प्रकाशितवाक्य 1 - नोयरी नोवलू नियम

परिचय

¹ येशु ख्रिस्ताचे प्रगटी करन, जे तियाहा परमेश्वराने याकोअता आप्लु का आपाआ दासाहा ते गोठी ज्याआ वेगु उवे आवश्यक होय, देखाड्यू; अने तिये तियाआ स्वर्गदूत मोकलित तियाआ त्यापोरत आपाआ दास योहानाआ कोयु,

² जिये परमेश्वरोओ वचन अने येशु ख्रिस्ताची साक्ष, अर्थात जे किबी तिये पहीले ओते तियाआ कक्षी आप्यी.

³ धन्य होय ते आव संदेष्ट्याआ वचन वासत्लू, अने ते जे होमलित अने तीयाम लेखल्यो गोठीहि मानतेहे; काहाके का टाईम जागे होय.

सातु कलिसियाहा युहन्नाआ अभिवादन

⁴ योहान त्यापोरोत आशियातिल सात मंडळी नावे त्यापोरोत जो होय अने जो ओतु अने जो आविलो होय; अने तियाआ सात आत्मा वोलरोत जे तियाआ सिहासना आगाड़ी होय,

⁵ अने येशु ख्रिस्ता त्यापोरोत जो विश्वास साक्षी अने मोल्यांमेरोत जिवंत उठलामे रोत पेल्लु अने धरतीई राजांचा अधिकारी होय, तुमामे कृपा अने शांती जोडती रोय, तोओ आमापो प्रेम मिकत्लू, अने तियाआ रक्ताआ त्यापोरत आपाहा पापाप मेहेरोत सोडव्योहो,

⁶ अने आमाहा एक राज्य फासी आपाआ बाह्हू परमेश्वरा कोअता याजक बोणाडीत आप्यू; तेहलूज गौरव अने पराक्रम कायम रोय आमेन.

⁷ पाला, तो वादलाआरी आविलो होय, अने हर एक डोउ तियाहा देखाल्यो, अने जिये तियाहा भोसकिले ते पोन तियाहा पालिलो, अने पृथ्वीई आखे कुल तियाआ कारनोवाही छाती ठोकतील आमेन.

⁸ प्रभू परमेश्वर जो होय अने जो ओतु अने जो आविलो होय, जो सर्वशक्तीमान होय, ओ कोत्लू, आय अल्फा अने ओमेगा होय.

युहन्नाहा मसीह दर्शन

⁹ आय योहान, जो तुमाआ पाही अने येशुउ त्रास अने राज्य अने धीर मेहे आय तुमाआ सहभागी होय, परमेश्वरोओ वचन अने येशुउ साक्षीआ कारण पतमुस नावोओ बेटाम ओतु.

¹⁰ आय प्रभूउ तेदीही आत्माम आविलो गोल्यू, अने आपाआ फासाडी कर्ण्याचा वोडू शब्द ओ कोत्लू होम्लायो,

¹¹ जे किबी तू पाल्तू तियाहा पुस्तकाम लेखित सात मंडळी आरी पाठून आप, अर्थात इफिस अने स्मुर्णा, पगर्म अने थुवतीरा अने सर्दीस अने फिलादेल्फिया अने लौदीकियाला;

¹² जाहा आय तियाहा, म्हणजे जो माआआरी गोगीत ओतु, पालीलो कोअता मा सोब फिरीविलो; अने आय फासाडी पाल्यू हुनाआ सात दिवटे पाल्यू,

¹³ अने आव दिवटे माय माअहा पोऱ्या सदृश्य होमला माहु पहीले, जो गुडापजाआ कापडे कालीला अने सातीपो होना पट्टू बादित ओतु.

¹⁴ तियाआ मुंडको अने सिंज्ये धवले लोकरी हारखी उज्वल ओती, अने तियाआ डोआं आगीही जागेण्या एकहरको ओती.

¹⁵ तियाआ गुडू उत्तम पितळीआ एकहरको ओते जो नाहा का भट्टी माय तापलो गोये ओते, अने तियाआ शब्द जाअखो पाअयोंआ शब्दा सारखो ओते.

¹⁶ तो आपाआ हाजला आथोमेहे सात तारे लेदलो ओते, अने तियाआ सोबिपो रोते तेज दुधारी तलवार निहित ओती त्याचे सोब एहलो प्रज्वलित उवनारा, जेहलो दिह कडक तोपो मेहे सोमकीतलु.

¹⁷ जाहा आय तियाहा पालील्यो ताहा तियाआ गुडापो मोअल्या सारखू पोडीत गोल्यू माआ पोओ हुदू आथ मेकीत कोयु, मा बिही; आय पेल्लू अने अंतिम अने जीवतु होय.

¹⁸ आय मोईतगोल्यू ओतू, अने अमे पाल आय कायम जीवतु होय; अने मोईतगोल्यू अने अधोलोको चाबी मापों होय.

¹⁹ याकोअता ज्या गोठी तू देख्यू होय अने ज्या गोठी उवनारा होय अने ज्या गोठी तिया फासाडी उवे होय, तियाअ आखाहा लेखित ले.

²⁰ अर्थात सात ताऱ्यांआ भेद ज्याहा तू माआ हाजला आथोमेहे पालील्यो ओते, अने तिया सात हुनाआ दीवटचा भेद; ताहा सात तारे सात मोडली स्वर्गदूत होय, अने ते सात दीवट सात मंडली होय.