اِفِسوسلولارا 1 - موقدس کتاب

¹ تارینین ائراده‌‌سی ائله مسئح عئسانین حوارئسی پولوسدان، اِفِسوسدا اولان و مسئح عئسایا وفالی اولان موقدّسلره:

² آتامیز تاریدان و رب عئسا مسئحدن سئزه فیض و باریش اولسون.

³ موتبارک اولسون تاری و ربّئمئز عئسا مسئحئن آتاسی کی، بئزی مسئحده هر جور روحانی برکتله سماوی یرلرده موبارک ادئب.

⁴ نجه کی، دونیانین بئناسیندان ائره‌لی بئزی مسئحده سچدی کی، بئز اونون حوضوروندا موقدّس و لکه‌سئز اولاق.

⁵ محبّتده او، اؤز ائراده‌سئنئن خوشلوغونا گؤره، عئسا مسئحئن واسئطه‌‌سی‌ائله، ائره‌لئدن بئزی اؤز اوغوللوغونا موقدّر اتدی.

⁶ اِله کی، سوگئلی اوغلوندا بئزه باغیشلادیغی عئزّتلی فیضی مدح اولونسون.

⁷ مسئحده اونون قانینین واسئطه‌سی‌ائله خئلاصیمیز وار، یعنی اونون فیضئنئن دؤولتلئیئنه گؤره، خاطالارین باغیشلانماسی کی،

⁸ بئزئم اوستوموزه بول-بول تؤکدو. اِله کی، بوتون حئکمت و بصئرتده،

⁹ مسئحده نئیّت اتدئیی اؤز خوشلوغونا گؤره، ائراده‌سئنئن سئرّئنی بئزه بئلدئردی

¹⁰ کی، واختلارین کامئل‌لئیئنئن ترتئبئنده گؤیلرده و یرده اولان شیلرئن هامیسینی مسئحئن باشچیلیغی آلتیندا بئرلَشدئرسئن.

¹¹ مسئحده بئز ده وارئث اولدوق، یعنی اونون نئیّتئنه گؤره، اوّلدن بئزه موقدّر اولدو کی، بوتون شیلری اؤز ائراده‌سئنئن مصلحتئنه گؤره یرئنه یتئرئر.

¹² اِله کی، مسئحه ائلک اومئد باغلامیش اولان بئزلر، اونون جلالینین حمدی اوچون اولاق.

¹³ اوندا، سئز ده حقئقت کلامینی، نئجاتینیزین خوش خبرئنی اشئدئب ائناندیقدا، وعده‌نئن موقدّس روحو ائله مسئحده مؤهورلَندئنئز کی،

¹⁴ مئراثیمیزین بِیئدئر؛ بله کی، تارییا عایید اولانلار خئلاص اولونسونلار و بله‌جه اونون جلالی مدح اِدئلسئن.

¹⁵ بونا گؤره من ده، رب عئسایا اولان ائمانینیزی و بوتون موقدّسلره اولان محبّتئنئزی اشئدئب،

¹⁶ سئزئن اوچون شوکور اتمکدن و سئزی دوعالاریمدا یادا گتئرمکدن دایانمیرام.

¹⁷ اِله کی، ربّئمئز عئسا مسئحئن تاریسی، عئزّتلی آتا، سئزه اؤز معرئفتئنده حئکمت و وحی روحونو ورسئن.

¹⁸ و اوره‌یئنئزئن گؤزلرئنی ائشیقلاندیرسین کی، بئله‌سئنئز اونون دعوتئنئن اومئدی و اونون مئراثینین عئزّتلی دؤولتلئیی موقدّسلرده نه‌دئر.

¹⁹ و بئز ائمان گتئرنلر اوچون اونون قودرتئنئن حدسئز عظمتئنی ده بئله‌سئنئز. بونلار اونون قووّتلی قودرتئنئن ائشلمه‌یی‌دئر کی،

²⁰ مسئحی اؤلولردن دئرئلدرکن و سماوی یرلرده اؤز صاغیندا اوتوردارکن، اوندا ظاهئر اتدی؛

²¹ هر ریئسلئکدن، ائقتئداردان، قودرتدن، حاکئمئیّتدن، و هر آددان اوستون، نه آنجاق بو عصرده، آمّا گله‌جک عصرده ده.

²² هر شیی اونون آیاقلاری آلتینا قویوب، اونو بوتون شیلرئن باشی اولاراق کئلئسایا وردی کی،

²³ اونون بدنی‌دئر: اونون دولولوغو کی، هامینی هامیدا دولدورور.