Ester 10 - Biblia Maya de Yucatán con DC 1992

Mardoqueo cu dza'abal u beet u nojchil

¹ Ajaw Asueroe' tu dzaj jun p'éel páatan, bey ti' u caajnáalilo'ob le lu'umo'obo', tac xan ti' u cajnáalilo'ob jáal ka'anab.

² Tuláacal ba'ax tu beetaje', tu beetaj yéetel u páajtalil, bey xan u tzicbalil le nojoch aj meyaj tu dzaj ti' Mardoqueoe', láaj dzíibta'an tu ju'unil tu'ux cu dzíibta'al tuláacal ba'axo'ob cu yúuchul tu ajawil Media yéetel Persia.

³ U yáax nojchile' ajaw, cu dzo'ocole' Mardoqueo le judíoo'; leti'e' jun túul u asab nojochil ichil le judíobo', yaabilta'an ca'ach tumen u yéet caajalo'ob, tumen leti'e' tu yilaj ca yanac utzil tu caajal, ca j meyajnaj xan u ti'al ca cuxlaco'ob ma'alob u yéet ch'i'ibalo'ob.