હિબ્રૂ 1 - परमेश्वरन सत्य वचन नवलो नियम

यहोवा–भगवान क वचन, पोर्‍या क लारे

¹ पेहला बारा मा यहोवा–भगवान कागळियान क लारे वेगला डाहडा से थुड़ो थुड़ो करीन आरू भाति भातिन वात करियो।

² इन आखरी दाहड़ा मा हामु छे पोर्‍य क द्वारा वात की, जिनाक त्यो सारी समान क वारीस ठेराया आरू ओकी क द्वारा त्यो सारी सृष्टि की रचना की छे।

³ वो ओकी महिमा क प्रकाश आरू ओका तत्व की छाप छे, आरू सब चीज क आपसी शक्ति क वचन छे संमावतो छे। वो पाप क धुवीन उंचा स्थान पर महामहिमन क डासच्य जाय बठ्या।

⁴ आरू सोरग छे ओतरा ही वारू ठेराया, जोतरा त्यो उनछे मोटा पद क वारीस हईन वारू नाव देख्या।

यहोवा–भगवान पोर्‍या की श्रेष्ठता

⁵ काहकि सोरग मा छे किही काही छे कयो, “तु मारो पोर्‍य छे, आज तु म्हार सी पयदा हुयो?” आरू “हाव ओको बाप कहवाईस।”

⁶ आरू जव पेहलौठे क धरती मा पछु लावता छे, तो कयता छे, “यहोवा–भगवानन सब सोरगदूत ओको दण्डवत् करू।”

⁷ आरू सोरगदूतन विषय मा यो कयता छे, “वो आपने दुतन पवन, आरू आपसा सेवकन धधकती आगठो बनावता छे।”

⁸ पुन पोर्‍या विषय मा कयता छे, “हे यहोवा–भगवान तारा सिंहासन युगानयुग रोवछे: तारा राज्य क राजदण्ड न्याय क राजदण्ड छे।”

⁹ तु ने न्यायपन छे मोंग अन्याय छे दुस्मनी राख्या; इनीये कारण यहोवा–भगवान, तारा यहोवा–भगवान ने, तारा साथी छे बढ़ीन हर्षरूपी तेल छे तारो अभिषेक कर्‍या।

¹⁰ आरू यो कि, “हे पोरबु शुरू मा तु ने धरती की नींव नाखी, आरू सोरगदूत तारा हात की कारीगरी छे।

¹¹ वो तो नष्ट होय जाछे, पुन तु बन रोवछे; आरू वो सब लुगड़ान समान जुनला होय जाछे।

¹² आरू तु तीनुक चादरान समान वेटावछे, आरू वो लुगड़ा क समान बदल जाछे: पर तु चो छे आरू तारा साल क आखरी नी होयछे।”

¹³ आरू सोरगदूत मा छे त्यो काही छे किही कयो, “तु मारो डावु बठ्या, जव तक की हाव तारे दुस्मनयो क तारे पाय क नेचो की पीढ़ी नी कर दीस?”

¹⁴ काय वो सब सेवा टहल करनेवाळी आत्मा नी, जो उध्दार देखनेवावान करता सेवा करनेन मुकली जाती छे।