Aanlyn Bybel

1 Eyɔɔ 1 - Aŋwɛʼrɛ Ebuumu Fe Nè Ngwe

Ega etyê

¹ Mbyɛɛ na ŋwɛ̀ʼrɛ̀ endɔn mbɔʼ ega etyê wɛ à shi mwɔ nyɛ̀rɛ̀ zèʼe ene eklada ngɛ. Mbyɛɛ à shi zo gɛrɛ zɔ aghɔɔ njɛɛ, Ɔ̧̀ɔɔ, mbyɛɛ à shi zɔ, ebwo mbyɛɛ shi mɔmɔ engɔ.

² Mbyɛɛ à zɔ ega etyê wunɔ wɛ a firi shi a gho ngɛ, éngɛ mbyɛɛ ba gà mbɔʼ engɔ gɛrɛ ma tòʼrò endɔn mbɔʼ engɔ wɛ ma ndɛ̀ʼ etyê wɛ ne ma ngùdù bo ngɛ, wɛ mwɔ mane àtɛ wɛ à shi le ntsɔ nɛɛ ngɛ.

³ Mbyɛɛ gɛrɛ ba tòʼrò abwa yɛ mbyɛɛ à zɔ gɛrɛ zo ngɛ endɔn mbɔʼtye mbɔn buumu angbɛɛ ntsɔ mwɔ ene ebwa ŋwaʼ nè àtɛ mane ŋwɔ mɔ Yeso Kristo.

⁴ Mbyɛɛ na ŋwɛ̀ʼrɛ̀ endɔn é le mbɔʼtye egɛnɛ bɔ me shwe mɛ̀ɛrɛ̀.

Ngwe ne ekɛʼ

⁵ Enjitsɔ, ekɔn wɛ mbyɛɛ à shi zo nyɛ̀rɛ̀ zèʼe ebe Yeso Kristo gɛrɛ ma ga endɔn enjitsɔ ngɛ ne ga kpe, Ngwe ne ekɛʼ, adi̧iri deʼ me tsɛʼ ekwa ngɔ ka mpiʼ nɔ bo.

⁶ Mala ntsɔ ga kpe ntsɔ be ene ebuumu nè engɔ, à dama tsɔmɔ efwɔ adi̧iri, shi ntsɔ na ga andɔɔ ene aga mane eleabwa.

⁷ Bɛʼngɛ mala ntsɔ ma zhiri efwɔ ekɛʼ na aŋu engɔ ma zhiri efwɔ ekɛʼ ngɛ, shi ntsɔ be ene ebuumu nè gho ŋwàʼaŋwàʼ. Anɔm ŋwɔ ngɔ wɛ mwɔ Yeso Kristo ngɛ ma sò abwa bɔɔbɔɔ bɔ gimkpaʼ.

⁸ Mala ntsɔ ga kpe tsɛʼ ebwa bɔɔbɔɔ deʼ efwɔ akwa bɔ̀ bo, shi ntsɔ na ndooro akwa bɔ, éŋwaʼa deʼ me tsɛʼ efwɔ akwa bɔ bo.

⁹ Bɛʼngɛ mala ntsɔ bɛrɛ abwa bɔɔbɔɔ bɔ ebe Ngwe, shi engɔ wɛ mwɔ éŋwaʼa gɛrɛ ma le abwa yɛ a me koʼro ngɛ wa ngo dzɛ̀d abwa bɔɔbɔɔ bɔ gɛrɛ sò abɔ ene abwa yɛ ntsɔ à ma le a ne me koʼro bo ngɛ.

¹⁰ Mala ntsɔ ga kpe tsɛʼ ebwa bɔɔbɔɔ deʼ akwa bɔ bo, éngɛ ga kpe ntsɔ na ga andɔɔ kpe Ngwe na gho andɔɔ, éngɛ me tee kpe ega Ngwe ne tsɛʼ efwɔ akwa bɔ bo.

« Vorige

Volg ons:

Geborgde skakels

Advertensies