Masamu 3 - Amazwi Yakwe Leza 2013

Ipepo lya katondo lyakulenga uwazwilizyo

¹ Iye mwe Yawe, nkweti anisi aingi wakwe cimwi! Yayo akankatukila yavula sana!

² Yene yakalanda pali nene iyati, “Leza wene atange amwazwe awe.”

³ Lelo we Yawe, wewe cisyangu cane. Wewe uli ucindami wane, wewe ukampamya.

⁴ Nalaizya kuli Yawe ni izwi ilisanzuke, nawe wanjasuka pa mwamba wakwe uwamuzilo.

⁵ Lyene nalambalala nu kukasula utulo. Nazyuka nupya akatondo, pano Yawe ali kasunga wane.

⁶ Ntange noope anisi amazimbi nyanya, ati yandizizya umu mbali zyonsi.

⁷ We Yawe, katuka! Nduntuule we Leza wane! Pano ukauma anisi yane umu nzekete. Ukatembola antu aipe.

⁸ Ukukululwa kukafuma sile kuli Yawe, upolelelo wako ungala uye apa antu yako.