Masamu 4 - Amazwi Yakwe Leza 2013

Ipepo lya manguzi lyakulenga uwazwilizyo

¹ Unguvwe nu kungazwa lino nkupepa kunuli, we Leza wane uwa ulungi. Lino nali umu ntazi, awewe wantuuzile. Ya na mizu kunondi nu kuuvwa ipepo lyane.

² Uzye mwe antu mulata lilaci ukuntuka? Uzye mulata lilaci ukutemwa ivya ciwelewele? Uzye mulata lilaci ukulondesya vyaufi?

³ Mutailila ukuti Yawe umweneco waipaalwila akacita vyaololoke. Yawe akanguvwa nga napepa kunoli.

⁴ Oopini Leza nga mute ukwifya. Mwaelenganya wakwe cimwi pali cii, lino muizi cele pa misanzi inu.

⁵ Tuulini impolelwa isuma kuli Yawe, nu kutaila munoli.

⁶ Aingi yakati, “Ntanzi ngaweni angatupeela ulongo We Yawe, sungala utulolekesye luseluse!”

⁷ We Yawe, wazanzya umwenzo wane, ukuluta na pali yano yakwatisya ingano na waini umupya.

⁸ Lino nkalambalala, nkakasula utulo mu mutende, pano awewe sile, we Yawe, wemuno ukansunga ningo.