Terrtag 1 - BIBLE MBAÏ 1980

Maktub terrta a ndoo deg nya kïmaj dum

¹ Terrtag lo Salomõ ngon Dabid, ngar kï Israel.

² Terrtag 'nten i kïtakad ndoo deg ad gerïn terr kï nyandoo, na kad gerïn ne girr goosï tag tø.

³ Kïtø ta nyandoo dø nyaða kïgo lo terrt kï nyaða kïdenesew kï takïgang kïgoðobat kï nyaða kasïnatap tø ho,

⁴ kïta kad deg kï ngékumkørr al goosï tørr nya nat, kïta kad basa nyager kï goosï ða nya kï ga døt goðobat.

⁵ Kï de kï ngeterr oo dø, na a ngah nyager kïdøtdøt; kï de kï ngegoosï ger girrnya'n oo dø, na a tee goosï kørrta ðob,

⁶ kïta ger girr terrta kï takïmund, kï takel ngéterrg kï ta lod kïyadø.

⁷ Þool Bïraþe i mbagirr nyager; na þood deg kidïn terr kï nyandoo.

Tag kïkøj kï tag kïkug kel dø kü mosï køt

⁸ Ngonïm, oo dø nyandoo lo bøwi. Ot nyàgo takøj lo kõi kø.

⁹ Kïtø a i jog kïmaj døit, a i medkøsï kï la køit tø.

¹⁰ Ngonïm, îla ngéðamajalg goolin a ne, ot ndig.

¹¹ Îla a elïn anan: I ðe, ad j'awïn nat, kï j'umïn lo, j'ün mosï kø, j'a kï yan roj dulot kad kï tølïn deg kï ta goto dødt;

¹² ad kï j'urïnd kumkajir tube tit lo kï Koo, tit ngékud kam hoolþe koit be;

¹³ j'a kï ngahn nyag kïmajmaj kï gatd i ngãi kad kam kujg loj ðoosïn kï nyangahg;

¹⁴ i nda roi nat sej, kad jin tube j'aw kï þøl nar kïðabe, a ne,

¹⁵ ngomd, ot kun ðob nat sed. Ot nda njai dø ðob kawdt.

¹⁶ Kïtø þan nja ngød kad ðan majal, awïn kanang kïta kü mosï kø,

¹⁷ kïta gum kï ya takum yelt, i kari kïndang,

¹⁸ na deg'n non i kïta m'øsïd kïdød la umïn ne lo, yan rod dulot kïta tuj rod kï køsï død.

¹⁹ Titbe la i ðob lo deg kï nyur ngahnya ndï õd. Nyur ngahnya'n non a tø kohd.

Terr ndï kun deg kad oon dø ta lon

²⁰ Terr ndï ko kïdø ðobgt, un ndin kïdõ tø kam sukgt,

²¹ ndï ko kam natlogt, ndï elta kï tabit kand kam þebot, an:

²² Ngékumkøralg, mbã ndø bãi a i ndigïn kumkøral losï a? Ngégo deg a nyan ta ða ronel dø go degt ndø ði a? Na þoodg ndï mbetïn nyager a?

²³ I telïn rosï, oon dø ndang kï m'ndangsïn. Oon, m'a m'ü ndilïm døsït, m'a m'ad i gerïn tag lom.

²⁴ Kïtø m'kunsï, na i mbetïn ko dø; m'la jim, na de mad kï tur go goto.

²⁵ Køjtag lom tube i turïn go al, na i ndigïn ndang kï m'ndangsï al.

²⁶ Mî tø m'a m'gosï lon tuj a tee døsït, m'a m'gosï lon nya kïtootþool a so døsït,

²⁷ lon nya kïtootþool a so døsït tit nelndii, na tuj a tee døsït tit nélbarwãi, lon kamkøl kï jarongot a ðen døsït tø ho.

²⁸ Kamla a kon kïdømt, na m'a m'tur al; a sahmïn, na a ngahmïn al.

²⁹ Kïtø mbetïn nyager, na køtïn þool Bïraþe al.

³⁰ Ndigïn takøj lom al, na kidïn ndang lom.

³¹ A san kand nya dub lod, ad i so mut lod, a ndamïn kï takøj lod kïdød.

³² Kïtø so mut lo ngékumkørralg tøld, na ndï lom lo þoodg nujd.

³³ Na de'n oo dø ta lom a ne, a ndï kï kamkïsokïber, a ndï lom, a þool nya mad kïmajal al De kï ngesah terr a ngah nyabaji kïmaj.