Наум 1 - Свето Писмо: Стандардна Библија 2006 (со девтероканонски книги)

Лутиот Божји гнев

¹ Пророштво за Ниневија; книга за видението на Наум од Елкош.

² Господ е Бог љубоморен и одмаздник, Господ е страшен во Својот гнев: Господ им се одмаздува на неприја­те­лите Свои; не ги поштедува ни противниците Свои.

³ Господ е долготрпелив, а силен во моќта, така што не го остава ви­нов­никот без казна; патот Господов е во виор и бу­ра, а облаците се прав под нозете Негови.

⁴ Ќе му се закани на морето, и тоа пресушува, и сите реки пресушуваат: овенува Башан и Кармил, и свенува цветот на Ливан.

⁵ Горите се тресат пред Него, и ри­довите се топат, земјата потреперува пред лицето Негово, и вселената и сѐ што живее во неа.

⁶ Кој може да устои против гневот Негов? И кој може да го издржи пламенот од Неговата јарост? Гневот Не­гов се излива како оган; карпи се рас­паѓаат пред Него.

Моќта на Асирија ќе биде скршена

⁷ Добар е Господ; Тој е прибежиште во ден на неволја. Тој ги заштитува оние, кои прибегнуваат кај Него,

⁸ дури и при силни води. Тој ќе ги докрајчи Своите непријатели, ќе ги прогони Своите душмани до најцрната темнина.

⁹ Што сте намислиле против Гос­под? Тој ќе стави крај на сѐ, ниеден противник нема повторно да се крене.

¹⁰ Зашто, како плот од трње и како од вино пијани, тие ќе бидат наполно проголтани, како сува слама.

¹¹ Од тебе произлезе оној, што смислува зло против Господ, и подготвува нечесен заговор.

¹² Вака вели Господ: „Макар што се силни и многубројни, тие ќе бидат ис­клани и ќе исчезнат; а тебе, иако те казнував, нема веќе да те казнувам.

¹³ И сега ќе го скршам јаремот што те стега и ќе ги раскинам оковите твои.“

¹⁴ А за тебе, Ниневијо, Господ нареди: нема да продолжи родот твој; од домот на твојот бог ќе ги истребам идолите резани и лиени; во него ќе ти направам гроб зашто си безвредна.

¹⁵ Ете, по горите се стапките на бла­говесникот, кој најавува мир: празнувај ги, Јудејо, твоите празници, из­вр­шувај ги заветите свои, зашто преку тебе нема веќе да минува нечестиви­от; тој е наполно уништен.