गलाती 1 - नोयरी नोवलू नियम

पौलुस वोलरोत अभिवादन

¹ पौलाआ जो नाहा माहाआ वोलरोत नाहा माहा द्वारा पोन येशु ख्रिस्त अने परमेश्वर बाह्हाआ द्वारा जो तियाहा मोल्यामरोत जीवतो कोअयु प्रेषित होय

² अने आखे पायहोहो जे माआरी होय गलाती मंडली नावामेहे

³ परमेश्वर बाह्हू अने आमाआ प्रभू येशु ख्रिस्त याआ तुमामे कृपा अने शांती जोडती रोय.

⁴ तिये स्वतःहा आमा पापो कोअता आपित आप्लु म्हणजे आमाआ परमेश्वर अने बाह्हाआ इच्छे वांही आमाहा या वर्तमान टायमोमें अने वाईट संसारामेरोत सुडावे.

⁵ तियाआ स्तुती अने गौरव कायम ओवती रोय आमेन.

फक्त एकुज सुसमाचार

⁶ माहु आश्चर्य लागेहे का जीआ तुमामे ख्रिस्ताच्या कृपेमध्ये हादाडये त्यापोरोत तुमु ओतो जल्दी फिरीत अने दिहरेज हाजो सुसमाचारो वोल झुके वोल्ये.

⁷ पोन तो दिहरु हाजो संदेश होय नाहा पण ती गोठी एहली होय का केते एहलो होय ते तुमामे बीवाडीते आपत्ले अने येशु ख्रिस्ताच्या सुवर्तेला बिगडाव नारू प्रयत्न कोअता.

⁸ जर आमाहा किंवा स्वर्गदूत पण आव सुवर्तेला सोडीत जे आमू तुमामे कोयु होय तियाहा सोडीत दिहरी सुवार्ता तुमामे कोअही ताहा ते श्रापित होय.

⁹ जेहलो आमाहा पालील्यो कोत चुक्यो होय तेहलूज आमाहा फासी सांतो का आव सुवार्ता सोडीत ज्याहा तुमु होव कोयत होय जर कोडु दिहरु हाजू संदेश कोअही ताहा तो श्रापित होय.

¹⁰ ओमे आय की मांह्हू मानत्लू के परमेश्वरोओ? के आय मांह्हू संतुष्ट कोइलाआ इच्छा कोअत्लू जर आय ओमे पर्यंत मांहोहो संतुष्ट कोईत रोला ओतलू ताहा ख्रिस्ताआ दास रोला नसते.

प्रेरितों कोअता बुलाहट

¹¹ ऐ पाही, आय तुमामे कोत आपोहो का जी सुवार्ता आय कोल्यी होय ती माहाआ नाहा.

¹² काहाके ती माहु महापरोत नाहा अने माहु हिकाडये पण नाहा पण येशु ख्रिस्ताच्या प्रकटी कोअनाराहा जोडयेहे होय.

¹³ यहुदी कोतेहे जे पालील्यो माआ वागणुक ओते त्याविषयी तुमु होमल्यु होय का आय परमेश्वरो मंडलीई जास्तीज छळ कोईत ओतू अने नाश कोअला

¹⁴ माआ जाखो जातीही जे मा सारखच ओते, यहुदी मतात जाखो वोदिते जातले ओते अने आपाआ पूर्वजाआ परंपराकोता जास्तीज उत्तेजित ओते.

¹⁵ पोन परमेश्वरोओ जीआ माआ याह्हीई गर्भातूनच माहु ठेरव्यो अने आपाआ कृपेणे हादीत लेधलो,

¹⁶ जाहा इच्छा उवी का मामेह आपाआ पोऱ्याहा प्रकट कोईलो का आय अन्यजातिमे तियाआ सुसमाचार प्रचार कोहू तेहलाम आय मांस किंवा रक्तवाही मार्गदर्शन लेधलो नाहा,

¹⁷ अने यरुशलेमेत पण गोल्यो नाहा त्याआरी जे माआगाडी जे प्रेषित ओते पण लागेज अरबला निहित गोल्यू अने तीरोते दमिश्काला फिरीत आवयू.

¹⁸ फासाडी तीन वरहो मेहे आय कैफाला मिलनेकोता यरुशलेमोमे गोल्यो अने तियाआ जागे पंधरा दीही रोला.

¹⁹ पोन प्रभूआ पाही याकोबाला सोडीत दिहरा प्रेषितांमधून एकाहा पण मिल्यू नाहा.

²⁰ ज्या गोठी आय तुमामे लेखातुलू पाला, परमेश्वरोओ उपस्थित होमजीत कोत्लू ते खोटो नाहा.

²¹ याफासाडी आय सिरीया अने किलीकीयाच्या प्रदेशाम आवयू.

²² पोन यहुदिया मंडली जे ख्रिस्तामध्ये ओते माआ सोब खोरोज पाल्लये निमिले,

²³ पोन तिया मंडळ्या ओच होमलित कोयु का जो पहीले आमाआ छळ कोईत ओतु आमाहा ओमे तियाआ विश्वासाआ सुवार्ता प्रचार कोअत्लू ज्याहा पालील्यो नाश कोईत ओतु.

²⁴ अने ते माआ विषयाम परमेश्वरोओ गौरव कोईओलो.