Masamu 94 - Amazwi Yakwe Leza 2013

¹ We Yawe, awewe Leza akavunuka, fwandi langa ukali wako!

² We mupinguzi wa antu yonsi, katuka upezye avilumba, ukulingana ni vicitwa vyao!

³ We Yawe uzye aukwi kuno avilumba yalafika? Uzye ukusansamuka kwa yantu aipe kulapelela kwi?

⁴ Yene yakavwanga vyakuyuvwa nu kuitanka pa uyi wao?

⁵ Ala antu yaya pasi pakanyati uku antu yako, pasi pakuyacuzya antu yakwako sile!

⁶ Yakakoma yamukamfwilwa na ayenyi, nu kutala akatwe ku ana asyale.

⁷ Yene yakavwanga yati, “Yawe asitulola foo, Leza wakwe Yakobo asimanya nanti cimwi!”

⁸ Mwe viwelewele vya antu mwe, icani cino mungacitila ivintu kwene ivyamusango uo? Uzye mwemo mulasambilila lilaci?

⁹ Leza uwapanzile amatwi, uzye wene atange auvwe? Uwapanzile na manso itu, uzye atange alole?

¹⁰ Vino ali kateeka wa mitundu yonsi, uzye atalayapezya? Ali kasambilizya wa antu yonsi, uzye atamanya?

¹¹ Yawe Umwene wamanya vino yakaelenganya, wamanya nu mwalola imyelenganyizizye yao iyauwelewele.

¹² We Yawe, walongo umuntu wino ukasambilizya, wiyo wino ukalondolwela amasunde yako.

¹³ Ukamupeela upemwilo umu nsita ya ucuzi, ukufika na lino yalimbila umuntu mwipe ilindi.

¹⁴ We Yawe, utange utazyele antu yako, utange usumbe antu ali yakwako mpo.

¹⁵ Ulungami nupya kwene ulazanwa umu vilye vya uputuzi, nga antu ya myenzo yololoke yalaulondela.

¹⁶ Aweni angimilila nu kumvwangila uku aipe?

¹⁷ Umwene akana ukungazwa, ngano napita mpiti uku nsi imyalale.

¹⁸ Akula nemo nati, “Ulwazo lwane ilwasyelemuka,” ukutemwa kwako We Yawe kukantungilila.

¹⁹ Amizu yane nanti yangamvulila uli, wemo ukantekezya nu kunsansamusya.

²⁰ Wemo musiuvwana napinguzi ya lufyengo, yao atemwa ukucita ulufyengo wi sunde.

²¹ Yene yakalwisyanya na antu asuma, nu kuzwisya uwazi wa muntu wakaele.

²² Lelo nemo Yawe ali wino akancingilila, Leza wane aka mpokolola kweneko.

²³ Aliwe akayaswilizizya ulufyengo lwao, akayalovya pamulandu nu uyi wao. Aliwe kwene alayalovya.