1 यूहन्ना 1 - नोयरी नोवलू नियम

जीवनों वचनों घोषणा

¹ तियाआ जिविनाआ वचनाआ विषयोमेहे जो पेल्लू ओतु ज्याहा आमू होमले अने ज्याहा आमू आपाआ डोआवाही देख्या होय पोन ज्याहा आमू द्यान देत पाल्याहा अने आथोवाही सापलित पाल्याहा

² ओ जीवोन प्रगट उवे, अने आमू तियाहा पालील्यो, अने तियाआ साक्ष आपोहो, अने तुमामे तिया अनंत जीवनाआ सुवार्ता कोअता जे बाह्हारी ओतु अने आमापो प्रगट ओवयू

³ जे किबी आमू पालील्यो अने होमलित होय तिया सुवार्ता तुमामे पोन आपोहो, यकोअता का तुमु पण आमा आरी सहभागी ओवो; अने आमाआं ए सहभागीता बाह्हा सोबत अने तियाआ पुत्र येशु ख्रिस्ताच्या आरी होय

⁴ अने आव गोठी आमू यकोअता लेखत्ला का आपाआ आनंद पर्व ओत जाय.

परमेश्वरोरी सहभागिता

⁵ जो समाचर आमाहा तियाआ होमल्या एकाहा अने तुमामे कोतेह, ते आ होय का देव प्रकाश होय अने तीयाम किबी आंदारो नाहा.

⁶ थोडोजे आमू कोहू ताहा तियाआ आरी आमाआ सहभागीता होय अने फासी आंदाराम जालो, ताहा आमू ठोग होय अने खोरापोओ नि सालते;

⁷ पोन जर एहलो ते उजवोडाम होय, तेहलूज आम्हुबी उजवोडाम सालीलो, ताहा एक दिहराआरी सहभागी मेकात्ले, अने तियाआ पुत्र येशुउ रक्त आमू आखाहा पापम रोत शुद्ध कोअत्लू.

⁸ जर आमू कोहू का आमापो किबी पाप नाहा, ताहा आपाआ पाप धोका आपोहो, अने आमापो खोरो नाहा.

⁹ जर आमू आपाआ पाप मानीत लेहु ताहा तो आमा पाप क्षमा कोइला कोअता अने आमू आखाहा अधर्माम रोत शुद्ध कोइला कोअता विश्वासयोग्य अने धोर्मी होय.

¹⁰ जर आमू कोहू का आमू पाप नाहाकोयो, ताहा तियाहा खोटो होमजीतेहे, अने तियाआ वचन आमापो नाहा.