ŊURU 1 - NYƐʔƐLƐ LI KÀYORO

Ŋuru Sɛbɛkplɛɛ (1 - 41) Hɛnsinbee pé nyɛ frɛmɛ fɛɛ

¹ Ki woo wí nyɛ frɛmɛ ní, ŋa woò na tanri bì yala hɛnpee yrɛmɛ ní, ŋa woò na nyìní kloro da na kapere fɛɛ pé na teri wí na ge, ŋa woò na klɛn teme na bee ní pé na pè kle Nyɛʔɛlɛ na le.

² Di ga kí na ki woo glanʔa we kiì ga: Bajegɔ Nyɛʔɛlɛ li kayoro tí noo krɛʔɛ ge. Wí naa ti nyu mà na honri tí na yaagbanʔa yebliʔi.

³ Wí nyɛ nɛ pa tiʔi ga nyɛ pé ma tyɛnmu lɔfoʔo tanla ge. Ki naa pibi seri pi sɛnyiŋi na. Ki wɛbɛ pí naa gori nyibi su. Yraʔa o yraʔa ga ki hɛn wí na hanri ge kí na no wí kan.

⁴ Di hɛnpee pe woʔo ki ín je bo ban. Pé nyɛ nɛ pa fafawaʔaba nyɛ ba tiflɛʔɛ kí ma pi craʔa ge.

⁵ Kiì kɔsɔ na, ki hɛɛn bee be pe ìn bi yà gban bì tanʔa ta wa Nyɛʔɛlɛ li kiti konwlɛʔɛ na. Deʔe kɛ̀ ìn bi yà da pee kan be wa Nyɛʔɛlɛ li hɛɛn pe kpoʔolomo ni me.

⁶ Bajegɔ Nyɛʔɛlɛ lí na li hɛnsinbee pe nyuwyeʔe kɔrɔsi ge. Di hɛnpee pé na sye cɔʔɔmo kloʔo ni.