Aanlyn Bybel

2 Eyɔɔ 1 - Aŋwɛʼrɛ Ebuumu Fe Nè Ngwe

Atsaʼra

¹ Na mmɛ wɛ mmɛ mwɔ ato ngɛ me ŋwɛʼrɛ aŋwɛʼrɛ zɔnɔ ebe aye deʼ wɛ Ngwe me chi ngɛ mane bwɔ mɔ byɛ mmɛ me doʼo angɔ ene éŋwaʼa ngɛ. À ke tye mmɛ gho zhiʼ me doʼo angɔn bo, bɛʼngɛ abɔ tsɛrɛ byɛ e me nɛɛ éŋwaʼa ngɛ be doʼo angɔn.

² E ne énde mbɔʼnga éŋwaʼa we efwɔ akwa bɔ gɛrɛ ma ngo tyè efwɔ ekyɛ ŋwaʼ.

³ Ngwe àtɛ mane Yeso Kristo ŋwɔ àtɛ ndɛʼ enarataa, eklasɔn mane m̀bwarambwad ebe bɔ. Abwa zɔnɔ gimkpaʼ ya ngo mwɔ abɔ aŋu ntsɔ ma fwɛʼ ene éŋwaʼa mane aŋu ntsɔ ma tee edoʼ ebe abɔ abê ngɛ.

Éŋwaʼa mane edoʼ

⁴ Mmɛ à ne gɛnɛ angu ghɛʼ é zo kpe bwɔ deʼ mbyɛ ba tsɔmɔ ene éŋwaʼa nkirinkin aŋu àtɛ à ga ebe bɔ é tsɔmɔ ene éŋwaʼa ngɛ.

⁵ Aye kɛ, mmɛ buʼ ebwo engɛ̂ kpe ntsɔ bɔ gimkpaʼ doʼo gho ŋwàʼaŋwàʼ. Ewunɔ ke mwɔ ebwa fe deʼ mmɛ ma ŋwɛ̀ʼrɛ̀ engɛ̂ bo. Ne etɛʼɛ yɛ ntsɔ à shi zo nyɛ̀rɛ̀ zèʼe endzobo klada ngɛ.

⁶ Edoʼo zɔnɔ mmɛ ma ga nɔ ne ga kpe ntsɔ shi etsɔmɔ bɔ me mwɔ aŋu Ngwe me shi ngɛ. Etɛʼɛ yɛ ntsɔ à shi zo nyɛ̀rɛ̀ zèʼe endzobo eklada ngɛ ne ga kpe ntsɔ sa doʼo egho we.

⁷ Bàndooro bɔ akɛkɛ ba yɛrɛ zhiri efwɔ ese ma ndooro bɔ akɛkɛ kpe Yeso Kristo à ke zeʼe efwɔ ese na gho nɔ bo. M̀pè gho zɔnɔ na gho andɔɔ gɛrɛ mwɔ gho m̀pɛ̀ʼ ebe Kristo.

⁸ Éngɛ mbɔn zɔmmɔ angɔn mbɔʼtye mbɔn yà ne nyim ene abwa yɛ ntsɔ à shi fwɛʼ ngɛ bo. Bɛʼngɛ ntsɔ yà le ǹtsara akɛkɛ.

⁹ Egho wɛ è ne ma shi atɛʼɛ Kristo bo ngɛ ke me bɛrɛ ene Ngwe bo. Bɛʼngɛ engɔ wɛ ma shi etɛʼɛ ngɛ we le ebɛrɛ ene Ngwe mane Kristo.

¹⁰ Mala gho deʼ zeʼe endɔn ma tee ebwa tsɛrɛ, mbɔn ke bɛrɛ engɔ nyii efwɔ ndɔrɔ ntsɔn bo, de ke ga ebe engɔ kpe, “M̀bwarambwad mwɔ nè mbɔn” bo.

¹¹ Mmɛ na ga énde mbɔʼnga egho wɛ gamma ebe angɔ ngɛ shi buumu angɔ ene abwa bɔɔbɔɔ yɛ angɔ ma le ngɛ.

Engudu atsaʼra

¹² Mmɛ we le abwa akɛkɛ é ga engɛ̂, shi ne me doʼo é ŋwɛ̀ʼrɛ̀ a chwâ bo. Ankɔmɔ ngɛ mmɛ we zhuŋu é zeʼe gamma endɔn mbɔʼtye ntsɔ tsɔmɔ sɛɛrɛ abwa mbɔʼtye mmɛ gɛnɛ angu mɛ̀ɛrɛ̀.

¹³ Bwɔ ghongwaaye ngwɛ wɛ Ngwe me chi engɔ ngɛ kpe mmɛ gamma engɛ̂.

« Vorige

Volg ons:

Geborgde skakels

Advertensies