Joshua 1 - MUKANDA WANZAMBI

¹ Chafwiliyi kambuŋa Yehova Mosi, Yehova hakumwila mwana kaNuni Yoshuwa, kambanji kaMosi,

² nindi, Kambuŋami Mosi nafwi dehi; dichi dinu nyamukaku wuzambu ki Yodana iwu, nineyi niantu awa ejima, muyi mwituŋa dinukuyinka, dinukuyinka wena anyana kaIsarela.

³ Kwejima kwakadata nyendu yenu nayinki kwenu, neyi mwomuna hosheli naMosi.

⁴ Kufumisha kwisaŋa odu, nikuLebanoniiyi, nakutwala kukaloŋakeneni, yowu kaloŋa Yufurati, ituŋa dawaHiti dejima, lusu nikukaluŋalwiji keneni kwayaŋa itaŋwa, kwakekala ŋinza yenu.

⁵ Hikwakekala muntuwakakutweshaku mafuku ejima iwakahanda. Neyicho chu nadiŋilaŋa naMosi, dimu nukwikalila naneyi. Hinakakukaŋeshaku, hinakakulekaku.

⁶ Wakadikwatishaŋa, wakomikaŋa chacheni, muloŋa eyi yeyi wakayitambwilaantu awa ituŋa dinayisanyikilili ankakulula jawu nami nakayinkadu.

⁷ Chiŋa wakadikwatishaŋa, wakomikaŋa chacheni, wakashuku muchimawakwila mwaya nshimbi jakulejeliyi kambuŋami Mosi mwejima. Ba yiwakamotokamu nakuya hela kuchikasa chachidiilu hela kuchikasa chachimunswaku, kulonda wakamoni kuwaha kwejima kuwakaya.

⁸ Weniwumukanda wanshimbi bayi wakafuma mukanwa keyuku, chiŋa wakatoŋojokaŋaamu nimwaana niwufuku, kulonda wakashuku muchima wakwila mwejima mwanasonekuwu, dichi wakakooleka munjilayeyi, dichi wakamonakuwaha.

⁹ Netu, nakuleji? Kadikwatishaŋa, wakomikaŋa chacheni, bayi wakatiyaŋa womaku, bayi wakaakama akwenuku; muloŋa Yehova Nzambi yeyi wudi naneyi mwejima muwukuya.

¹⁰ Yoshuwa hakuleja tulala twawantu,

¹¹ nindi, Hitenu mukachi kachilombu, muyileji antu, nenu, Loŋeshenu yakudya yenu; muloŋa chimukuhita mafuku asatu mukumuzambuka Yodana iwu, kulonda mwiŋili mwitu ijina ku ditambula, dodituŋa dakuyinkayi Yehova Nzambi yenu, nindi mwakaditambuli.

¹² ARubeni, nawaGadi, namuchidi waManase wachibalu, Yoshuwa wayilili,

¹³ nindi, Anukenu izu dayilejeliyi kambuŋa Yehova Mosi, cheliliyi nindi, Yehova Nzambi yenu hakuyinookesha, wakayinka ituŋidi.

¹⁴ Niaŋodi jenu, ni anyanenu anyanya, niyimuna yenu, akashala mwituŋa dayinkeliyi Mosi ishinadi dinu daYodana; hakwinza enu ayilobu akwaŋovu, wejimawenu mwakamanyeka, mwakazambukaŋahu dehi, mwakayikwashuku anakwenu;

¹⁵ nichakayinookeshayi Yehova ana kwenu, neyi chanayinookeshiyienu, nichakatambulawu fituŋa dakuyinkayi Yehova Nzambi yenu; henohu dihu mwamba kafunta kwituŋa dimunatambuli, mwakaditambuli, dayinkeliyi kambuŋa Yehova Mosi ishinadi dinu daYodana, kwokumbadi yaselelaŋa itaŋwa.

¹⁶ Wena hiyakumwila Yoshuwa, nawu, Mwejima muwunatulejidimu twakela, kwejima kuwukututemesha twakaya.

¹⁷ Mwomu twamutiyilili Mosi muyuma yejima, dimu mutwakakutiyilila nineyi; chiŋa Yehova Nzambi yeyi ekali naneyi neyi china chadiŋilaŋayi naMosi.

¹⁸ Yowu wakadikaŋa nezu deyi, nákubula kutiya mazu eyi mwejima wakamuleja, akamujahi; chiŋa wakadikwatishaŋa, wakomikaŋa chacheni.