Ester 10 - Norsk oversettelse 1938 nynorsk

Ahasverus legg skatt på landet; det som meir er å fortelja um han, er uppskrive andre stader, 1.2. Til slutt vert den høge rangen åt Mordekai stutt nemnd, like eins det gode han gjorde, 3.

¹ Kong Ahasverus la skatt på heile landet, jamvel og øyane i havet.

² Alt det han gjorde i si makt og sitt velde, og ei greinleg fråsegn um den høge rangen som kongen lyfte Mordekai upp til, det er uppskrive i krønikeboki åt kongane i Media og Persia.

³ For jøden Mordekai var næst etter kong Ahasverus i makt, og han var høgt æra millom jødane og vel lika hjå brørne sine, so mange dei var; han sytte stødt for velferdi åt folket sitt og tala til bate for heile si ætt.