Matyo 1 - Ɛrgɨ Ɓani

Jesu na kalɔ

¹ Nejo tɨ maktub ne a kya̰ tuna Jesu Krist na kalɔ, yḭr tɨ Dabid na ɓa̰ kaa, Dabid may tɨ Abraham na ɓa̰ ka.

² Abraham tɨ Isak na ba, Isak tɨ Jakob na ba, Jakob tɨ Juda a na ər ɓungɨ tɨ ɓərgɨ a na ba,

³ Juda tɨ Pares na ba la Jera na ba la, a na̰ tɨ Tamar, Pares tɨ Esrom na ba, Esrom tɨ Aram na ba,

⁴ Aram tɨ Aminadab na ba, Aminadab tɨ Naason na ba, Naason tɨ Salmo̰ na ba,

⁵ Salmo̰ tɨ Boos na ba, ər na̰ tɨ Rahab, Boos tɨ Obed na ba, ər na̰ tɨ Rut, Obed tɨ Jese na ba,

⁶ la Jese tɨ wa̰ay Dabid na ba la. Dabid tɨ Salomo̰ na ba, toni, ər na̰ tɨ Uryas na ii,

⁷ Salomo̰ tɨ Roboham na ba, Roboham tɨ Abiya na ba, Abiya tɨ Asap na ba

⁸ Asap tɨ Josapat na ba, Josapat tɨ Joram na ba, Joram tɨ Ojas na ba,

⁹ Ojas tɨ Yotam na ba, Yotam tɨ Akas na ba, Akas tɨ Ejekyas na ba,

¹⁰ Ejekyas tɨ Manase na ba, Manase tɨ Amon na ba, Amon tɨ Josyas na ba.

¹¹ Josyas tɨ Jekonyas na ba la ər ɓungɨ tɨ ɓərgɨ la, tɨ an ne bi tɨ Babilon par bi tɨ Israhel si na a ha̰r.

¹² Gorne a si na bi tɨ Israhel tɨ Babilon pi gɨna, Jekonyas toy Salatyel, Salatyel tɨ Jorobabɛl na ba,

¹³ Jorobabɛl tɨ Abiwud na ba, Abiwud tɨ Elyakim na ba, la Elyakim tɨ Ajor na ba la.

¹⁴ Ajor tɨ Sadok na ba, Sadok tɨ Akim na ba, Akim tɨ Eliwud na ba,

¹⁵ Eliwud tɨ Elyajar na ba, Elyajar tɨ Matan na ba la Matan tɨ Jakob na ba la.

¹⁶ Jakob tɨ Josep na ba, Josep tɨ Mari na ɓər. Mari tɨ Jesu na na̰, yḭr ne a soon ər ɓə Krist, Wo ne Ndɨla ɛr.

¹⁷ Ɗo lɔ tɨ Abraham sul marway tɨ Dabid sul, bi kalɔ tɨ dɔkɔmɛ kar so, la ɗolɔ tɨ Dabid sul marway tɨ an ne a par Israhel ɓimi a si na a tɨ Babilon tɨ an dɔkɔmɛ kar so, ta ɗolɔ tɨ bi par sul marway tɨ an ne a toy na Krist, bi kalɔ tɨ dɔkɔmɛ kar so la.

Jesu Krist na twila

¹⁸ Ul mu ne a toy na Jesu Krist, wo ne Ndɨla ɛr jo le. Ər na̰ tɨ Mari, Josep caw ər. A ko paa lo ɗang lɛ Mari yen ɓa̰ na Lal Ɓari dwari.

¹⁹ Josep ne tɨ wo tɨ ər caw, tɨ ɓər tugla, ər taam kaar wur tɨ ər sul lo lɛ ər taam ər ɓini na kuru.

²⁰ Gorne ər wo ilgɨ tɨ jaa ne sul gɨna, Baali na Malayka ɓudu wag tɨ ər sul na nenɨm la ər ja gɨ ər ɓə: «Josep, Dabid na ɓa̰ kaa, ka oy Mari kula lo, kəysul ɓa̰ ne ər yen tɨ Lal Ɓari wa̰y tɨ kar.

²¹ Ər wo ɓa̰ ɓər twila la əm ɓə ər ndil kay ɓə Jesu, kəysul ər wo ər bi nina tɨ ɓijim ne a ka hul.»

²² Mum gun ne ka paa, ka jaa ne Baali ja toni na ər nebi mu ti kuri. Ər ja ɓə:

²³ «Ɓa̰ ii ɓə ɓa̰ yina la ər ɓə ɓa̰ ɓər twila la, a ɓə ər ndil kay ɓə Emanuwɛl.» Ndil ne ji ɓə: «Ndɨla na ī.»

²⁴ Gorne Josep jaar gɨna, ər ka kuna Baali na Malayka naa gɨ ər gṵ la ər ko Mari tɨ ər ii.

²⁵ Lɛ a hargɨ ii a na ɓər lo marway ər toy na ɓa̰ ɓər ne ər kay ər ndil ɓə Jesu.