Macitilo 6 - Mapangano Alomba 1923

¹ PA masiku ŵala, pekwenzopaka kupendewa kwa asambili, kwenzepo kwa a Chihellene kwang'onimira a Chihebrayo, pakuti anakazi ŵaŵo ŵofwilwa etailizyiwa poyaŵirira kwa nsiku zyonse.

² Ŵala kumi na aŵiri euita winji wa asambili kwaŵo echiti, Nte chiweme kuti seo tilileke lizu la Mlungu notumikila polyera.

³ Teti, akwasu, salulani muli mweo asano na aŵiri ŵantu a mbili iweme, ŵozula Mzimu na nzeru, atiti tiike pa mulimo uyu.

⁴ Sembe seo tokoselela kulomba na potumiki wa lizu ili.

⁵ Aŵa malizu elitemwesya liumba lonse: naŵo esalulapo Stefano, muntu wozula mvwano na Mzimu Mtuŵa, na Filipo, na Prokoro, na Nikanora, na Timoni, na Parmena, na Nikola woyaruka wa ku Antiyokiya:

⁶ ŵechiika pa menso pa apostolo: naŵo apo akasenge eŵasintilila manja.

⁷ Nipo lizu la Mlungu likula, na asambili epaka kwene kantu pa Yerusalemi popendewa kwaŵo; na mpingo ukuru wa ansembe enzoumvwila mvwano.

⁸ Naye Stefano, wozula chawanzi — na vizo, echita vizwezwe na viziŵikwilo vikuru mu ŵantu.

⁹ Lomba euka ŵambi a aŵo enze a sunagoge loitiwa la Alibertino, na Akurenayo, na Aalesandrayo, na a aŵo a ku Kilikiya na ku Asiya, enzosusyana na Stefano.

¹⁰ Naŵo aliyokumako kususya nzeru na Mzimu wechinena naye.

¹¹ Pamene apo eŵenzya ŵantu kunsei, amene echiti, Timumvwa enzoŵachitila Musa na Mlungu misiyakuŵi.

¹² Naŵo ekulumizya ŵantu na akuruakuru na alembi, emzila nomkata nomkulikira ku nsaka ya milandu,

¹³ epanamika ntoni zya wenye zyamene zichiti, Uyu muntu ntofuza kulaŵira malizu ŵosusya ulo uyu wozila na dango:

¹⁴ pakuti timumvwa enena kuti uyu Yesu wa ku Nazarete azasapule ulo uyu, noyaruzya misango yechitipa Musa.

¹⁵ Naŵo ŵonse enzenkezi pa nsaka pomlolesisya eŵona chinso chake nga ni chinso cha malaika.