Mpendwa 7 - Amazwi Yakwe Leza 2013

Amawila ya ntunguluzi

¹ Walanga Mose wamala kwimika Itaalu lya Ukongano, alino alipaka amafuta nga alipaatwila kuli Yawe kumwi ni viya vyonsi vyaliko, na kavuwa pamwi ni viombelo vyonsi vyakako.

² Alino akalamba ya nko, ali intunguluzi zya mitundu ya ina Izlaeli, yiiza yapeela ivyamawila yao, yaya kwene aangalilanga antu apenzilwe.

³ Na mawila yano yapezile kuli Yawe aeya: amaceleta mutanda afupilizye na yamasaye ikumi na yaili, cila ntunguluzi yapezile masaye wenga, ni ntunguluzi ziili ziili zyapezile maceleta yaili afupilizye. Pacisila cakupeela vintu vii,

⁴ Yawe anena Mose ati,

⁵ “Pokelela amawila yaa akuomvya mu mulimo wa mwi Taalu lya Ukongano. Uyapeele ku ina Levi kulingana nu mwaela incito yao cila muntu.”

⁶ Acino Mose atoola maceleta na yamasaye avipela ku ina Levi.

⁷ Amaceleta yaili na yamasaye yani avipela ku luko lwakwe Gelisyoni, kulingana ni vyalondekwanga mu mulimo wao.

⁸ Amaceleta yani na yamasaye cinani avipela ku luko lwakwe Melali, kulingana ni vyalondekwanga mu mulimo wao. Itamali, umwana wakwe Aaloni simapepo, wali ali kangalila wao.

⁹ Lelo Mose atapezile celeta nanti lyonga nanti a masaye kwene ku aluko lwakwe Koati, pamulandu wakuti yene incito yao yali iyakupinga ivintu vyamuzilo pa viye vyao wa ncito ino yapezilwe kuwaka.

¹⁰ Alino intunguluzi zyalesile ni vyamawila pa wanda uno yazevyanga kupaatwilwa kwa kavuwa nu kukapaka amafuta. Lino zyaiteyanya ukutwala amawila pa nkolelo ya kavuwa,

¹¹ Yawe anena Mose ati, “Cila wanda pa manda ikumi na yaili, wenga uwamu ntunguluzi alinzile apeele uwila wakwe wa kupaatwilwa kwa kavuwa.”

¹² Uwatandikile kutwala uwila wakwe pa wanda wakutandika, a Nasyoni umwana wakwe Aminadabu, uwamu mutundu wakwe Yuda.

¹³ Uwila wakwe, walesile imbale yonga yakwe siluva iyanyomile kulingana na kilogalamu wenga na citika. Alino aikapo ni mbakuli yakwe siluva iyanyomile kulingana na magalamu imyanda cinimbali na makumi cinimbali. Zyonsi ziili acita kulingana ni cipimilo caku Ng'anda ikulu yakwe Leza, zizule usu utonyoleke ningo utikinkanye na mafuta pakuti yangiza yavipeele wa wila wa cakulya.

¹⁴ Alino ni mbale yonga yakwe zaabu ino tungati yanyomile kota wakwe kilogalamu, umwali ubani.

¹⁵ Alino na kacipambasi konga, na suuku wenga, nu mwana wa mfwele wenga wa mwaka onga. Vyonsi vii vya wila wakoca.

¹⁶ Alino na sawe wenga uwa kupeela uwila wa kwelela amaifyo.

¹⁷ Alino na yamasaye yaili, na yasuuku yasano, na yasawe yasano nga na ana ya mfwele yasano, tusuuku twa mwaka onga, vii vyonsi vyakoca wa wila wa utandano. Fwandi uu wali uwila wakwe Nasyoni umwana wakwe Aminadabu.

¹⁸ Uwatwazile uwila wakwe pa wanda wakwe ciili a Netaneli umwana wakwe Zuali, intunguluzi ya mutundu wakwe Isakali.

¹⁹ Uwila uno wene walesile wali imbale yonga yakwe siluva iyanyomile kulingana na kilogalamu wenga na citika, ni mbakuli yonga iyanyomile kulingana na magalamu imyanda cinimbali na makumi cinimbali. Zyonsi ziili acita kulingana ni cipimilo caku Ng'anda ikulu yakwe Leza, zizule usu utonyoleke ningo utikinkanye na mafuta pakuti yangiza yavipeele wa wila wa cakulya.

²⁰ Alino ni mbale yonga yakwe zaabu ino tungati yanyomile kota wakwe kilogalamu, umwali ubani.

²¹ Alino na kacipambasi konga, na suuku wenga, nu mwana wa mfwele wenga wa mwaka onga. Vyonsi vii vya wila wakoca.

²² Alino na sawe wenga uwa kupeela uwila wa kwelela amaifyo.

²³ Alino na yamasaye yaili, na yasuuku yasano, na yasawe yasano nga na ana yamfwele yasano, tusuuku twa mwaka onga, vii vyonsi vyakoca uwila wa utandano. Fwandi uu wali uwila wakwe Netaneli umwana wakwe Zuali.

²⁴ Uwatwazile uwila wakwe pa wanda uwalenga yatatu a Eliabu umwana wakwe Heloni, intunguluzi ya luko lwakwe Zebuluni.

²⁵ Uwila wakwe, walesile imbale yonga yakwe siluva iyanyomile kulingana na kilogalamu wenga na citika. Alino aikapo ni mbakuli yakwe siluva iyanyomile kulingana na magalamu imyanda cinimbali na makumi cinimbali. Zyonsi ziili acita kulingana ni cipimo icazumiliziwa icamu ncende iziliziwe, zizule usu utonyoleke ningo, uno yakandilinkanya na mafuta pakuti yangiza yavipeele wa wila wa cakulya.

²⁶ Alino ni mbale yonga yakwe zaabu ino tungati yanyomile kota wakwe kilogalamu, umwali ubani.

²⁷ Alino na kacipambasi konga, na suuku wenga, nu mwana wa mfwele wenga wa mwaka onga. Vyonsi vii vya wila wakoca.

²⁸ Alino na sawe wenga uwa kupeela uwila wa kwelela amaifyo.

²⁹ Alino na yamasaye yaili, na yasuuku yasano, na yasawe yasano nga na ana yamfwele yasano, tusuuku twa mwaka onga, vii vyonsi ivyakoca uwila wa utandano. Fwandi uu wali uwila wakwe Eliabu umwana wakwe Heloni.

³⁰ Uwatwazile uwila wakwe pa wanda wakwe ciini a Elizuli umwana wakwe Syedeuli, intunguluzi ya mutundu wakwe Lubeni.

³¹ Uwila uno wene walesile wali imbale yonga yakwe siluva iyanyomile kulingana na kilogalamu wenga na citika, ni mbakuli yonga iyanyomile kulingana na magalamu imyanda cinimbali na makumi cinimbali. Zyonsi ziili acita kulingana ni cipimilo caku Ng'anda ikulu yakwe Leza, zizule usu utonyoleke ningo uno yakandilinkanya na mafuta pakuti yangiza yavipeele wa wila wa cakulya.

³² Alino ni mbale yonga yakwe zaabu ino tungati yanyomile kota wenga wakwe kilogalamu, umwali ubani.

³³ Alino na kacipambasi konga, na suuku wenga, nu mwana wa mfwele wenga wa mwaka onga. Vyonsi vii vya wila wakoca.

³⁴ Alino na sawe wenga uwa kupeela uwila wa kwelela amaifyo.

³⁵ Alino na yamasaye yaili, na yasuuku yasano, tusuuku twa mwaka onga, vii vyonsi vyakoca uwila wa utandano. Fwandi uu wali uwila wakwe Elizuli umwana wakwe Syedeuli.

³⁶ Uwatwazile uwila wakwe pa wanda uwalenga yasano a Syelumieli umwana wakwe Zulisyadai, intunguluzi ya mutundu wakwe Simeoni.

³⁷ Uwila uno wene walesile wali imbale yonga yakwe siluva iyanyomile kulingana na kilogalamu wenga na citika, ni mbakuli yonga iyanyomile kulingana na magalamu imyanda cinimbali na makumi cinimbali. Zyonsi zii acita kulingana ni cipimilo caku Ng'anda ikulu yakwe Leza, zizule usu utonyoleke ningo utikinkanye na mafuta pakuti yangiza yavipeele wa wila wa cakulya.

³⁸ Alino ni mbale yonga yakwe zaabu ino tungati yanyomile kota wenga wakwe kilogalamu, umwali ubani.

³⁹ Alino na kacipambasi konga, na suuku wenga, nu mwana wa mfwele wenga wa mwaka onga. Vyonsi vii vya wila wakoca.

⁴⁰ Alino na sawe wenga uwa kupeela uwila wa kwelela amaifyo.

⁴¹ Alino na yamasaye yaili, na yasuuku yasano, tusuuku twa mwaka onga, vii vyonsi vyakoca uwila wa utandano. Fwandi uu wali uwila wakwe Syelumieli umwana wakwe Zulisyadai.

⁴² Uwatwazile uwila wakwe pa wanda uwalenga mutanda a Eliyasafu umwana wakwe Deueli, intunguluzi ya mutundu wakwe Gadi.

⁴³ Uwila uno wene walesile wali imbale yonga yakwe siluva iyanyomile kulingana na kilogalamu wenga na citika, ni mbakuli yonga iyanyomile kulingana na magalamu imyanda cinimbali na makumi cinimbali. Zyonsi ziili acita kulingana ni cipimilo caku Ng'anda ikulu yakwe Leza, zizule usu utonyoleke ningo utikinkanye na mafuta pakuti yangiza yavipeele wa wila wa cakulya.

⁴⁴ Alino ni mbale yonga yakwe zaabu ino tungati yanyomile kota wenga wakwe kilogalamu, umwali ubani.

⁴⁵ Alino na kacipambasi konga, na suuku wenga, nu mwana wa mfwele wenga wa mwaka onga. Vyonsi vii vya wila wakoca.

⁴⁶ Alino na sawe wenga uwa kupeela uwila wa kwelela amaifyo.

⁴⁷ Alino na yamasaye yaili na yasuuku yasano, tusuuku twa mwaka onga, vii vyonsi vyakoca uwila wa utandano. Fwandi uu wali uwila wakwe Eliyasafu umwana wakwe Deueli.

⁴⁸ Uwatwazile uwila wakwe pa wanda uwalenga cinimbali a Elisyama umwana wakwe Amiudi, intunguluzi ya mutundu wakwe Efulemu.

⁴⁹ Uwila uno wene walesile wali imbale yonga yakwe siluva iyanyomile kulingana na kilogalamu wenga na citika, ni mbakuli yonga iyanyomile kulingana na magalamu imyanda cinimbali na makumi cinimbali. Zyonsi ziili acita kulingana ni cipimilo caku Ng'anda ikulu yakwe Leza, zizule usu utonyoleke sana uno yakandilinkanye na mafuta pakuti yangiza yavipeele wa wila wa cakulya.

⁵⁰ Alino ni mbale yonga yakwe zaabu ino tungati yanyomile kota wenga wakwe kilogalamu, umwali ubani, ukulingana ni cipimilo caku Ng'anda ikulu yakwe Leza.

⁵¹ Alino na kacipambasi konga, na suuku wenga, nu mwana wa mfwele wenga wa mwaka onga. Vyonsi vii vya wila wakoca.

⁵² Alino na sawe wenga uwa kupeela uwila wa kwelela amaifyo.

⁵³ Alino na yamasaye yaili, na yasuuku yasano, tusuuku twa mwaka onga, vii vyonsi vyakoca uwila wa utandano. Fwandi uu wali uwila wakwe Elisyama umwana wakwe Amiudi.

⁵⁴ Uwatwazile uwila wakwe pa wanda wakwe cinani a Gamalieli umwana wakwe Pedazuli, intunguluzi ya mutundu wakwe Manase.

⁵⁵ Uwila uno wene walesile wali imbale yonga yakwe siluva iyanyomile kulingana na kilogalamu wenga na citika, ni mbakuli yonga iyanyomile kulingana na magalamu imyanda cinimbali na makumi cinimbali. Zyonsi ziili acita kulingana ni cipimilo caku Ng'anda ikulu yakwe Leza, zizule usu utonyoleke ningo uno yakandilinkanya na mafuta pakuti yangiza yavipeele wa wila wa cakulya.

⁵⁶ Alino ni mbale yonga yakwe zaabu ino tungati yanyomile kota wenga wakwe kilogalamu, umwali ubani.

⁵⁷ Alino na kacipambasi konga, na suuku wenga, nu mwana wa mfwele wenga wa mwaka onga. Vyonsi vii vya wila wakoca.

⁵⁸ Alino na sawe wenga uwa kupeela uwila wa kwelela amaifyo.

⁵⁹ Alino na yamasaye yaili, na yasuuku yasano, tusuuku twa mwaka onga, vii vyonsi vyakoca uwila wa utandano. Fwandi uu wali uwila wakwe Gamalieli umwana wakwe Pedazuli.

⁶⁰ Uwatwazile uwila wakwe pa wanda wakwe fundimbali a Abidani umwana wakwe Gidyoni, intunguluzi ya mutundu wakwe Benjamini.

⁶¹ Uwila uno wene walesile wali imbale yonga yakwe siluva iyanyomile kulingana na kilogalamu wenga na citika, ni mbakuli yonga iyanyomile kulingana na magalamu imyanda cinimbali na makumi cinimbali. Zyonsi ziili acita kulingana ni cipimilo caku Ng'anda ikulu yakwe Leza, zizule usu utonyoleke ningo utikinkanye na mafuta pakuti yangiza yavipeele wa wila wa cakulya.

⁶² Alino ni mbale yonga yakwe zaabu ino tungati yanyomile kota wenga wakwe kilogalamu, umwali ubani.

⁶³ Alino na kacipambasi konga, na suuku wenga, nu mwana wa mfwele wenga wa mwaka onga. Vyonsi vii vya wila wakoca.

⁶⁴ Alino na sawe wenga uwa kupeela uwila wa kwelela amaifyo.

⁶⁵ Alino na yamasaye yaili, na yasuuku yasano, tusuuku twa mwaka onga, vii vyonsi vyakoca uwila wa utandano. Fwandi uu wali uwila wakwe Abidani umwana wakwe Gidyoni.

⁶⁶ Uwatwazile uwila wakwe pa wanda uwalenga ikumi a Aiezeli umwana wakwe Amisyadai, intunguluzi ya mutundu wakwe Dani.

⁶⁷ Uwila uno wene walesile wali imbale yonga yakwe siluva iyanyomile kulingana na kilogalamu wenga na citika, ni mbakuli yonga iyanyomile kulingana na magalamu imyanda cinimbali na makumi cinimbali. Zyonsi ziili acita kulingana ni cipimilo caku Ng'anda ikulu yakwe Leza, zizule usu utonyoleke ningo utikinkanye na mafuta pakuti yangiza yavipeele wa wila wa cakulya.

⁶⁸ Alino ni mbale yonga yakwe zaabu ino tungati yanyomile kota wenga wakwe kilogalamu, umwali ubani.

⁶⁹ Alino na kacipambasi konga, na suuku wenga, nu mwana wa mfwele wenga wa mwaka onga. Vyonsi vii vya wila wakoca.

⁷⁰ Alino na sawe wenga uwa kupeela uwila wa kwelela amaifyo.

⁷¹ Alino na yamasaye yaili, na yasuuku yasano, tusuuku twa mwaka onga, vii vyonsi vyakoca uwila wa utandano. Fwandi uu wali uwila wakwe Aiezeli umwana wakwe Amisyadai.

⁷² Uwatwazile uwila wakwe pa wanda uwalenga ikumi na onga a Pagieli umwana wakwe Okalani, intunguluzi ya mutundu wakwe Asyeli.

⁷³ Uwila uno wene walesile wali imbale yonga yakwe siluva iyanyomile kulingana na kilogalamu wenga na citika, ni mbakuli yonga iyanyomile kulingana na magalamu imyanda cinimbali na makumi cinimbali. Zyonsi ziili acita kulingana ni cipimilo caku Ng'anda ikulu yakwe Leza, zizule usu utonyoleke ningo utikinkanye na mafuta pakuti yangiza yavipeele wa wila wa cakulya.

⁷⁴ Alino ni mbale yonga yakwe zaabu ino tungati yanyomile kota wenga wakwe kilogalamu, umwali ubani.

⁷⁵ Alino na kacipambasi konga, na suuku wenga, nu mwana wa mfwele wenga wa mwaka onga. Vyonsi vii vya wila wakoca.

⁷⁶ Alino na sawe wenga uwa kupeela uwila wa kwelela amaifyo

⁷⁷ Alino na yamasaye yaili, na yasuuku yasano, tusuuku twa mwaka onga, vii vyonsi vyakoca uwila wa utandano. Fwandi uu wali uwila wakwe Pagieli umwana wakwe Okalani.

⁷⁸ Uwatwazile uwila wakwe pa wanda uwalenga ikumi na yaili a Aiila umwana wakwe Enani, intunguluzi ya mutundu wakwe Nafutali.

⁷⁹ Uwila uno wene walesile wali imbale yonga yakwe siluva iyanyomile kulingana na kilogalamu wenga na citika, ni mbakuli yonga yakwe siluva iyanyomile kulingana na magalamu imyanda cinimbali na makumi cinimbali. Zyonsi ziili acita kulingana ni cipimilo caku Ng'anda ikulu yakwe Leza, zizule usu utonyoleke ningo utikinkanye na mafuta pakuti yangiza yavipeele wa wila wa cakulya.

⁸⁰ Alino ni mbale yonga yakwe zaabu ino tungati yanyomile kota wenga wakwe kilogalamu, umwali ubani.

⁸¹ Alino na kacipambasi konga, na suuku wenga, nu mwana wa mfwele wenga wa mwaka onga. Vyonsi vii vya wila wakoca.

⁸² Alino na sawe wenga uwa kupeela uwila wa kwelela amaifyo.

⁸³ Alino na yamasaye yaili, na yasuuku yasano, tusuuku twa mwaka onga, vii vyonsi vyakoca uwila wa utandano. Fwandi uu wali uwila wakwe Aiila umwana wakwe Enani.

⁸⁴ Yaa ali mawila yano intunguluzi zya ina Izlaeli zyapezile pa wanda uno kwali kupaatula nu kupaka kavuwa amafuta: imbale zyakwe siluva zyali ikumi na ziili, ingeso zya kukanyizizya zyakwe siluva zyali ikumi na ziili, nga ni mbale zyakwe zaabu zyali ikumi na ziili.

⁸⁵ Cila mbale yakwe siluva yanyomile kulingana na kilogalamu wenga na citika. Nga cila mbale yakukanyila yakwe zaabu nayo yanyomile kulingana magalamu imyanda cinani. Nga ni mbale zyakwe siluva zyonsi pamwi nazyo zyanyomile kulingana makilogalamu amakumi yaili na cinimbali na citika, ukulingana ni cipimilo caku Ng'anda ikulu yakwe Leza.

⁸⁶ Imbale ikumi na ziili zyakwe zaabu zino zyazilemo ubani nazyo cila yonga yanyomile kulingana na magalamu umwanda onga ni kumi, kulingana ni cipimilo caku Ng'anda ikulu yakwe Leza, na zyonsi pamwi zyanyomile kulingana kilogalamu wenga na citika.

⁸⁷ Impendwa ya nyama zya wila wakoca zino yapezile yali ndi vii: tucipambasi ikumi na twiili, yasuuku ikumi na yaili, nga nu twana twa mfwele ikumi na twiili, twa mwaka onga, kwikapo nu wila wa cakulya uno yapeelanga pamwi nazyo. Yasawe ikumi na yaili ayano yaomvyanga pa kupeela uwila wa kwelela amaifyo.

⁸⁸ Inyama zya kupeela uwila wa utandano zyonsi pamwi zyali ndi vii: yamasaye amakumi yaili na yani, yasuuku amakumi mutanda, yasawe amakumi mutanda nga na ana ya mfwele amakumi mutanda, a mwaka onga. Yaa, ali mawila yano yapile pa wanda wa kupaatula kavuwa nu kukapaka amafuta.

⁸⁹ Lino Mose wingile mwi Taalu lya Ukongano ku kulanda na Yawe, wene uvwile izwi ukufuma pakasi kakwe yakelubi, papela ya ntupiko ya Mbokosi ya Upangano, ala likulanda kunoli. Nga nawe avwanga na aliwe.