Luke 1 - Lahta

¹ ကရိုသေထွိုက်ဒါ သီဟိုဖိလက်ဖုန်း ။ ပလူးဖုန်း တျန်ထန်းထွို့လိထွို့ အစီရင်ခံစာဖုန်း ဆိုင်ဒေါင် က့ကုပျန့်ထန်ဒါ အကြောင်ခရားထူးထူးဆန်ဆန်ဖုန်း။

² ကာ့ဟွမ်ထွို့လိထွို့ ဗွယ်ဖရာငိုစတင်း အွိုက် ပလူးကသျှီးဘာဒါအကြောင်ခရာ အွယ့်ဘာ ကပျန့်ထန်ဒါ အထိ့ကုစာဆောင့်။

³ ကွက်အွယ့်မဲ့ ငါးလေ့လာကျက်ချေ ကြိုင်ကြိုင် တာကပျန့်ထန်ဒါ ကားကအိုထွို့မဲ့ ငါးကတျန်ထန်ဘာ အစီရင်ခံစာ နားက့ဆောင့် ဒွို့ ငါးတာလဲ့ ခိုခို။

⁴ ငါးကတျန်ထန်ဘာဒါ နိန်းဒွိုးဒွို ဖီနားကသိဘာ နားကကစွမ့်ဘာဒါအကြောင်ခရာဒီ့ အိုမှန်တွိုဟနေ။

⁵ ခွမ့်ခမ်းဟေရုဒ် ကအုပ်ချုပ်ဒါယုဒကန်ခိန်း ပုရောဟိတ် ဇာခရိဒီ့ ပျန့်တို ကဟောင့်ဒါ အဘိယ စွိုကုဟနေ။ အာမာ့ ဧလိရှဗက်ဒီလဲ့ ပျန့်ပျန့်ပလူးပရောဟိတ်မိသားစုကုဟို့။

⁶ အာကားဒီ့ လွိုက်နား မှန်ကန်ယွမ့်တွို့ ဗွယ်ဖရာစည်းကမ်းဖုန်း ဒေါင် ဥပဒေလငါ့ဖုန်းအွယ့်မဲ့ ဗွယ်ဖရားမေငါ့ကုအွယ့် ပျန့်ကားတို ပလူးခိုးဖုန်း။

⁷ အာကာ့ဒီ ဖုအိုကားဟ။ အားကား အန်းတငြီ့လူးအွယ့် ဆက်ဒူလွန်ကာလိမဲ့ ဧလိရှဗက်ဒီ အိုဒေါင့်ဒါဒွမ်း။

⁸ အငြီးကု ပရောဟိတ် ဇာခရိဒီ့ မငြီးဘာမိုး တာဝန်ကျွမ်ငြီးအွယ်ဘား ခလှည့်တွိုလေးထွို့မဲ့အာလေးလေ ဗိမာန်တော်ကု။

⁹ နောင်ထုံစမ်အတွိုင် ဖီလိပူးဇော်နံစား ဗွယ်ဖရာဗိမာန်တော်ကုတာ ဘုမဲထွို့လွိုက်ရွေးလိုကာဇာခရိ။

¹⁰ ဇာခရိ အိုပူဇော်နံစာတွင်ပလူးဖုန်းအွယ့် အိုထွိုင်းထွို့ ဆုတောင်လိုကားတာ ခုနောင့်ဒိုင့်။

¹¹ ထွို့မဲ့ ဗွယ်ဖရာကကြွလင်းဒါးလွှော်အွယ့် ပြနေ့ထန်း ဇာခရိ အာနန်။လွှော်အွယ့် အိုထွိုင်တာ ပလားကပူးဇော်ဒါ နံစာဟွမ်းဖုန်း ပလ္လင်ပန်ချိုဒိုင့်။

¹² ဇာခရိဒီ့ အာထွိုင်သျှီလွှော်ထွို့ အာသဝစကမ်လွမ်ထွို့ စွိုပါနေတွို့။

¹³ ဒေါင့်မား လွှော်အွယ့် "ကျန်စကမ်မာ၊ဇာခရိ။ ဖရာအိုဟွမ့်တိုနားတဆူတောင်အွယ့်စားမဲ့ နားမာ့ 'ဧလိရှဗက်' ဒီ အီအန်လွူဖီ နားတာ ဖုခုရတနာအပလား။ နားအီဖီနျန်းဘာ အနျန်း 'ယောဟန်'။

¹⁴ ဖုခုအွယ့်ပလား မေအန်းလွူခိန်း ဗွမ့်နောင် နားက့ ဟွမ်ခို ဟွမ်ပျော် ပလူးဖုန်းလဲ့ အီဟွမ့်ခိုဟွမ့်ပျော်လိုကာဗာ။

¹⁵ ယောဟန်ဒီ့ ဗွယ်ဖရာမေငါ့ကု အီပျန့်ပလူးဒါ ပလူးမြတ်အပလား။ အာဒီ့ ဝိုင်ဖုန်းသိဖုန်းလဲ့ လီအို့အွိူးဆက်ဟာ အလိုင်းလိုင်းဟာ။ ထျက့်အာခအန်လွူကောင်းခါ့ကား အာလောင်ဒီ ဉာဏ်ရောင်တော်ဖုန်း အီအိုဝေ့ထွို့တို။

¹⁶ အာဒီ အီမိုးဖီး ပလူးအစ္စရေးဖုန်း ဖီးကလနောင်တထွို့ လှည့်ကျိန်းချားဒါ့ ကပျန့်ဒါ အာကာဖရာ ဗွယ်ဆောင့်။

¹⁷ ဗွမ့်နောင် ပရောဖက်ဧလိယ ယောဟန်ဒွို အခွင်အာဏာနောင် တန်းခိုဖုန်းအီအိုထွို့ အီပျန့်ယေရှုကလေ့မေငါ့စာ။ အာဒီ အီပလောင်ဖီး မွိုဖဖုန်း ဒေါင် ဖုဖုန်းသသာထွို့ အာအီစွမ့်ဖီးတို ပလူး လီနားခံဒါဟတာစာဖုန်း။ ယေရှုမေလင်းခါ့ ပလူးဖုန်း အီအိုရျန်းစေးကန်းထွို့နန်" ဒေါင့်နိန်းအွယ့်ကြား။

¹⁸ ထွို့မဲ့ ဇာခရိဒီ့ "တမျိုနိန်းအွယ့် အီးပျန့်ထန်ဒွို က့အီသိကြိုင်ဒါနိန်းမာ။က့တမာဝါးအန်တငြီ့ဒွို အိုပလာကာလွမ်လိ" ဒေါင့်ချာဒါ့လွှော်။

¹⁹ လွှော်အွယ့်လဲ့ " ငါးဒွို ပျန့်တိုဖရာတမိုးစာ 'ဂါဗြေလ'။ ဗွယ်ဖရာ အန်ကြွလင်းငါး ဖီကဒေါင့်နေ့ မင်္ဂလာစတင်းခို ဒွိုးဘာ နားဆောင့်။

²⁰ အွယ့်စားမဲ့ အခိန်းမေတွို့ခါ့ အီးပျန့်ထန်ဘာနောင် ငါးတဒေါင့်ဒွို့ နားလိယွမ်ဟမဲ့၊ တွိုတွို့မငြီးတာဒွိုးဘာပျန့်ထန် နားဒွိုဒေါင့်ငို ဒါဟထွို့ အီအိုအ့"ပြန်ဖြေချာဒါ့အာ။

²¹ ဇာခရိဒေါင်လွှော်ဖုန်း အိုဒေါင့်စူ့လိုကာ ဗိမာန်တော်ကုတွမ် ပလူးဖုန်း အိုပွိုင်းလိုကာဇာခရိ ခူနောင့်ဒိုင့်။အာကာဟွမ့်ဆန်လိုကာ ဇာခရိ ဘာဟနာ အိုကြာငြီးတာ ဗိမာန်တော်ကု။

²² ဒေါင့်မာလဲ့ ဇာခရိထန်ခူနောင်ခိန်းအွယ့် အာဒေါင့်စူဒါဟဒွမ်းနောင်အာကာအွယ့်စားမဲ့ ပလူးဖုန်း သိနားလိုကာ အာအိုဗိမာန်တော်ကူခိန်း အာသျှီဘာ နိမိတ်လက္ခဏာအဘာထွို့ အာအွယ့်လဲ့ ဒေါင့်ဒါးဟငိုထွို့ မိုးနေဘို့ နောင်ကျွော်နောင်ခင်။

²³ ဇာခရိမိုးဖီထွို့တမိုနောင်း ပရောဟိတ်အပလားမိုးဘာတမိုး ဗိမာန်တော်ကုထွို့ အာကျိန်းအာယွမ်။

²⁴ ကွဲငြီးငြီးလေထွို့ ဇာခရိမာ့ ဧလိရှဗက်အွယ့် အိုဒွိုင့်ထန်။ ဧလိရှဗက်အွယ့် လေးဟပလူးအမျာခါး တွိုတွို့ အန်ငေလ။

²⁵ ထွို့မဲ့ "ဗွယ်ဖရာဒွို ခွင်ဖီလိငါးအိုဒေါင့်တာ။နောင်အာအလိုအတွိုင် မိုးသမာဖီလိထွို့ ပလူးအများဖုန်း တအန်းစွမ်တထင်ပီးနောင် တနည်ဒွိုး" အာဒေါင့်ချာတိုးနိန်းအွယ့်။

²⁶ ဧလိရှဗက် အိုဒွိုင့်တာ အီလအန်​စွော့်လခိန်း ဗွယ်ဖရာ ကြွလင်းဂါ​ဗြေလ အွိုက် ဂါလိလဲဒေသ နာဇရက်ဝိန်းကု။

²⁷ အွယ်မဲ့ ဗွယ်ဖရာလွှော် ဂါဗြေလ လင်ဒေါင့်ငို မာရိဆောင့်။ မာရိဒွို ပျန့်တမွော်အပလားဒေါင့်ဖီစေးကန်းထွို့နောင် အိုခွမ့်ဒါဝိဒ်ခွိုလင်း ယောသပ်။

²⁸ လွှော်စွို့ မာရိထွို့ "ဗွယ်ဖရာ ကအိုကိုဒါနားဆောင့်နုဲင့် နေ့ထိုင်လွို့ဒါ့လိထွို့ အာဂရုဏာဒူအိုနားလောင်" ဒေါင့်နိန်းအွယ့်။

²⁹ ဒေါင့်မာလဲ့ မာရိထွိုင်းဟွမ့်ငိုစွို့ထွို့ အာသရှုပ်ချက်ထန်တွို့ ထွို့ လွှော်ဘာသဒေါင့်ဟနာ အာအိုဟွမ့်ဆန်။

³⁰ ထွိုမဲ့ လွှော်အွယ့် "ကျန်စကန်မာ မာရိ။ ဗွယ်ဖရာဒွို ဖီလွို့လိနားမေ့ငါ။

³¹ နားနုဲင့် အိုဒွိုင့်ထွို့ အီပွာဘာဖူခူအပါးထွို့ ဖီနျန်းဘာအာနျန်း ယေရှု။

³² အာအွယ့် အီပျန့် ပလူးမြတ်ထွို့ ပလားအီဟောင့်ကာအာ အမြတ်စွက် ဗွယ်ဖရာဖုခု။ ဗွယ်ဖရာ အီဖီအာ အာဖာ့ပလာခွမ်ခမ်းဒါဝိဒ် ပလင်။(သာသနာပလ္လင်)

³³ အာအွယ့် အီအုပ်စိုငါ့ ပလူးယာကုပ်ခွိုနွယ်ကားကအိုထွို့ အာခွမ့်ဆွက်လဲ့ အမျိုအီကျွော်ဒါလဲ့ မေဒွမ်း"ဒေါင့်နိန်းအွယ့်။

³⁴ အွယ့်ခါ့အွယ့်"ငါးဒွို့ မေပျန့်တို သမွော်အပလား တာနိန်းအွယ့်အီပျန့်ဒါနိန်းမာ" မာရိဒေါင့်လွှော်နိန်းအွယ့်။

³⁵ ထွို့လွှော်အွယ့် "ဉာဏ်ရောင်တော်ဒွို အီလင်းလင်နားဆောင့် ထွို့ ဖရာတန်းခိုလဲ့ အီအိုပါအွို့ နားလောင်။အွယ့်ခိန်းအွယ့် ပသားနားအီအန်လွူလင်းဒွို့ အီးပလင့်ပလီးမြတ်ထွို့ ပလားအီဟောင့်ကာ ဗွယ်ဖရာဖုခု။

³⁶ ကပျန့်ဒါနားပွော်ဝေ 'ဧလိရှဗက်' ဒီ့ အိုပလာလိထွို့ ပလားထင်လိုကား လီအနးလွူဒါဒွမ်းဖုလဲ့ အာအိုဒွိုင့်တာ အီလလိအန်စွေ့ာ်လ။

³⁷ ဗွယ်ဖရာဒွို့ အာမိုးဒါလူးတာကားကအို" ပြန်ဒေါင့်ချားအာ နိန်းအွယ့်။

³⁸ ထွို့မဲ့ မာရိဒီ့ "ငါးဒွို ပျန့်ဗွယ်ဖရာစွမ်း အပလား။နောင်နားဒေါင့်ငို ဖီငါးပျန့်ဘာမှန်မှန်နောင်ဗွယ်ဖရာအလို" ဒေါင့်ချာလွှော်နိန်းအွယ့်။

³⁹ ထွို့မဲ့မာရိပျင်အာနမ်ထွို့ နျက်လေးလေ ဇာခရိကအိုဒါ ယုဒဝိန်း ခေါင်လောင်ကူ့။

⁴⁰ အာအွယ့် ထွိုင်နွူးကျိန်း ဇာခရိယွမ်ကူထွို့ အာကျိန်စွို့ ဇာခရိမာ့ဧလိရှဗက်။

⁴¹ ဧလိရှဗက်ထွိုင်ဟွမ့်စွို့ထွို့ မာရိငိုစွို့ထွို့ ပသာကအိုဒါ အာဖွော့်ကု ပလားလဲ့ စွိုထန်ထွို့မဲ့ ဧလိရှဗက်လဲံ့ နောင်ဉာဏ်ရောင်တော်မဲ့ ဟွမ့်ခိုနိတ်စက်ထွို့ အန်ဖရာထန် ဗွယ်ဖရာ။

⁴² ဧလိရှဗက်အွယ့် "ဗွယ်ဖရားဒီ ဖီနားတခိုတချမ်စား လွိုထိုင် ပမွော်လငါ့ကားကအိုထွို့ ပသာနားအီအန်လွူအွယ့်ပလားလဲ့ အီလ တခိုတချမ်စာ။

⁴³ ငါးဗွယ်မွို လေတွို့ ငါးဆောင့်ကေကျူဒွို့ ကွက်တာဟနာ ငါးလ။

⁴⁴ ငါးထွိုင်ဟွမ့်ထွို့ နားငိုစွို့ ထွို့ ပသာအို ငါးဖွော်ကုပလား ပျော်ထွို့ စွိုထန်။

⁴⁵ ''နားယွမ်အန် ဗွယ်ဖရာဗျာဒိတ်ငိုဒွို အီပျန့်ထန်ယွမ်အွယ့်ကြားမဲ့ မင်္ဂလာအိုယွမ်တွို့" ဒေါင့်စင်း မာရိနိန်းအွယ့်။

⁴⁶ ထွို့မဲ့ မာရိအွယ့်လဲ့ "ငါးအန်ဖရာတို ဗွယ်ဖရာဂုဏ်တော်။

⁴⁷ ငါးသဝိညာဉ်ဒွို့ ပျော်စွင့်အားရာဘာကွက် ဗွယ်ဖရာ။

⁴⁸ ငါးဒွို ပျန့်ဘို့ကိုယ်တော်စွမ်းအရန်းဖွို့ ဒေါင့်မာလဲ့တေဒွိုးမာမေငါ့ ပလူးဖုန်းကားကအိုကျွမ်ဆက်ဆက်ဒွို အီဒေါင့်ကာငါး ပလူးခံဘာ တခိုမင်္ဂလာ။

⁴⁹ တန်းခိုတော်ကမြတ်ဒါ ဗွယ်ဖရာဒွို မိုးဖီတခိုဖုန်းထွို့တွိုလေးလိ ငါးလောင်။

⁵⁰ ဗွယ်ဖရာဒွို အာနေတင်းရှာတစေစေ ဂရုဏာမြတ်တာဒူး ပလူးကရိုသေကိုးကွယ်ဒါအာ ခွိုအဆက်ဆက်စာ။

⁵¹ ဗွယ်ဖရာဒွို ပလူးမာန်မာနထွိုင်စာကားကအို မိုးတချွန်ပလင့်ပလီးဒေါင်အာတန်းခို။

⁵² ဗွယ်ဖရာဒွို ထွိုးလင်းကေ့ ပလူးအုပ်စိုစာဖုန်အွိုက်အာကားပလင်လောင်ထွို့ ပလူးခံအောက်ဒါပလားစာကားကအိုအွယ့် အမ်းဒင်ဖီး အွိုက်ခမ်လန် အရေပါကူ့။

⁵³ ဗွယ်ဖရာဒွို အာအီဖီတညင်တခို ပလူးအိုဝီတာစာဖုန်းထွို့ သူဌေသူကြွယ်ဖုန်းအွယ့် အာအီဖီကြွကျိန်းချာဒါဘို့။

⁵⁴ ဗွယ်ဖရာဒီ့ကယ်ဆယ်လိထွို ပလူးအစ္စရေးမျိုးကသိနန်ဒါး အာဂရုဏာဒူးထွိုမိုးဖရာတမိုးစာဖုန်း။

⁵⁵ ဗွယ်ဖရာဒွို ခံငိုသစ္စာအတွိုင် အိုဟွိုင့်တစေစေတို ကပျန့်ဒါ ငါးမွိုးပလာ ဖပလာ၊ အာဗြဟံခွိုအဆက်ဆက် ဖုန်းလောင်" ပူဇော်အန်ဖရာလေဗွယ်ဖရာဂုဏ်တော်နိန်းအွယ့်။

⁵⁶ မာရိ အွယ့် အိုကိုဒေါင်ဧလိရှဗက် ကြာအန်တွမ်လအာ့ထွိုမဲ့ အာကျိန်းချာဒါ အာယွမ်။

⁵⁷ ထွို့မဲ့ ဧလိရှဗက်အွယ့် ပသာပီပွာလင်းခိန်း တွိုလင်းအွယ့်ကြားမဲ့ ၊အာပွာလင်းဖုခုအပလား။

⁵⁸ ဧလိရှဗက်လောင် ဗွယ်ဖရာမေတ္တာဒူတျားမာ ပလူးအာယွမ်ဆောင့်ယွမ်တီးစာ နောင် အာပွော်အဝေဖုန်းလဲ အိုဟွမ့်အိုသိစေကမ်းလိုကာမဲ့ ဟွမ့်ခို နေဆက်ဘာနောင်း အဗွယ်နန်။

⁵⁹ ပသာပီးအန်လွူထွို့ လအန်စူးငြီးကု အီမိုးဖီ တာအိုလူမိုးခရာ ဝတ္တရာနောင်း ဒွူးယားမင်္ဂလာတာ ပလူးဖုန်းတွိုလေကာခိန်း အာကာအွယ့် သျွှော်အာဖာ့ဇာခရိနျန်းထွို့ဘာတဖီးနျန်းလိုကာ ပသာအွယ့်ပလားနျန်း ဇာခရိ။

⁶⁰ ဒေါင့်မာလဲ့ ပသာမွိုအွယ့် "ဟောင့်ဘာအာနျန်း ယောဟန်တို" အာဒေါင့်နိန်းအွယ့်။

⁶¹ "နားခွိုမျိုကူ့နုဲင့် နျန်းနိန်းဒွိုးလီအိုဟာ" ပလူးကားကအို ဒေါင့်အာ နိန်းအွယ့်။

⁶² ကွက်အွယ့်မဲ့ အာကာနေ့နောင်ကျွော်​နောင်ခင်းထွို့ တစီလိုကား ပသာပီဖာ့ ဇာခရိဘာသာဖီနျန်းနျန်းနိန်းမာ။

⁶³ ဇာခရိအွယ့် ကွူ့စမ်ဖုန်အဘာထွို့ အာဖုနျန်းဒွို ပျန့်တိုယောဟန် အတျန်လင်နိန်းအွယ့်။ အွယ့်ထွို ပလူးကသျှီစာကားကအိုအွယ့် ဟွမ်ဆန်ကာ။

⁶⁴ 'ဇာခရိ'အွယ့် ဒေါင့်ဒါထန်တွို့ငို အလိုင်းချင်ထွို့ တေအန်ဖရာပူဇော်လေ ဗွယ်ဖရာဂုဏ်တော်။

⁶⁵ ယွမ်ဆောင့်ယွမ်တီးစာနောင် ပွော်ဝေဖုန်းကားကအိုအွယ့် ထွိုင်းသျှီတာကပျန့်အွယ့်ဟိုထွို့ စကမ်တဝါ့လိုကာ။ပလူးကားကအိုဒါ ယုဒကန် ခေါင့်လောင်ကျွမ်တောင်တောင်ကုအွယ့် ဒေါင့်လိုကား စတင်းအွယ့်ဘာ။

⁶⁶ ပလူးကသိဟွမ့်ဒါးစတင်းအွယ့်ဘာကားကအိုအွယ့် "ပသာပီအွယ့်ပလား မေဒူထန်ခါ့ အီပျန့်နိန်းမာ" ဒေါင့်လိုကာနောင်သဘာသိနိန်းအွယ့်။

⁶⁷ ထွို့မဲ့ ပလင့်ပလီစင်ကလယ် ဉာဏ်ရောင်တော်မြတ်အွယ့် တွိုလင် အာဖာ့ဇာခရိလောင်ထွို့ အာဟိုလင်နောင်းအွိုက်ခလားဒွိုး။

⁶⁸ အန်းဖရာတို ဗွယ်ဖရာဂုဏ်တော်။ ပလူးအစ္စရေးမျိုကားကအိုစာဖရာဒွို ကြွာ့လင်းဘာ အီကယ် ပလူးကားကအိုတာ။

⁶⁹ အာဒွို ဖီလိထွို့ တန်းခိုအာဏာကဒူဒါ ဗွယ်ကယ်ဆယ်စာ ကအိုဒါ အာစွမ်းခွမ့်ဒါဝိဒ်ကုလင်း က့ကျွမ်းပလားလားတာ။

⁷⁰ အွိုက်အကီကီခါ့ ဗွယ်ဖရာကမိန့်စေးကန်းဒါ အရိယာသူတော်ကောင်မြတ်ဖုန်းအတွိုင်

⁷¹ တန်းခိုကဒူဒါ ဗွယ်ကယ်ဆယ်စာဒွို အီကယ်ဖီက့ ရန်ဆူကားကအိုကုကာဟ အီကယ်ဖီ ပါပလူးလွှသျှီကစာအန္တရာယ်ကု။

⁷² ဗွယ်ဖရာဒီ့ နေ့ကမွိုပလာဖပလာနောင် ဂရုဏာဒူထွို့ အာအီဖီတည်တို အာခံငိုသစ္စာ။

⁷³ ဗွယ်ဖရာဒွို ဗွမ့်နောင်း အာကခံစေကန်းဒါးငိုသစ္စာ ကမွိုပလာဖပလာ အာဗြဟံဆောင့်အတွိုင်

⁷⁴ အီကယ်ထန်က့ ရန်ဆူအန္တရာယ်ကျွော့်ကုထွို့ က့ဆက်အိုမွမ်ကျူအဘောင်ကုဒွို က့အီမိုးကာဒါ့ ဖရာတမိုးနောင်တစကမ်ကင်ကင်။

⁷⁵ ဗွမ့်နောင်အွယ့် က့ဒွိုလဲ့ အိုနောင် တစင်ကလယ် တမျက် အာမေ့ငါ့ကုထွို့ ဖဝကာအိုကေ့ တွိုတွို့ ဆက်ကလူး။

⁷⁶ အီဟောင့်လိုကာငါးဖု အစွိုင်းစွက် ဗွယ်ဖရာအရိယာဆူတော်ကောင်ထွို့ အီပျန့်ပလူးပျင်စေးကန်းဖီဘာဗွယ်ကလေ့။

⁷⁷ အာအီဒေါင့်နေဖီ ပလူးဖုန်း ဗွယ်ဖရာဒွို မေခွင်လွက်ဖီပလူးအပျက်ဖုန်းထွို့ အီဖီတို တကယ်ဆယ်ခွင်။

⁷⁸ ဗွမ့်နောင်း မွိုင်အိုခါ့လက်တာမုလောင် က့ဗွယ်ဖရာမေတ္တာ၊ ဂရုဏာဒူဖုန်းဒွို အီခါ့လင်းက့လောင်ထွို့

⁷⁹ တရောင်ခါ့လက်အွယ့်ဘား အီးနေ့ကလေ့ တုန်လေဖီပလူးကကြုံးဘာ တစီ့တရာစာဖုန်း ဖီးကလွတ်တလီခိုဟကုထွို့ တွိုဘဝငင်ကု"နိန်းအွယ့်ဟနေ။

⁸⁰ ဒွို့ခါ့ယောဟန်အရွယ်လထန်ထွို့ ဉာဏ်ရောင်တော်အွယ့် အိုကိုနောင်အာလောင်ထွို့ အာအွယ့်အိုကျဲင်လဲဗို့ နွေိုင့်ကန္တာရကု တွို့တွို့ မငြီ့ ဗွယ်ဖရာဘာသအန်ချန်အာတွိုလေးအစ္စရေးစာဆောင့်။