Mpendwa 1 - Amazwi Yakwe Leza 2013

Kupenda aina Izlaeli kwankolelo

¹ Pa wanda wakutandika uwa mwezi wakwe ciili, mu mwaka wakwe ciili pacisila lino aina Izlaeli yafumile mu Eguputo, Yawe wavwanzile kuli Mose mu Lwanga lwa Sinai ala ali mwi Taalu lya Ukongano, ati,

² “Wewe na Aaloni mulinzile kupenda iuvi lyonsi lya ina Izlaeli ukulingana ni nko zyao nu mu ng'anda zyao. Aonsi mwatantika mazina yao wenga wenga

³ kutandikila yao ali ni myaka amakumi yaili nanti ukuluta, yano yangalinga ukulwa inkondo.

⁴ Mutole muli cila mutundu umonsi wenga, umukalamba wa luko wakuti amwazwilizye.

⁵ Yaa, ali mazina ya ntunguluzi zyamuli cila mutundu yano yasolwilwe kuti yakwazwilizya ukuomba umulimo uu. “Ukufuma muli Lubeni, mwasololwa Elizuli umwana wakwe Syedeuli.

⁶ Ukufuma muli Simeoni, mwasololwa Syelumieli umwana wakwe Zulisyadai.

⁷ Ukufuma muli Yuda, mwasololwa Nasyoni umwana wakwe Aminadabu.

⁸ Ukufuma muli Isakali, mwasololwa Netaneli umwana wakwe Zuali.

⁹ Ukufuma muli Zebuluni, mwasololwa Eliabu umwana wakwe Heloni.

¹⁰ Ukufuma mu ana aonsi yakwe Yosefu, muli Efulemu mwasololwa Elisyama umwana wakwe Amiudi. Ukufuma muli Manase, mwasololwa Gamalieli umwana wakwe Pedazuli.

¹¹ Ukufuma muli Benjamini, mwasololwa Abidani umwana wakwe Gidyoni.

¹² Ukufuma muli Dani, mwasololwa Aiezeli umwana wakwe Amisyadai.

¹³ Ukufuma muli Asyeli, mwasololwa Pagieli umwana wakwe Okalani.

¹⁴ Ukufuma muli Gadi, mwasololwa Eliyasafu umwana wakwe Deueli.

¹⁵ Ukufuma muli Nafutali, mwasololwa Aiila umwana wakwe Enani.”

¹⁶ Yaa ali antu yano yali mwi umba lya akalamba ya mitundu ya vikolwe vyao, yano yasolwilwe kuti yaombe umulimo uu. Yene yali akalamba ya nko zya ina Izlaeli.

¹⁷ Mose na Aaloni yatoola antu yaa yano iyalumbula mazina,

¹⁸ nga yakonganika iuvi lyonsi pa wanda wakutandika umwezi wakwe ciili. Alino aina Izlaeli yasininkizya ukuti cila muntu wamanyika ukuya uwamu luko nu wa ng'anda ya cikolwe cakwe. Alino iyapenda aonsi yonsi ali ni myaka amakumi yaili nanti ukuluta

¹⁹ wakwe vino Yawe wapeezile ilamulo kuli Mose. Ali vino Mose ayapenda mu Lwanga lwa Sinai.

²⁰ Ukufuma mu amu mupanda wakwe Lubeni, iyeli lyakwe Izlaeli aonsi yonsi ali ni myaka amakumi yaili nanti ukuluta, yao angalwa inkondo kulingana ni vyaya umutundu wao ni nko zyao, wenga wenga iyatantikwa.

²¹ Impendwa yao yali 46,500.

²² Ukufuma mu amu mupanda wakwe Simeoni, aonsi yonsi ali ni myaka amakumi yaili nanti ukuluta, yao angalwa inkondo kulingana ni vyaya umutundu wao ni nko zyao, wenga wenga iyatantikwa.

²³ Impendwa yao yali 59,300.

²⁴ Ukufuma mu amu mupanda wakwe Gadi, aonsi yonsi ali ni myaka amakumi yaili nanti ukuluta, yao angalwa inkondo kulingana ni vyaya umutundu wao ni nko zyao, wenga wenga iyayatantika.

²⁵ Impendwa yao yali 45,650.

²⁶ Ukufuma mu amu mupanda wakwe Yuda, aonsi yonsi ali ni myaka amakumi yaili nanti ukuluta, yao angalwa inkondo kulingana ni vyaya umutundu wao ni nko zyao, wenga wenga iyayatantika.

²⁷ Impendwa yao yali 74,600.

²⁸ Ukufuma mu amu mupanda wakwe Isakali, aonsi yonsi ali ni myaka amakumi yaili nanti ukuluta, yao angalwa inkondo kulingana ni vyaya umutundu wao ni nko zyao, wenga wenga iyayatantika.

²⁹ Impendwa yao yali 54,400.

³⁰ Ukufuma mu amu mupanda wakwe Zebuluni, aonsi yonsi ali ni myaka amakumi yaili nanti ukuluta, yao angalwa inkondo kulingana ni vyaya umutundu wao ni nko zyao, wenga wenga iyayatantika.

³¹ Fwandi impendwa yao yali 57,400.

³² Ukufuma mu amu mupanda wakwe Yosefu, mu amu mupanda wakwe Efulemu, aonsi yonsi ali ni myaka amakumi yaili nanti ukuluta, yao angalwa inkondo kulingana ni vyaya umutundu wao ni nko zyao, wenga wenga iyayatantika.

³³ Impendwa yao yali 40,500.

³⁴ Ukufuma mu amu mupanda wakwe Manase, aonsi yonsi ali ni myaka amakumi yaili nanti ukuluta, yao angalwa inkondo kulingana ni vyaya umutundu wao ni nko zyao, wenga wenga iyayatantika.

³⁵ Impendwa yao yali 32,200.

³⁶ Ukufuma mu amu mupanda wakwe Benjamini, aonsi yonsi ali ni myaka amakumi yaili nanti ukuluta, yao angalwa inkondo kulingana ni vyaya umutundu wao ni nko zyao, wenga wenga iyayatantika.

³⁷ Impendwa yao yali 35,400.

³⁸ Ukufuma mu amu mupanda wakwe Dani, aonsi yonsi ali ni myaka amakumi yaili nanti ukuluta, yao angalwa inkondo kulingana ni vyaya umutundu wao ni nko zyao, wenga wenga iyayatantika.

³⁹ Impendwa ya amu mutundu wakwe Dani yali 62,700.

⁴⁰ Ukufuma mu amu mupanda wakwe Asyeli, aonsi yonsi ali ni myaka amakumi yaili nanti ukuluta, yao angalwa inkondo kulingana ni vyaya umutundu wao ni nko zyao, wenga wenga iyayatantika.

⁴¹ Impendwa ya amu mupanda wakwe Asyeli yali 41,500.

⁴² Ukufuma mu amu mupanda wakwe Nafutali, aonsi yonsi ali ni myaka amakumi yaili nanti ukuluta, yao angalwa inkondo kulingana ni vyaya umutundu wao ni nko zyao, wenga wenga iyayatantika.

⁴³ Impendwa yao yali 53,400.

⁴⁴ Yaa, aonsi yano yapenzilwe na Mose na Aaloni ni ntunguluzi ikumi na yaili zya ina Izlaeli, cila wenga ala akwimilila ang'anda yakwe.

⁴⁵ Aina Izlaeli yonsi ali ni myaka amakumi yaili nanti ukuluta, yao angalwa inkondo yapenzilwe kulingana ni vyaya umutundu wao ni nko zyao.

⁴⁶ Mpendwa yao yonsi pamwi yali 603,550.

⁴⁷ Lelo amu mutundu wakwe Levi yene yatapendilwe pamwi ni mitundu yuze yasyala,

⁴⁸ pamulandu wakuti Yawe wanenyile Mose ati,

⁴⁹ “Lino ukupenda antu alingine ukulwa inkondo, utaca uminkanye na amu mutundu wakwe Levi.

⁵⁰ Mucifulo cakwe cico, yene muce muyapeele umulimo wa kuwaka Itaalu lya Ukongano pamwi ni viombelo vyonsi ivyayamo. Ali yano yali nu kulisenda kumwi ni viombelo ivyayamo, nga nu kutumika mwenemo, nu kukuula insakwe ukulizingulusya.

⁵¹ Ndi kwaya ukukusya Itaalu, aina Levi angalisambulula aliyo kwene. Nanti kwaya ukulisimpa, aina Levi sile ali nu kucita cico. Muntu muze sile ndi camukumba wapalama kweneko, wene alinzile akomwe.

⁵² Aina Izlaeli yonsi asyala yace yaimika mataalu yao ukulingana ni mitundu yao, cila muntu mu nsakwe yakwe, apipi ni nzipa yakwe.

⁵³ Lelo aina Levi yali nu kusimpa mataalu yao ukuzinguluka Itaalu lya Ukongano kuti yalicingilila, pakuti ukali wakwe Yawe utafulumila aina Izlaeli.”

⁵⁴ Acino aina Izlaeli yacisile vyonsi wakwe vino Yawe wapeezile ilamulo kuli Mose.