હિબ્રૂ 10 - परमेश्वरन सत्य वचन नवलो नियम

सिध्द बलिदान

¹ काहकि व्यवस्था, जिनमा आवनेवावी वारलो चीज क प्रतिबिम्ब छे पर ओको असली स्वरूप नी, एरकरीन उन एक ही प्रकार क बलिदान क द्वारा जो हर साल लगत चढ़ाय जाता छे, साथे आवनेवाळा क कदी सिध्द नी कर सकती।

² नी तो ओको चढ़ावने बंद काय नी होय जाता? एरकरीन जव सेवा करनेवावा एक ही बार चुखो होय जाता, तो पछु ओको विवेक तीनुक पापी नी ठराय।

³ पुन ओको द्वारा हर साल पाप क स्मरण होया करता छे।

⁴ काहकि यो वातड़ो छे कि बुल्यो आरू बुकड़ा क लुहूय पाप क दूर करे।

⁵ इनी कारण वो धरती मा आवता टेहाव कयता छे, “बलिदान आरू भेंट तु ने नी जूवी, पर मारे करता एक देह तीयार करी।”

⁶ होम बलीया आरू पाप बलीया छे तु खुश नी होया।

⁷ तव हाव ने कयो, “देखु हाव आय गयो छे, चुखलो शास्त्र मा मारा वाराम मा लिख्या हुयो छे, ताकि छे यहोवा–भगवान, तारी मरजी पूरी करे।”

⁸ ऊपर तो वो कयता छे, “नी तु ने बलिदान आरू भेंट आरू होम बलीया आरू पाप बलीया क जूवे, नी ओका सी खुश हुयो” यदि यो बलिदान तो व्यवस्था क लारे चढ़ाय जाता छे।

⁹ पछु यो भी कयता छे, “देखु हाव आय गयो छे, ताकि तारी मरजी पूरी करीस” शेवली कावा वो पेहल क उठाड़ देता छे, ताकि दिसरा क नियुक्त करे।

¹⁰ ओकी मरजी छे हामु ईशु मसीह की देह क एक ही बार बलिदान चढ़ावने जाने क द्वारा चुखलो कर गया छे।

¹¹ हर पुजारा तो उबा हईन हर दाहड़े सेवा करता छे, आरू एक ही प्रकार क बलिदान क जो पाप क कदी भी दूर नी कर सकता, बार बार चढ़ावता छे।

¹² पुन यो व्यक्ति तो पाप क बदले एक ही बलिदान सर्वदा क करता चढ़ावीन यहोवा–भगवान क डासच्य जाय बठ्या।

¹³ आरू तीनी टेहाव छे इसकी वाट जुय रया छे, कि ओका दुस्मन ओका पाय क नेचो की पीढी बने।

¹⁴ काहकि त्यो एक ही चढ़ावने क द्वारा तीनुक जो चुखलो कर्‍या जाता छे, सर्वदा क करता सिध्द कर दिदा छे।

¹⁵ आरू चुखलो आत्मा भी हामु योही गवा देता छे: काहकि त्यो पेहल कयो हुता।

¹⁶ पोरबु कयता छे कि जो वाचा हाव उन दाहड़ा क बाद उनछे बांधीस वो यो छे कि हाव आपने नियम क ओको दिल पर लिखीस आरू हाव ओको विचार नाखीस।

¹⁷ पछु हाव वो यो कयता छे, “हाव ओको पाप क आरू ओको अन्याय क काम क पछु कदी याद नी करीस।”

¹⁸ आरू जव इन्दरी माफी हुय गयी, तो पछु पाप क बलिदान नी रया।

यहोवा–भगवानन समीप जाय

¹⁹ एरकरीन हे भाईस, जव हामु ईशु क लुहूय क द्वारा ओको नवलो आरू जीवतो मार्ग छे चुखलोस्थान मा भरायने करने क हियाव होय गयो छे।

²⁰ जो त्यो परदा मतलब आपसा डील मा छे हईन, हामरे करता अभिषेक कर्‍या छे।

²¹ आरू एरकरीन कि आमरो ओसो महान पुजारा छे, जो यहोवा–भगवान क घर क हक छे।

²² तो आवु, हामु सचे मन आरू पूरो विश्वास क साथे, आरू विवेक क दोष दूर करने क करता हृदय पर छिड़काव लीन, आरू देह क चुखो जल छे धुवीन यहोवा–भगवान क समीप जाय।

²³ आवु हामु आपसी आश क पछतायो क दृढ़ता छे थाहाव रया, काहकि जो प्रतिज्ञा करी छे वो सच छे।

²⁴ आरू मोंग, आरू भले काम मा चढ़ावने क करता हामु एक दिसरा की चिंता कर्‍या करे।

²⁵ आरू एक दिसरा क साथे एखठा हुयने नी छुड़ जोसो कि कोतरा की रीति छे, पर एक दिसरा क समझता रया; आरू जसो–जसो उना दाहड़ाम निकट आवता देखु त्यो त्यो आरू भी सवटो यो कर्‍या करू।

²⁶ काहकि सच की उळखने हासिल करने क बाद यदि हामु जान बुझीन पाप करता रया, तो पाप क करता पछु काही बलिदान बाकी नी।

²⁷ हाव, दण्ड क एक भयानक वाट जोहना आरू आगठा जलन बाकी छे जो विरोधी क भस्म कर देसे।

²⁸ जव मूसा की व्यवस्था क नी माननेवावा, दुय या तीन जना की गवा पर, बिना दया क मार नाखने जाता छे।

²⁹ तो सुच लेवु कि वो कोतरा आरू भी भारी दण्ड क योग्य ठरछे, जो यहोवा–भगवान क पोर्‍य क पाय छे रौंदा आरू वाचा क लुहूय क ओका द्वारा वो चुखलो ठराय गया हुता, विटुळ जानने छे, आरू फोकटन दया क आत्मा क विजुत कर्‍या।

³⁰ काहकि हामु उको जानता छे, हाव जो कयो, “पलटा लेने मारो काम छे, हाव ही बदलाय दीस।” आरू पछु यो, कि “पोरबु आपने मानसे क न्याय करसे।”

³¹ जीवता यहोवा–भगवान क हात मा पड़ने भयानक वात छे।

³² पुन उन पोछले दाहड़े क स्मरण करू, जिन मा तुमू दिया देखीन दुःख क मोटो संघर्ष मा स्थिर रया।

³³ किही किही तो यो कि तुमू निंदा आरू पीड़ा सहता होया तमाशा बने, आरू किही यो कि तुमू ओको साझी होया जिनकी दुर्दशा की जाती होती।

³⁴ काहकि तुमू कैदीयो क दुःख मा भी दुःखी होया, आरू आपसी संपत्ति भी खुशी छे लुटने देदी; यो जानीन कि तुमरे साथे एक आरू भी वारू आरू सर्वदा ठरनेवावी सहमत छे।

³⁵ एरकरीन आपसा हियाव नी छुडू काहकि ओको हर फोव मोटा छे।

³⁶ काहकि तुमू धीरज धरने छाची छे, ताकि यहोवा–भगवान की मरजी क पूरी करीन तुमू प्रतिज्ञा क फोव देखछे।

³⁷ काहकि हिमी घोणा ही थुड़ा टेहाव रया गया छे, जव कि आवनेवाळा आवसे आरू देर नी करसे।

³⁸ पर मारो छाचाय पर चालने वाळो न्यायीजन विश्वास छे जीवता रोवछे, आरू यदि वो पछव हट जाछे तो मारो मन उना छे खुश नी होयछे

³⁹ पर हामु हटनेवावा नी कि नाश होय जाय पर विश्वास करनेवावा छे कि जीव क वाचाड़्या।