Masamu 1 - Amazwi Yakwe Leza 2013

LUPAPULO LWAKWE CONGA (Masamu 1–41) Ulongo ulufumaluke

¹ Walongo umuntu asiya ku matengo ya antu aipe, uku kupandwa amano. Asilondelela imisango yakwe yakaifya, nanti ukwizya pamwi na antu amiponto.

² Lelo wene akazangila mu kuyela amazwi yakwe Yawe, nu kuyelenganya usiku nu musanya.

³ Wene waya wa muti uno yalema umu mbali ya kaluzi, nu kuseeka ukaseeka apa nsita ilingane. Amafwa ya muti uo yasitala iyuma. Vyonsi vino akacita asiposiwa.

⁴ Lelo yakacita ya viipe asi vino yaya awe. Yene yakoline na cungu wino akaululwa nu muza.

⁵ Caleka Leza alapingula antu aipe, nga yakaifya yataluminkana na yakacita ya vyaololoke.

⁶ Pano Yawe wasakamala antu akacita vyaololoke, lelo yakaifya yene yalalowelela sile.