1 कुरिन्थि 1 - नोयरी नोवलू नियम

अभिवादन

¹ पौलुसाआ वोल जो परमेश्वरा इच्छा सी येशु मसीहा प्रेषित उविलाआ हदाडल्यु गोल्यु अने पाही सोस्थेने वोलरोत भी,

² परमेश्वरोओ तिया मंडली नावापो जी कुरिन्थुस मायते होय, म्हणजे तियाआ नाव जे ख्रिस्त येशुमेहे पवित्र कोअये, अने पवित्र उविला कोअता हादाडये गोये होय; अने तियाअ आखाहाज नावामेहे जे हर एक जागापो आमापोरोत आपाआ प्रभू येशु ख्रिस्ताच्या नावामेहे प्रार्थना कोअता.

³ आमाआ बाह्हू परमेश्वर अने प्रभू येशु ख्रिस्ता वोलरोत तुमामे कृपा अने शांती जोडती रोय.

पौलुसोओ परमेश्वरोहो धन्यवाद

⁴ आय तुमाआ विषयी आपाआ परमेश्वरोओ धन्यवाद कायम कोअत्लू, यकोअता का परमेश्वरोओ कृपा तुमापो ख्रिस्त येशुमेहे उवी

⁵ का तियाआ मायरोन तुमु हर एक गोठीमे, म्हणजे आखे वचनोम अने आखे ज्ञानात श्रीमंत कोल्यु गोये

⁶ का ख्रिस्ताआ साक्ष तुमामे पाक्को निहीला जोवे

⁷ इहिंजा का कोडनीबि कृपादानामें तुमामे कोम कोयु नाहा, अने तुमु आमू प्रभू येशु ख्रिस्ताचे प्रगट ओनारो वात पालीत रोत्ले.

⁸ तो तुमामे आखिर पर्यंत स्थिर कोअनारू का तुमु आमा प्रभू येशु ख्रिस्ताच्या दिहोमे निर्दोष निहीला जोवे.

⁹ परमेश्वर खोरो अल्पविश्वसी विश्वास होय, जीआ तुमामे आपाआ पुत्र आमाआ प्रभू येशु ख्रिस्ताच्या सहभागीता मेहे हाद्युह्यू.

कुरिन्थियुसोओ कलीसिया मेहे विभाजन

¹⁰ ऐ पाही, आय तुमामे आमा प्रभू येशु ख्रिस्ताच्या नावामेहे विंनती कोअत्लू का तुमु आखे एकुच गोठी कोआ, अने तुमामे फुट रोंहु नाहा, पण एकुच मोन अने एकाच विचारोओ ओतगोयु मिलित रो.

¹¹ काहाके ऐ माआ पाही, खलोए कुटुंबांआ माहु-माहु तुमाआ विषयामे कोयु होय का तुमामे झगडू ओवेहे.

¹² माआ कोअलो अर्थ होय का तुमा मेहेरोत कोडु ताहा स्वतःहा पौलाचा, ताहा कोडु अप्पुलोसोओ, ताहा कोडु कैफाचा, ताहा कोडु ख्रिस्ताआ कोयु होय.

¹³ के ख्रिस्ताहा तुमु भाग पोडीत आप्लु होय? के पौलुस तुमा कोअता क्रूसपो सोडाव्यु गोल्यो? किंवा तुमामे पौलाचआ नावापो बाप्तिस्मे जोडयेहे?

¹⁴ आय परमेश्वरोओ धन्यवाद कोअत्लू का क्रिस्पूस अने गयुस याहा सोडीत आय तुमा मेहेरोत कोडोबी बाप्तिस्मे आप्यू नाहा.

¹⁵ का एहलो उवूंहू नाहा का कोडु कोअही तुमामे माआ नावापो बाप्तिस्मे जोडयेहे.

¹⁶ अने ओ आय स्तेफनाच्या कुटुंब पण बाप्तिस्मे आप्यु याहा सोडीत माहु मालुम नाहा का आय फासी कोडाआ बाप्तिस्मे आप्लु.

¹⁷ काहाके ख्रिस्ताने माहु बाप्तिस्मे आपलो कोअता नाहा ताहा सुवार्ता कोइला कोअता मोक्ल्यीत होय अने ओ पोन शब्दांआ ज्ञानाप्रमाणे नाहा, एहलो उवूंहू नाहा का ख्रिस्ताआ क्रूस व्यर्थ ठराविलो.

मसीह शक्ती अने परमेश्वरो ज्ञान

¹⁸ काहाके क्रूसची गोठी नाश ओव्नारा कोअता मूर्खता होय पण आपु तारण प्राप्त कोअनारा कोअता परमेश्वरोओ सामर्थ्य होय.

¹⁹ काहाके लेखिलो होय, “आय ज्ञानवानांच्या ज्ञानाह नाश कोअनारू अने समजीलो पेक्षा होमजुहू जोवे तुच्छ कोईत देही”

²⁰ का रोला ज्ञानवान? का रोला शास्त्री? का रोला आव जगाआ गोगाडनारु? नाहाकोत परमेश्वराने जुगाआ ज्ञानाह मूर्खता ठेरव्यो नाह?

²¹ काहाके जाहा परमेश्वरोओ ज्ञानाप्रमाणे संसाराआ ज्ञानाने परमेश्वाराला ओलखे नाहा ताहा परमेश्वरोओ ओ हाजो वाटेम का आव प्रचाराच्या गांडाहारखो विश्वास कोआनाराहा तारण आपी.

²² यहुदी ताहा चिन्हे मागे अने यूनानी ज्ञानाच्या होदिअलो होय,

²³ पोन आमू ताहा तिया क्रूसापोओ सोढविलो ओतलू ख्रिस्ताआ प्रचार कोअत्लू जे यहुद्यांसाठी ठोकराचे काहाके अने दिहरे जातीकोता मूर्खता होय,

²⁴ पोन जे हादाडये होय ते की यहुदी, की यूनानी, तियापो ख्रिस्त परमेश्वरोओ सामर्थ्य अने परमेश्वरोओ ज्ञान होय.

²⁵ काहाके परमेश्वरोओ मूर्खता मांहाहा ज्ञानापो रोते ज्ञानवान होय अने परमेश्वरोओ निर्बलता मांहाहा बल रोत जास्तीज बलवान होय.

फक्त प्रभु मेहे घमण्ड

²⁶ ऐ पाही, आपाआ हाद्नारू जाण्याआ विचार को डीलो प्रमाणे ताहा जास्तीज ज्ञानवान अने जास्तीज सामर्थी नाहा अने कुलीन एहलो हादाडये गोये नाहा.

²⁷ पोन परमेश्वराने जुगाआ मूर्खानां निवडीत लेधलो म्हणजे ते हुशारमाहुउ लज्जीत कोअनारू अने परमेश्वराने जुगाआ निर्बलोहो निवडीत लेधलो होय का जोरावाराह् लज्जीत कोअनारू,

²⁸ परमेश्वराने संसारामेरोत तियाहा पण निवडील्ये जे निसे ओते अने तुच्छ कोअयु जात ओतु अने ते जे किबी नाहा परमेश्वराने एहलाहा निवडील्ये म्हणजे संसार ज्याहा कितेबी होमजीत्लू तियाहा तो नाश कोअनारू.

²⁹ म्हणजे परमेश्वरा आगाडीही कोडलूच माहहू गर्व कोहू सेकेहे नाहा.

³⁰ पोन तुमु येशु ख्रिस्तस्तात त्याज कारनोवाही स्थिर होय तोज परमेश्वरोओ वरदानाआ रुपात आमाआं बुद्धी बोणीत गोये होय त्याज त्यापोरत आमाहा निर्दोष ठरविल्यो होय म्हणजे परमेश्वरोओ वोलरोत उवे अने पवित्रता अने छुटकारु मिले,

³¹ जेहलो का शस्त्रामेहे लेखिलो होय, “जर कोडाआ किबी गर्व कोईओलो होय ताहा तो प्रभू माय आपाआ स्थितीचा गर्व कोईओलो.”