XINAM 1 - DVRWQ PVVBIsraelwg Nyob Panbo Tulungam Nyiimin mingnam 1 Ijipt gvda hoqgv bulug lengknamv vnyw nywnyi gola pool bvrnyig otuq aal yikho, kvvrwq minsko tombu ho, At Sw Mojesnvn Sinaig deexa-raraho agam goonv begamv, 2 “Israel nyiilug dvpar mwlwngam xika to, nyob tulungam, ab vxig imiq dvparam, tuup nyiimin vxiam, hoo dumpo pwxiam xika to. 3 Israel ho nyob palaq deenbo nyi mwlwngam vnyw camnyi akambo hoqgv naarab layil hoq odum mam no la Aaron bulam dvpar pam-pamwb xikal xikum to. 4 Hoo imiq dvpar pvrx hoqgv peelo bo akv, nulug lvgab nyob vx-cwr hoqgv nyi ak-akwb yvmin gvtayin. 5 Hoo soq nyi tulu si nulam svka ming tayin. Reuben hoqgv Sedeurg ko tuup Elijur; 6 Simeon hoqgv Jurisaddai gv ko tuup Selumiyel; 7 Juda hoqgv Amminadabg ko tuup Nahson; 8 Issakar hoqgv Juar gv ko tuup Netanel; 9 Jebulun hoqgv Helonwg ko tuup Eliyab; 10 Josap gv ko tuup tulu hoqgv, Iprayim hoqgv Ammihud gv ko tuup Elisama, hoo Manasse hoqgv Pedajur gv ko tuup Gamaliel; 11 Benjamin hoqgv Gideoni gv ko tuup Abidan; 12 Dan hoqgv Ammisaddai gv ko tuup Ahiejer; 13 Aser hoqgv Okran gv ko tuup Pagiel; 14 Gad hoqgv Deuel gv ko tuup Eliyasap; 15 Naptali hoqgv Enan gv ko tuup Ahira.” 16 Soq tulu sam Israelwg nyob dvparam bon nyig mvdwb, bulug ab tulug imiq hoqgv peelo gob xuqlin kunum. 17 Mojes la Aaron soq emin mingnum nyi tulu sam naanum, 18 hoo pool bvrnyig otuq aalho dvpar mwlwngam goqkum tvl hookum mvnum, ho vnyw camnyi akam bo hoqgv naarab layil hoq odum mwlwngam bulv atv nyiip-nyiipam bulug ab imiq dvpar hoqg nyobam emin xiqlwqnum, 19 At Sw Mojesnvn gaml bekjaqb mwv Sinai deexa-raraho bulam emin xeqnum. 20 Israelwg ko tuup vbw cociq Reubenwg nyiilungam, bulug hotam tulungam, bulug nyob tulungam, bulug ab imiq dvparam nyiip-nyiipam ho dumpo pwxiam nyega ko hiyv nyob palaq deenboam vnyw camnyi hoqgv naarab layil hoq odum mam emin xiqtunum: 21 Reubenwg nyob hoqgv emin xiqlwq kunamv 46,500 kunum. 22 Simeonwg nyiilungam, bulug hotam tulungam, bulug nyob tulungam, bulug ab imiq dvparam nyiip-nyiipam ho dumpo pwxiam nyega ko hiyv nyob palaq deenboam vnyw camnyi hoqgv naarab layil hoq odum mam emin xiqtunum: 23 Simeonwg nyob hoqgv emin xiqlwq kunamv 59,300 kunum. 24 Gadwg nyiilungam, bulug hotam tulungam, bulug nyob tulungam, bulug ab imiq dvparam nyiip-nyiipam ho dumpo pwxiam nyega ko hiyv nyob palaq deenboam vnyw camnyi hoqgv naarab layil hoq odum mam emin xiqtunum: 25 Gadwg nyob hoqgv emin xiqlwq kunamv 45,650 kunum. 26 Judag nyiilungam, bulug hotam tulungam, bulug nyob tulungam, bulug ab imiq dvparam nyiip-nyiipam ho dumpo pwxiam nyega ko hiyv nyob palaq deenboam vnyw camnyi hoqgv naarab layil hoq odum mam emin xiqtunum: 27 Judag nyob hoqgv emin xiqlwq kunamv 74,600 kunum. 28 Issakarwg nyiilungam, bulug hotam tulungam, bulug nyob tulungam, bulug ab imiq dvparam nyiip-nyiipam ho dumpo pwxiam nyega ko hiyv nyob palaq deenboam vnyw camnyi hoqgv naarab layil hoq odum mam emin xiqtunum: 29 Issakarwg nyob hoqgv emin xiqlwq kunamv 54,400 kunum. 30 Jebulunwg nyiilungam, bulug hotam tulungam, bulug nyob tulungam, bulug ab imiq dvparam nyiip-nyiipam ho dumpo pwxiam nyega ko hiyv nyob palaq deenboam vnyw camnyi hoqgv naarab layil hoq odum mam emin xiqtunum: 31 Jebulunwg nyob hoqgv emin xiqlwq kunamv 57,400 kunum. 32 Josap gv ko tuup tulu hoqgv, Iprayimg nyiilungam, bulug hotam tulungam, bulug nyob tulungam, bulug ab imiq dvparam nyiip-nyiipam ho dumpo pwxiam nyega ko hiyv nyob palaq deenboam vnyw camnyi hoqgv naarab layil hoq odum mam emin xiqtunum: 33 Iprayimg nyob hoqgv emin xiqlwq kunamv 40,500 kunum. 34 Manasseg nyiilungam, bulug hotam tulungam, bulug nyob tulungam, bulug ab imiq dvparam nyiip-nyiipam ho dumpo pwxiam nyega ko hiyv nyob palaq deenboam vnyw camnyi hoqgv naarab layil hoq odum mam emin xiqtunum: 35 Manasseg nyob hoqgv emin xiqlwq kunamv 32,200 kunum. 36 Benjaminwg nyiilungam, bulug hotam tulungam, bulug nyob tulungam, bulug ab imiq dvparam nyiip-nyiipam ho dumpo pwxiam nyega ko hiyv nyob palaq deenboam vnyw camnyi hoqgv naarab layil hoq odum mam emin xiqtunum: 37 Benjaminwg nyob hoqgv emin xiqlwq kunamv 35,400 kunum. 38 Danwg nyiilungam, bulug hotam tulungam, bulug nyob tulungam, bulug ab imiq dvparam nyiip-nyiipam ho dumpo pwxiam nyega ko hiyv nyob palaq deenboam vnyw camnyi hoqgv naarab layil hoq odum mam emin xiqtunum: 39 Danwg nyob hoqgv emin xiqlwq kunamv 62,700 kunum. 40 Aserwg nyiilungam, bulug hotam tulungam, bulug nyob tulungam, bulug ab imiq dvparam nyiip-nyiipam ho dumpo pwxiam nyega ko hiyv nyob palaq deenboam vnyw camnyi hoqgv naarab layil hoq odum mam emin xiqtunum: 41 Aserwg nyob hoqgv emin xiqlwq kunamv 41,500 kunum. 42 Naptalig nyiilungam, bulug hotam tulungam, bulug nyob tulungam, bulug ab imiq dvparam nyiip-nyiipam ho dumpo pwxiam nyega ko hiyv nyob palaq deenboam vnyw camnyi hoqgv naarab layil hoq odum mam emin xiqtunum: 43 Naptalig nyob hoqgv emin xiqlwq kunamv 53,400 kunum. 44 Soq emin xikal xiqlwqnam tulu sam Israelwg camleq vnyi dvpar hoqgv xuqlinam nyi camleq vnyi hv Mojes la Aaronnvn svka nv bulug ab tulug imiq dvparam emin xiqlwq mvnum. 45 Hoqgab Israel nyiilug dvpar mwlwngam emin xiqlwq kunum, bulug ab vxig imiq dvparam, nyob palaq deenbo vnyw camnyi akambo hoqgv naarab layil hoq odum mam xikum kunamv— 46 mwlwngam xikumnamv 603,550 kunum. Lebi Nyi Tulungam Xitaq Maanam 47 Hvbmabde Lebi nyi tulungam bulam bulug ab tulug imiq dvpar nyob emin xeqk ho xiqlwq maanum. 48 Hoggab At Sw Mojesnvn agam goonv begamv, 49 “Lebi nyob tulu arongam no emin xeqk ho xeqtaq maabv, hoo no Israel nyiilug pengko ho emin xeqyikam bulam xeqtaq maabv. 50 Hvbmabde Lebi nyi tulungam xumk pirrwg pvvb uddum mam kaam dvb jito, hoo xumk pirr hoqg nyiyi-nyicangam hoo hoqho dupum-dvrab nyinan mwlw ham kvvyw-tada mvdwb jito. Bulv xumk pirram jootayin hoo hoqg hog mwlwngam koocum-tapil, hoo bulv ham kaal doog tayin, hoo gaml xumk pirram hwwiyuml doog tayin. 51 Hwdlo xumk pirram svmcw hoqgv girab tayin Lebi nyi tulungv ham saiyaq dvb nyitayin, hoo hwdlo xumk pirram diirab tayin, ham Lebi nyi tulungv diirab tayin. Hoo asaq nyiv hoqho ogumb hvvnwq baloqkam, mwam mengtayin. 52 Israel nyiilungv bulug dvparwg tombungam diirab tayin, nyiicwr-cwrxiv mwwg svmcw ho tombungam mvtayin hoo nyiicwr-cwrxiv mwwg at-atwg mwwlwq koob mvl dootayin. 53 Hvbmabde Lebi nyi tulungv xumk pirrwg pvvb uddum bviywrho svmcw mvl dooiyiq tayin, ho hvb nyib nyiloqkam Israel nyiilug dvpar pengko ho hang lingtwrnamv dooram. Hoo Lebi nyi tulungv xumk pirrwg pvvb uddum mam rvkil kaal doog tayin.” 54 Soq sib Israel nyiilungv nyiknum; At Sw Mojesnvn gaml benam mwlwngam bulv nyiknum. |
Nyishi, DVRWQ PVVB @ Bible society of India 2016