JABUR 1 - ALKETAB E DHALEM BASA MADURA

KETAB SE KAPENG SETTONG: JABUR 1–41 Kabajra'an se saongguna

¹ Bajjra oreng se ta' atoro' ka babala'anna oreng jahat, se ta' nerowe tengkana oreng se bannya' dusana, sarta ta' akompol ban reng-oreng se ya-nyeya Allah,

² se lebur ajalannagi papakonna PANGERAN, sarta mekker parkara papakon jareya malem ban seyang.

³ Oreng jareya olle hasel e dhalem saneyap ehteyarra, akantha kajuwan e penggir songay, se abuwa mon teppa' mosemma ban ta' tao elop dhaunna.

⁴ Sabaligga, oreng jahat, padha ban sekkem se eabber angen.

⁵ Oreng jahat bakal eokoma bi' Allah, hakimma ban epesa dhari ommat laenna.

⁶ Sabab oreng se ta'at etonton ban eaobi PANGERAN, tape oreng jahat bakal ancora odhi'na.