2 Timote 1 - BIBLE MBAÏ 1980

¹ Mî Pol, ngombangkïla lo Jeju Krist kïgo ndigt lo Luwah, kad m'la mber kumkajir'n Luwah unïn køn adj, în jîn ne kïtakul roj kïndanat kïða kï Krist Jeju.

² M'ndang maktub 'nten m'ad ngonïm Timote kï ngetar lom. Kï Luwah kï Bøw, kï Krist Jeju kï Bïraþe loj adi'n majkurr kï kookumtondo, kï kamkïsokïber.

Pol ða mersi Luwah

³ M'ndï m'ða mersi Luwah'n m'ndï m'ða kïla nduba kï ta kï kammt kïjanjoi tit'n kaamg kï maði ðan ne. M'ndï m'ðaa mersi kïta m'ndï m'ga kamm døit ndø ho, kàda ho kïkanj nya ta, lon m'ndï m'elïn ta kï Luwah.

⁴ Lon m'ga kamm dø man nõt loi ye, ndo kooi ndï tom kïtakad m'ðan ronel ngãibe.

⁵ M'ga kamm dø kadkam Luwaht'n i kïkanj ndokum kamit, kadkam Luwah 'nten i kam kaai Loist dasa kï kam kõi Enist. M'ger þet kadkam 'nten i kamit tø ho.

⁶ Kïtø 'nten, m'ndï m'ad i ga kami dø kadkarit kïgo ndilt'n Luwah adi, în i kamit lon m'ndahn jim døit. Maj kad i tøsï kadkari'n non kamit i ndool.

⁷ Kïtø Ndil'n Luwah adj i Ndil þool kum de al, na Ndila ndï ðoosïj kï tøg, kï tar, kï terr.

⁸ Kïtø 'nten ot kad rosøl øgi dø kelta lo Bïraþe loj kï tïga wakïsï. Ot kad roi søli dømt mî, kïta kîm de dangãi loa. I soot kad i nda roi nat sem kam daiyogt'n m'ndï m'dai kïta Hoita kïmaj kïgo tøgt'n Luwah ndï ad.

⁹ Luwah la aj'j, kun'j tø kad jî deg lon kïjaþat. Kïtakul kïlaðajg hã kun'jïn al, na kïgo køjðat lon kï køsïdøn, în ndah kïgo kamkët lon. Adj majkurr'n non kam Krist Jejut kete nõ yaþood kaglot.

¹⁰ Na tajigla ad majkurr'n non tee kïtïga kïtakul tee Ngekaj'j Krist Jeju. Kïtø Krist Jeju ta tøg koi ad koi goto, na tee kï kumkajir kïdum koi kïkam kunjt kïtakul Hoita kïmaj.

¹¹ Luwah ndahm ngelamber hoitat kïmaj'n non, ngombangkïlaa, kï ngendoo girrdeg kïdangdang.

¹² Kïtø 'nten la m'ndï m'dain yom kï kõg 'nten. Titbe kaa ne, rom ndï sølïm al, kïta m'ger Krist'n hã m'ndï m'ada kamm þet, m'ger køikøi asï ngom nya'n la jimt mbã ndø gangtat.

¹³ I hø go tag kïjaraw'n i ndoo romt kad în nyandaj kï kad i ndaj, i hø go kadkam Luwah kï tar'n jîn ne kam ro kïkïðat nat kï Krist Jeju.

¹⁴ Sumba kad i ngom nyag kïmaj'n lan jiit. I ngomd kïtakul tøg Ndil kïkunjðang'n ndï kï kamjt.

¹⁵ Deg tube kïkam døning Asit nyàmïn kïkïðambe tit'n i gerïn. Pijel kï Hermojen în kudt tø.

¹⁶ M'kø Bïraþe kad ookumtondoo lo ngékïþe lo Onesipor kïta adïm tøg kï nja natnatbe, roa søla dømt al lon mîn dangãit.

¹⁷ Na lon ðe þebot kï Rom ye, sahm kï rotîn mbã ngahm.

¹⁸ M'kø Bïraþe kad Onesipor ngah kookumtondo kokïro Bïraþet ndø gangtat kï nu. I ger þet Onesipor ða kïlaþer adïm ngãibe kam þebot kï Epesï.