2 Jã 1 - BIBLE MBAÏ 1980

¹ Mî kïbo m'ndang maktub 'nten m'ad dekïdë kïmbed lo Luwah kï nganag'n hã m'ndï tard kam rotat; i mî kï kïðambe hã m'ndï m'tard al, na tube'n gerïn rota tø.

² Kï ndï kï tarsï kïta rota'n hã ndï kï kamjt a i sej nat mbãkïnõt tø.

³ Kï Luwah kï Bøw, kï Jeju Krist Ngon Luwah kï Bøw, adjïn majkurr kï kookumtondo kï lapia. Kï nyag'n non în sej nat kam rotat, kï kï kam tart.

Ta lo rota kï tar

⁴ M'ndï m'ða ronel kï dumbit dø ngaht'n hã m'ngah kïmadg ku nganigt a ndïan kam rotat tit'n Bøwj ndajïn mbera.

⁵ Tajigla m'ndï m'køi dekïdë kïmbed kad i tarïn na. I mberkïnda kï kij hã m'ndang al, na i mberkïnda'n kï taa lo yaþoodat nu kad kï tarïn na.

⁶ În ten la i tar ye, kad kï i ndian kïgo mberkïndagt loa, 'nten la i mberkïnda tit'n oon ne lo nyaþoodat; kï i ndian kam tart.

⁷ Ngégool deg ngãibe teen ku degt kï døningt kïtaagbe. Deg'n non ndï elïn ta kï tïga wakïsï anan: Jeju Krist ðe kam dãro det al bat. De kï titbe i ngegool deg, kï ngendoor Krist.

⁸ Oon go rosï maj, na þeta kïla'n kï ða kusït nãi kø, na kad i taan nyabaji kïkasïnatap.

⁹ Dekïðen kï ndï aw kï kete kam nyandoot mad na ndï kï kam nyandoot lo Krist al a ne, Luwah loa goto bat, na de'n ndï kam nyandoot lo Krist a ne, ndï kam noojt kï hø kï Bøw kï Ngon tujoo ho.

¹⁰ Îla de mad ðe rosït, na ðe kï nyandoo'n non al a ne, ot høna kï þe losï, ot ðana lapia.

¹¹ Kïtø de'n ðaa lapia a ne, de'n non i madna sia dø kïlaðaagt kïmajal.

Døboi ta

¹² Ke nenï m'aw kï tag ngãibe kad m'ndang m'adsï kaa, m'ndig kad m'ndang maktub kï ãkre al, na m'nda kammt kï m'aw rosït kad j'elïn na ta kï taj kïtakad ronel losï i kïkasïnatap.

¹³ Ngan ngonkõi kïdë kïmbed lo Luwah ðain lapia.