1 થેસલોનિકી 4 - परमेश्वरन सत्य वचन नवलो नियम

यहोवा–भगवान क खुश करनेवावा जीवन

¹ एरकरीन हे भाईस, आरू बहनीस हामु तुमू छे रावन्या करता छे आरू तुमू पोरबु ईशु मा समझाता छे कि जोसो तुमू नी हामु छे योग्य चाल चालने आरू यहोवा–भगवान क खुश करने सिख्या छे, आरू जोसो तुमू चालता भी होय, ओसो ही आरू भी बढ़तो जाय।

² काहकि तुमू जानता होय कि हामु नी पोरबु ईशु कि आरू छे तुमू कुन कुन सी शिक्षा आपी।

³ काहकि यहोवा–भगवान कि मरजी यो छे कि तुमू चुखलो बन्या; आरू व्यभिचार छे वाच रया,

⁴ आरू तुमू मा छे हर एक चुखला आरू विजुत क साथे आपने बायर क व्यवहार करनो जूवे।

⁵ आरू यो काम लालोच छे नी, आरू नी आरू नी उन जाति क समझ जो यहोवा–भगवान क नी जानता

⁶ आरू ची वात मे कयो वो भाईस्योक नी ठगनो आरू ओका पर यहोवा भगवान सब वातन हिसाब लेनु छे, जोसो कि पेहले से कय रयु होतु।

⁷ काहकि यहोवा–भगवान ने हामु विटळ जीवने क करता नी, पुन चुखलो हुयने क करता बुलाया छे।

⁸ इनीये कारण जो इनाक तुच्छ जानता छे वो मानुस क नी पुन यहोवा–भगवान क तुच्छ जानता छे, जो आपसा चुखलो आत्मा तुमू मा देता छे।

⁹ पुन भाईचारे कि प्रेम क विषय मा यो छाची नी कि हाव तुमरे साथे काही लिख्यो काहकि आपस मा मोंग राखने तुमू ने आप ही यहोवा–भगवान छे सिख्या छे।

¹⁰ आरू सब मकिदुनिया क सब भाईस क साथे प्रेम करता भी होय। पुन हे भाईस, आरू बहनीस हामु तुमू समझता छे कि आरू भी बढ़ता जाय।

¹¹ आरू जोसो हामु तुमू क हुकुम देदी छे, ओसो ही त्योपचाप रयने आरू आपनो–आपनो कामाकाज करने आरू आपने–आपने हात छे कमायने क कोशिष करू।

¹² ताकि बाहरतावावा छे विजुत हासिल करी आरू तुमू काही समान कि घटी नी होय।

ईशु क पोछो आवने

¹³ हे भाईस, आरू बहनीस हामु नी जानता कि तुमू ओको विषय मा जो मरला छे, विनअकलिया रयो; ओसो नी होय कि तुमू दिसरा क सामने शोक कर्‍या जीने आश नी।

¹⁴ काहकि यदि हामु विश्वास करता छे कि ईशु मरला आरू जीवीन भी उठाय, तो ओसो ही यहोवा–भगवान तीनुक भी जो ईशु मा मरला गया छे, तीनी क साथे ली आवसे।

¹⁵ काहकि हामु पोरबु क वचन क लारे तुमू छे यो कयता छे कि हामु जो जीवता छे आरू पोरबु क आवने तक वाच रये, सुया होया छे कदी अगो नी बडछे।

¹⁶ काहकि पोरबु आप ही सोरग छे उतरसे; उना टेहाव ललकार, आरू प्रधान क ओवाज सोमवाय देसे, आरू यहोवा–भगवान कि भेहरी वाजाड़ी जाछे; आरू जो मसीह मा मरला छे, वो पेहल जीवन उठसे।

¹⁷ तव हामु जो जीवता आरू वाचा रोवछे ओको साथे वादवा पर उठाय लेदा जाछे कि हवा मा पोरबु छे मिव्यो; आरू इनी रीति छे हामु सदा पोरबु क साथे रोवछे।

¹⁸ इनीये प्रकार इन वात छे एक दिसरा क बढ़ावु दिया करो।