Masamu 125 - Amazwi Yakwe Leza 2013

Ukucingilwa kwa antu yakwe Leza

¹ Yayo ataila Yawe yaya wa mwamba wa Zioni, uo usi wakutensya, uno wikalilila pee.

² Ndi vino imyamba yazinguluka Yelusalemu, ali vino Yawe nawe amalilizya antu yakwe yaye apakasi, ilelo ni myaka pee.

³ Amauteko aipe yatalatala yatwalilile lyonsi ukuteeka impanga ya antu aololoke, pano ndi cali vivyo, aololoke yangasuka yaifye.

⁴ We Yawe, sungala uwalukucitila antu asuma iviziipe, yayo akayela amasunde yako.

⁵ Lelo antu yano yakalondela inzila izipe, Yawe alayavunuka kumwi na yakaifya. Mutende uye kunuli we Izlaeli!