2 તિમોથી 1 - परमेश्वरन सत्य वचन नवलो नियम

नमस्कार

¹ पौलुसन चा रयन सी जो, ओको जीवन की प्रतिज्ञा क लारे जो मसीह ईशु मा छे, यहोवा–भगवान की मरजी छे मसीह ईशु क प्रेरित छे।

² मोंगावु पोर्‍या तीमुथियुस क नाव यहोवा–भगवान बास आरू हामरा पोरबु मसीह ईशु की आरू छे तुखे फोकटन दया आरू दया आरू शांती मिवती रोवे।

धन्यवाद आरू बढ़ावु

³ जिना यहोवा–भगवान की सेवा मा आपसा बास दादा की रीति पर चुखो विवेक छे करता छे, तिनान धन्यवाद होय कि हाव आपसी प्रार्थना मा तुखे रातने दाहडु फोम करतो छे।

⁴ आरू तारा आसा की सुधि कर करीन रात दाहडु तुखे छे भेंट करने की लालस राखता छे कि खुशी छे भर जाय।

⁵ मखे तारे वोखे निष्कपट विश्वास की सुधि आवती छे, जो पेहल तारी नानी लोइस आरू तारी आश यूनीके मा हुता, आरू मखे छाचो छे कि तुखे मा भी छे।

⁶ इनी कारण हाव तुखे याद देवाड़ता छे कि तु यहोवा–भगवान क ओको वरदान क जो मारे हात राखने क तुखे मिव्यो छे प्रज्वलित कर देय।

⁷ काहकि यहोवा–भगवान हामु क डर नी पुन शक्ति आरू मोंग आरू संयम क आत्मा देदी छे।

⁸ एरकरीन आमरो पोरबु की गवा छे, आरू मखे छे जो ओको कैदी छे, लज्जित नी होय पर ओको यहोवा–भगवान की शक्ति क लारे खुश खबर क करता मारे साथे दुःख झेलीयो।

⁹ जो हामरा उध्दार कर्‍यो आरू चुखलो बुलावट छे बुलाया, आरू यो आमरो काम क लारे नी; पर ओका उद्देश्य आरू ओको फोकटन दया क लारे छे जो मसीह ईशु मा अमरकाय छे हामु पर होया छे।

¹⁰ पर हिमी हामरा उध्दारकरता मसीह ईशु क प्रगट हुयने क द्वारा प्रकाशित हुयो, जो मरन क नाश कर्‍या आरू जीवन आरू अमरकाय डील क ओको खुश खबर क द्वारा चमकाड़ देदा।

¹¹ जिना क करता हाव खबरक, आरू प्रेरित, आरू शिक्षा देने वाळा भी ठराय।

¹² इनीये कारण हाव इन दुःख क भी झेलतो रये छे, पर लाज नी काहकि हाव ओको जिना पर हाव ने विश्वास कर्‍या छे, जानता छे; आरू मखे छाचो छे कि वो मारी जवाबदारी की उना दाहड़ा तक राखवावी कर सकता छे।

¹³ जो सची वात तु ने मखे छे सोमवी छे उनको ओको विश्वास आरू मोंग क साथे जो मसीह ईशु मा छे, आपसी विजुत बनावीन राख।

¹⁴ आरू चुखलो आत्मा क द्वारा जो हामु मा बस्यो हुयो छे, इनीये वारली धरोहर की राखवावी कर।

¹⁵ तु जानता छे कि आसियावाळा सब मखे छे पछु गया छे, जिनमा फूगिलुस आरू हिरमुगिनेस छे।

¹⁶ उनेसिफुरूस क घराने पर पोरबु दया करे काहकि त्यो घोणा बार मारा जीव क ठंडो कर्‍यो आरू मारी साकव छे लज्जित नी हुयो।

¹⁷ पर जव वो रोम मा आश, तो मोटो यत्न छे हेरीन मखे छे भेंट करी।

¹⁸ पोरबु करे कि उना दाहड़ाम ओको पर पोरबु की दया होय आरू जो जो सेवा त्यो इफिसुस मा की छे तीनुक तु भली भाति जानता छे।