Masamu 101 - Amazwi Yakwe Leza 2013

Ulayo wakwe Davidi kuli Leza

¹ Namaimbila ulwimbo lwane, ulwakulumbanya icisinka nu ulingi wako, nemo namakwimbila we Yawe.

² Imiyele yane imayanga iyakwe ukayele. Uzye ulawela lilaci kunondi? Nemo ukwane namaikalanga ni misango isuma.

³ Intalatala indolekesye apa viipe. Nemo napata ivicitwa vya antu akakusangukila we Leza, nsivisumbako namano foo.

⁴ Nemo ntaya ni myenzo ili foo. Nsizangila umu vintu iviipe nanti lyonga.

⁵ Umuntu akaamba umuze umu umfisolo nemo ndamuvunuka. Wemo ukalolekesya ni misuuli umuntu uwavilumba, nemo nsilonda ukwikala pamwi na aliwe nanti panono.

⁶ Nemo nasololanga antu yano yakufukila we Leza, apakuti ayano yaomba ukwane ukwisano. Antu ya misango isuma ayano yamayanga aomvi yane.

⁷ Umuntu akacita ucenjezi asi wakwikala ukwane foo, nu waufi nawe ntalamulonda pano.

⁸ Amanda yonsi nemo ndavunuka antu aipe umu mpanga yane. Nu kuzinga antu aipe umu umusumba wako we Yawe.