SAM 1 - Common Language

Bu I (1-41) Nihlawhna tak tak

¹ Mi suaksual thurâwnna lam ngaithla duh lo va, Mi sualte tih dân pawh la duh lo va, Lalpa hmusittute zînga tel duh ngai lo mi chu a nihlawh e.

² A lâwmzâwng chu Lalpa dân zawm a ni a, A dân thu chu a chhûn a zânin a ngaihtuah ṭhîn.

³ Ani chu lui kama thing phun, A hun taka rah ṭhîn, A hnah vuai ngai lo ang hi a ni a, A thiltih apiangah a hmuingîl zêl ang.

⁴ Mi suaksualte erawh chu chutiang an ni lo va, Thliin a len bo buhsi ang hi an ni.

⁵ Chuvângin, mi suaksualte chu rorêlnaah chuan an ding zo lo vang a, Mi dikte zîngah chuan mi sualte chu an tel thei hek lo vang.

⁶ Lalpa chuan mi dikte chu a hum ṭhîn a. Mi suaksualte erawh chu an boral ang.