Faarfannaa 1 - Macaafa Qulqulluu Afaan Oromoo

Macaafni Inni Duraa (Faarfannaa 1–41) Jireenya Nama Qajeelaa Fi Jireenya Nama Jal'aa

¹ Namni akka gorsa warra jal'ootaatti hin deddeebine, karaa cubbamoonni irra adeeman irra kan hin ejjenne, warra ga'isanii wajjinis tarree kan hin teenye gammachuu qaba*!

² Qooda kanaa isa gammadu kanatti seerri Waaqayyoo itti in tola, innoo halkanii fi guyyaa waa'ee seera Waaqayyoo in yaada*.

³ Inni akka muka isa bishaan yaa'aa qarqara dhaabamee, yeroo yeroo isaatti ija kennuu, baalli isaas gogee hin harcaanee ti; wanti inni hojjetu hundinuus wal in qixxaataaf*.

⁴ Warri jal'oonni garuu akka kana miti; isaan akka abaqii qilleensi fuudhee adeemuu ti.

⁵ Egaa warri jal'oonni firdii duratti hin jabaatan, cubbamoonnis walga'ii qajeelotaa keessa hin dhaabatan.

⁶ Waaqayyo karaa qajeelotaa duukaa bu'ee in beeka, karaan jal'ootaa garuu gara badiisaatti in geessa.