Matthew 1 - Muklom

Jesu Khristo tey aa wa

¹ Jesu Khristo tey aa wa tang irimal angta; piq sha David phi aa lí, etho David sha Abraham phi aa lí wang angta.

² Abraham Isaac wa angta; Isaac Jacob wa angta; Jacob Judah nia upho tang wa angta.

³ Judah Perez ni Zeraq wa angta, (ning nu miing tha Tamar angta); Perez Hezron wa angta; Hezron Ram wa angta;

⁴ Ram Amminadab wa angta; Amminadab Nahshon wa angta; Nashon Salmon wa angta;

⁵ Salmon Boaz wa angta, (piq nu miing Rahab angta); Boaz Obed wa angta; (piq nu miing Ruth angta); Obed Jesse wa angta;

⁶ Etho Jesse lungwang David wa angta. Lungwang David Solomon wa angta; (piq nu jakho Uriaq himteynu Bathsheba angta);

⁷ Solomon Rehoboam wa angta; Rehoboam Abijah wa angta; Abijah Asa wa angta;

⁸ Asa Jehoshaphat wa angta; Jehoshaphat Jehoram wa angta; Jehoram Uzziah wa angta;

⁹ Uzziah Jotham wa angta; Jotham Ahaz wa angta. Ahaz Hezekiah wa angta.

¹⁰ Hezekiah Manasseh wa angta; Manasseh Amon wa angta; Amon Josiah wa angta;

¹¹ Etho Josiah Jehoiachin nia upho tang wa angta; (eshi rangham tho ning thaji tha lo eq etho qhak eq Babylon náng solkat ta).

¹² Babylon náng sol kat jio, Jehoiachin Shealtiel wa angta; Shealtoel Zerubbabel wa angta;

¹³ Zerubbabel Abiud wa angta; Abiud Eliakim wa angta; Eliakim Azor wa angta;

¹⁴ Azor Zadok wa angta; Zadok Achim wa angta; Achim Eliud wa angta;

¹⁵ Eliud Eleazar wa angta; Eleazar Matthan wa angta; Matthan Jacob wa angta;

¹⁶ Etho Jacob Joseph wa angta, bara Mary himteywa angta. Mary Jesu nu angta; Jesu sha Khristo angta.

¹⁷ Irimal ang eq, Abraham wang David tok náng duk, asi bali phi aa lí angta, David rangham wang miqtang tha Babylon o lo eq sol kat tok nangduk, asi bali phi aa lí angta, etho ethi wang Khristo chang tok nángduk asi bali phi aa lí angta.

Jesu Khristo Chang aa

¹⁸ Jesu Khristo chang raa irimal wang angta. Piq nu Mary, Joseph jamoq tharik ma raaq wanta, etha otho, tharik wey moq jakho Asang Tsija wang, piq aa wok mong o sa holta.

¹⁹ Piq himteywa Joseph asing miq angta. Piq aa Mary sha miqtang jakho o tharak rima nuk moq angta, ethirangma, piq aa shu shu eq shingchak ma tathinta.

²⁰ Piq ethimal tathin tak kam tho, Teyhungwa rangkamwa they piq máng tho piq ma batta, “David phi aa lí Joseph, Mary sha rikma nang nak cho u, chammatakoi Asang Tsija wang piq aa wok mong o sa taholta.

²¹ Piq aa ashey miqwasa chang na etho umiing sha Jesu ta shing ching, chammatakoi piq aa umiqtang sha ning ngarey wang thalun na.”

²² Teyhungwa rangsamal tungkang o chamta batta etha hun asing ang rangma irimal angta,

²³ “Siin inn, ashey jahansa eq sa holna. Etho piq aa miqwasa chang na, etho piq sha ‘Immanuel’ ta halna.” Immanuael ta “Shkewa hiqtang jamna.”

²⁴ Etho Joseph shat eq, Teyhungwa rangkamwa wang bat kotta thimal Mary tha rita.

²⁵ Etha otho nijangsa chang wey moq nang duk, piq Mary jamoq rumjib moq angta. Etho Joseph aa nijang sa miing tha Jesu ta shingta.