Masamu 99 - Amazwi Yakwe Leza 2013

Leza umusambazi mukulu

¹ Yawe aliwe akuteeka, imitundu ya antu ikuizakazila sile, wene wikala papela yakwe ya kelubi, si lekini insi yatenta.

² Yawe umukulu umu Zioni, aliwe akateeka na antu ya mitundu yuze.

³ Yonsi yakamulumbanya, pano wacindama nupya uwalulumbi, icacumi wene uwamuzilo!

⁴ Mwene uwamaka, awewe watemwa ukulungika, waletela aina Izlaeli ulungi. Wayaletela iviziipe ni vyacumi.

⁵ Lumbanyini Yawe Leza witu, mwamupepa uku cilimba cakwe ica wene. Icacumi wene ali wamuzilo!

⁶ Mose na Aaloni yali a yasimapepo yakwe Leza. Samueli nawe wali umuntu uwamupepanga. Ali yano yalaizyanga kuli Yawe nga nawe wayasukanga.

⁷ Yalandanga nawe umu kwimba, nga nayo yatontelanga amasunde yakwe yano wayapeelanga.

⁸ We Yawe Leza witu, wemo wasukanga antu yako, awewe wayalangililanga ukuti wewe uli Leza wino akaelela antu uluse.

⁹ Lumbanyini Yawe Leza witu, mumupepe apa mwamba wakwe uwamuzilo! Pano Yawe Leza witu uwamuzilo!