ESTER 10 - ALLAH WENE FANO WENE

Hun Ahasyweros mel Mordekhai mel, enanggiluk welatfag wene

¹ Raja Ahasyweros en de ap homi en yabuk ele omamne fam hweag-esauk kweleg dukwag ulug hweag-esebag on aire it ap homi o ik laut elan kwe wereg on etma fam neg hweag-esebag fug. Ite it ap dom-dom kwe en kwenang ambuwe kwe wereg on mel oho dukwag ulug hweag-esebag.

² Ne, Raja Ahasyweros en mun along hum ale duruk katfag on mel, nik ale duruk katfag on mel, ne aren Mordekhai yabuk leho wereg on dukwag ulug unduhuk febag ale mel, etma abirangge re buku ap raja Media mel Persia mel en duruk katfag ale baleg wereg latfag on anyo fam baloho febag.

³ Hun Mordekhai unggul unuk Yahudi on anyo re Raja Ahasyweros onggwareg apma wereg lit yabuk leho on ai duruk katfag. Airoho durukmu re ap homi at unggul unuk on en de at obam enahayeg deg lit de along bolug leho foruk katfag. Ne, at Mordekhai en de ap homi at unggul unuk on anyo enebe mel, it enambiangma en ondoho on mel, enahap wendareg wereg lit enebe finik-fanoroho welamag ulug enepuk katfag.