Génesis 5 - Sharanahua: Diospan Tsain

Adán ahuun funafohuunoa

¹ Asca natian un mato Adán funafoan ahuun anufo cunushoni. Ini Diosin nocofunu Adán a cuscara oni huaqui tau huani.

² Nocofunu yafi ainfo oni huaquin tau hua fasi sharacoin rafu inifo. Ascashon ato oni huatian atori anuni, “Yoraran,” huani.

³ Asca Adán ciento treinta fariatian ahuun facu Set cainni. Arifi apa Adán cuscaracoin ini.

⁴ Set cainni cachori chipo Adán ahuun furufo yafi ainfacufo cainni. Set cainnitian yafi ahuun facu futsafo chipo acatian Adán ochocientos farin niyopaoni.

⁵ Ascan nantifi Adán ahuun fari novecientos treinta fariashu nani.

⁶ Ascano Set ciento cinco fariatian ahuun facu Enós cainni. Nan ahuun facu caian furonanfacu ini.

⁷ Ascano ahuun facu Enós cainni cachori chipo Set ahuun furufo yafi ainfacufo cainni. Enós cainnitian yafi ahuun facu futsafo chipo acatian Set ochocientos farin niyopaoni.

⁸ Ascashu ahuun fari nantifi novecientos doce faria ini. Nanti fariashu arifi nani.

⁹ Ascashu furun Enós noventa fariatian ahuun facu Cainán cainni.

¹⁰ Nan Cainán cainni cachori chipo Enós ahuun furufo yafi ainfacufo cainni. Cainán cainnitian yafi ahuun facu futsafo chipo acatian Enós ochocientos quince farin niyopaoni.

¹¹ Nantifi Enós ahuun fari novecientos cinco. Ascan nanti fariashu man nani.

¹² Ascan Cainán setenta fari aqui caano ahuun facu Mahalaleel cainni.

¹³ Mahalaleel cainni cachori chipo Cainán ahuun furufo yafi ainfacufo cainni. Mahalaleel cainnitian yafi ahuun facu futsafo acatian Cainán ochocientos cuarenta ahuun fari niyopaoni.

¹⁴ Nantifi Cainán ahuun fari novecientos diez. Ascan nanti fariashu man nani.

¹⁵ Ascan Mahalaleel sesenta y cinco fari aqui caano ahuun facu Jared cainni.

¹⁶ Nan Jared cainni cachori chipo Mahalaleel ahuun furufo yafi ainfacufo cainni. Jared cainnitian yafi ahuun facu futsafo chipo acatian Mahalaleel ochocientos treinta farin niyopaoni.

¹⁷ Nantifi Mahalaleel ahuun fari ochocientos noventa y cinco. Ascan nanti fariashu nani.

¹⁸ Ascan Jared ciento sesenta y dos fari aqui caano ahuun facu Enoc cainni.

¹⁹ Enoc cainni cachori chipo Jared ahuun furufo yafi ainfacufo cainni. Enoc cainnitian yafi ahuun facu futsafo chipo acatian Jared ochocientos farin niyopaoni.

²⁰ Nantifi Jared ahuun fari novecientos sesenta y dos. Ascan nanti fariashu man nani.

²¹ Ascan Enoc sesenta y cinco fari aqui caano ahuun facu Matusalén cainni.

²² Nan Enoc Diosin amapaiyai cuscacoin huapaoni. Matusalén cainnitian chipo Enoc trescientos fari aqui caano furufo yafi ainfacufo cainni.

²³ Ascan nantifi Enoc ahuun fari trescientos sesenta y cinco ini.

²⁴ Nan Enoc Diosin amapaiyai cuscacoin aiton oinquin naiyamaino Diosin icari ihuiriscatani. Afanan tsoancai Enoc fuchinifoma.

²⁵ Ascan Matusalén ciento ochenta y siete fari aqui caano ahuun facu Lamec cainni.

²⁶ Nan Lamec cainni cachori chipo Matusalén ahuun furufo yafi ainfacufo cainni. Lamec cainnitian yafi ahuun facu futsafo chipo acatian Matusalén setecientos ochenta y dos fari niyopaoni.

²⁷ Nantifi Matusalén ahuun fari novecientos sesenta y nueve. Ascan nanti fariashu man nani.

²⁸ Ascan Lamec ciento ochenta y dos fari aqui caano ahuun facu furonanfacu cainni.

²⁹ Ascashon ahuun facu anuni Noé. Ascano Lamec yoini, —Ifo Diosin mai chacana huani. Ascacun non curushcai noco yonofomaqui orotiro fanafo foaisharanon. Ascan nocon facun yosishon noco cushusharai. Ascacun non anuqui Noéran, —huatiro ishon Lamec yoini.

³⁰ Nan Noé cainni cachori chipo Lamec ahuun furufo yafi ainfacufo cainni. Noé cainnitian yafi ahuun facu futsafo chipo acatian Lamec quinientosnoventa y cinco fari niyopaoni.

³¹ Nantifi Lamec ahuun fari setecientos setenta y siete. Ascan nanti fariashu man nani.

³² Ascan Noé quinientos fari aqui caano furufo nan Sem non Cam non Jafet cainni.