2 કોરિંથી 1 - परमेश्वरन सत्य वचन नवलो नियम

नमस्कार

¹ पौलुस न चा गथो जो यहोवा–भगवान कि मरजी छे मसीह ईशु क प्रेरित छे, आरू भाईस तीमुथियुस कि आरू छे यहोवा–भगवान कि उना मंडळी क नाव, जो कुरन्थियो मा छे, आरू सब अखाया क सब चुखला मानसो क नाव:

² आमरो बास यहोवा–भगवान आरू पोरबु ईशु मसीह कि आरू छे तुमू फोकटन दया आरू शांती मिवती रये।

यहोवा–भगवान क धन्यवाद करने

³ आमरो पोरबु ईशु मसीह क यहोवा–भगवान आरू बास क धन्यवाद होय, जो दया क बास आरू सब प्रकार कि शांती क यहोवा–भगवान छे।

⁴ वो हामरे सब तकलीद मा शांती देता छे; ताकि हामु उना शांती क कारण जो यहोवा–भगवान हामु देता छे, तीनुक भी शांती देय सके जो काही प्रकार क तकलीद मा होय।

⁵ काहकि जोसो मसीह क दुःख मा हामु सवटो सहभागी हुयसे छे, वोसो ही हामु शांती मा भी मसीह क द्वारा सवटो सहभागी हुयसे छे।

⁶ यदि हामु तकलीद मा देखता छे, तो यो तुमरी शांती आरू उध्दार क करता छे; आरू यदि शांती देखता छे, तो यो तुमरी शांती क करता छे; ओका शक्ति छे तुमू धीरज क साथे उन तकलीद क सह लेता होय, जिन्हे हामु भी सहत छे।

⁷ हामरी आश तुमरे विषय मा दृढ़ छे; काहकि हामु जानता छे कि तुमू जोसो हामरे दुःख मा, वोसो ही मदत मा भी सहभागी होय।

⁸ हे भाईस, हामु नी जुवता कि, तुमू हामरे उना तकलीद छे अनजान रयो जो आसिया प्रदेश मा हामु पर पड़्या; हामु वोसो भारी बोझ छे दाब गया हुता, जो हामरी शक्ति छे बाहरता हुता, याहा तक कि हामु जीवन छे भी हात धुवीन बठ्या हुता।

⁹ वरना हामु ने आपने मन मा समझ लेदा हुता, कि हामु पर मरला कि हुकुम होय त्योकी छे। ताकि हामु आपसा विश्वास नी राख्या, वरना यहोवा–भगवान क जो मरला हुयो क जीवाड्या छे।

¹⁰ तीनी ने हामु मरला क वोसो मोठो संकट छे वाचाड़यू आरू वाचाड़छे छे; आरू उना पर हामरी यो आश छे। कि वो ओगव क भी वाचाडता रया।

¹¹ तुमू भी मिवीन प्रार्थना क द्वारा हामरी मदत करू कि जो वरदान घोणा क द्वारा हामु हावव्य ओका कारण घोणा मानसे हामरी आरू छे धन्यवाद कर्‍या।

पौलुस कि यात्रा योजना मा बदलाव

¹² काहकि हामु आपने विवेक इनीये गवा पर डाहळाय करता छे, कि जगमा मा आरू विशेष करीन तुमरे विच मा, हामरा चरित्र यहोवा–भगवान क योग्य ओसी चुखला आरू सच्चाई सहित हुता, जो शारीरिक ज्ञान छे नी पुन यहोवा–भगवान क फोकटन दया क साथे हुता।

¹³ हामु तुमू आरू काही नी लिखता, केवल वो जो तुमू भनता या मानता भी होय, आरू मखे आश छे कि आखरी तक भी मानता रोवछे।

¹⁴ जोसो तुमू मा छे कोतरा ने मान लेदा छे कि हामु तुमरे डाहळाय क कारण छे, वोसो ही तुमू भी पोरबु ईशु क दाहडू हामरे करता डाहळाय क कारण ठेहरछे।

¹⁵ इनीये विश्वास छे ने जुवता हुता कि पेहल तुमरे साथे आवीस कि तुमू एक आरू जादा खुशी मिवे;

¹⁶ आरू तुमरे साथे छे हईन मकिदुनिया क जावु, आरू पछु मकिदुनिया छे तुमरे साथे आवीस; आरू तुमू मखे यहूदिया कि आरू छे काही दूर तक पुचाड्या।

¹⁷ एरकरीन हाव ने जो यो मरजी कि होती तो काय हाव ने चंचलता देखाय? या जो करने जुवता छे काय डील क लारे करने जुवता छे कि हाव वात मा होव भी करू आरू नी भी करू?

¹⁸ यहोवा–भगवान सच्चा गवा छे कि हामरे उना वचन मा जो तुमू छे कयो “होव आरू नी दुय नी देखता जाता।”

¹⁹ काहकि यहोवा–भगवान क पोर्‍य ईशु मसीह जेरो हामरे द्वारा मतलब मारो आरू सिलवानुस आरू तीमुथियुस क द्वारा हामरे विच मा खबर हुयो, उनमा होव, आरू नी दुय नी हुता, पुन उनमा होव ही होव होयी।

²⁰ काहकि यहोवा–भगवान की जोतरी प्रतिज्ञा छे, वो सब तीनी मा होव क साथे छे। एरकरीन ओका द्वारा आमेन भी होयी कि हामरे द्वारा यहोवा–भगवान कि महिमा होय।

²¹ आरू जो हामु तुमरे साथे मसीह मा दृढ़ करता छे, आरू जो हामरा अभिषेक कर्‍या चो यहोवा–भगवान छे,

²² जो हामु पर छाप भी कर दिदा छे आरू बयाने मा आत्मा क हामरे मानो मा दिदा।

²³ हाव ने यहोवा–भगवान क गवा करीन कयता छे कि हाव हिमी तक कुरिन्थस मा एरकरीन नी आश, कि मखे तुमू पर तरस आवता हुता।

²⁴ यो नी कि हामु विश्वास क विषय मा तुमू पर पोरबुता जताना जुवता छे; पुन तुमरे खुशी मा सहायक छे काहकि तुमू विश्वास ही छे स्थिर रयता होय।