Masamu 8 - Amazwi Yakwe Leza 2013

Ululumbi lwakwe Leza nu ukankala wa muntu

¹ We Yawe, Mwene witu, iye mwe vino izina lyako lyacindama pano nsi ponsi! Ucindami wako wafika na pi yulu apapela.

² Utwance kumwi nu twana twa kwiyele nato kwene tukakulumbanya. Waikuulila ilinga lya maka pamulandu wa anisi yako. Alino nu kucincintila anisi yako yonsi kumwi na yayo akutalamila.

³ Nemo nkati nga nalolekesya iyulu, lino wacita, intanda nu mwezi vino wika mwenemo,

⁴ injuzya nemwisikulu inti, “Ngu muntu wene uwacani uwakuti uwamwelenganya penepo, umwana wa muntu uwacani uwakuti wemo uwamusakamala?

⁵ Wamucefizye sile panono pali we mweneco we Leza. Wamucindamike nu kumucita wa mwene.

⁶ Wamupile na maka akuteeka vyonsi vino waumba. Wamucita na musika apa vintu vyonsi.

⁷ Apa mfwele zyonsi ni ng'ombe zyonsi, ni nyama zyonsi zyamu mpanga,

⁸ alino na pa vyunyi kwene vyonsi na pa nswi, kumwi ni viumbwa ivyasyala ivya muluzi.

⁹ “We Yawe, Leza witu, ucindami wako waloleka pano nsi ponsi!”