Npin 1 - V'nen P'as iv'i Turanien Trtarep' m'a Turanien M'dah

¹ M'ertu la iasapa v'nenar arm'ertu stu, iap'tir kasapa navanelar arm'ertu na si stu, la ialak arna nut m'ertu avsip'sip'l avlak ha, hin iparn ipap'as.

² M'ertu inap'i lera ilap'as a v'nen huan a Mlin Eia, kav'ahur v'nen huan ren m'a lihat.

³ Hin ipanep'a sera nai alaui asn naui irarev' - navan iak arna naran viviln, raun ikam'aran, si udlani ipani ipav'el mamh.

⁴ M'ertu stu ahavnap'i lera, v'eti avnep'a sera nina m'lih la nalen itvi iv'a au ha.

⁵ Sena si lera m'ertu stu akavp'tir naran Atua ipan v'nen hua, m'ertu na si stu akavp'tir m'er arm'ertu p'as naran avp'lt mamh.

⁶ Sena ti a Mlin Eia irndu p'klr m'ertu p'as, v'eti navanelar m'ertu stu ipahiris udlani.