाम लागाड़ सकता छे।

³ जव हामु आपसा वश मा करने क करता घुल्लान मुय मा लगाम लागाड़जे ती हामु ओका सब डील क फेरवी सकजे।

⁴ देखु ढोंड्या भी, यदि ओसो मोटो होयतो छे आरू बैस हवा छे चालाड़ जातो छे, तवभी एक नानी सी पतवार क द्वारा मांझी की मरजी क लारे घुमायो जाए।

⁵ वोसो ही जीभ एक नानो सा डील छे आरू वो मोटी मोटी डीगे मारती छे। देखु, थुड़ी सी आगठी छे कोतरा मोटा जोन्गोल मा आगठो लाग जातो छे।

⁶ जीभ भी एक आगठो छे; जीभ हामरे डील मा अन्याय क एक मानसे छे, आरू सारी देह पर गुणो लागाड़ ती छे, आरू जीवन गती मा आगठो लागाड़ देती छे, आरू नरक कुण्डा की आगठा छे धपती रयती छे।

⁷ काहकि हर प्रकार क वन मा वाळा जनवार चिल्ला, आरू रेंगनेवावा जन्तु, आरू जलचर तो मानुस जाति क वश मा होय सकता छे आरू होय भी गया छे।

⁸ पुन जीभ क मानुस मा छे काही वश मा नी कर सकता; वो एक ओसी बला छे जो कदी रूकती ही नी, वो जीव नाशक विष छे भरी होयी छे।

⁹ इनी मा रयन छे हामु पोरबु आरू बास की बढ़ाई करता छे, आरू इनी छे मानुस क जो यहोवा–भगवान क स्वरूप मा पैदा होया छे शाप देता छे।

¹⁰ एक ही मुय छे धन्यवाद आरू शाप दुयू निकवता छे। हे मारा भाईस ओसो नी होयनो जूवे।

¹¹ काय सुवता क एक ही मुय छे गुव्वो आरू खारलो पानी दुयू निकवता छे।

¹² हे मारा भाईस, काय अंजीर क झाड़का मा जैतुन या अंगुर क रस की सोता मा अंजीर लाग सकता छे? वोसो ही खारे सुवता छे गुव्वो पानी नी निकव सकतो।

सोरगन बुध्दि

¹³ तुमू मा बुध्दिवान आरू समझदार कुन छे? जो ओसो होय वो आपसा काम क वारली चाल–चलन छे ओको नम्रता सहित प्रगट करे जो ज्ञान छे पैदा होयती छे।

¹⁴ पुन जेतार तुमू आपसा–आपसा मन मा कड़वी किचवाय आरू विरोध राखता होय, तो सच्चाई क विरोध मा डाहळाय नी करने आरू, नी तो झूठ बुलने।

¹⁵ यो ज्ञान वो नी जो ऊपर छे उतरता छे, वरना सांसारिक, आरू डीलन अनसारे, आरू शैतान सी आवे।

¹⁶ काहकि वा किचवाय आरू विरोध हुयसे छे, वाँ बखेड़ा आरू हर प्रकार क दुष्कर्म भी हुयसे छे।

¹⁷ पुन जो ज्ञान ऊपर छे आवतो छे वो पेहल तो चुखलो होयतो छे पछु मिलनसार, कोमल आरू मृदुभाव आरू दया वारलो फोव छे लदा होया आरू भेदभाव आरू कपट रहित हुयसे छे।

¹⁸ मिलाप करावनेवाळा न्यायपन क फोव मेलमिलाप क साथे वेरता छे।