Efeso 2 - Ecorit Aŋejuk 1969

Itusu Hollum Hohoi

¹ Ati itusu inyi itai hunya iyeti’to te eyyata hatai.

² Idahati nya itai te emohiti huno afau ana. Ijifatyete nya itai hobu olo adwaran olo oyyami, inyi ajok al igyama itajya wati hul omesye’to.

³ Emanya nya hohoi daŋ ijifatyere ewahiti huno ahwattek hohoi bwo fe ihaniere ewahiti hun orrohoji’to, huno ahwattek iko huno egigilita hohoi. Bwo fe era hohoi awati hul esiru jyo ajore Hollum ihwa hul omuk.

^4-5 Ati itusu inyi hohoi ta amehino honyi an agalik’to iko namuno honyi on obolo’to on omunori inyi hohoi. Dwadi bu eye nya hohoi te eyyata esu hohoi arabotye iko Kristo, nyo italahuni hohoi ta namehino honyi.

⁶ Bwo fe itubuhu inyi hohoi iko Yesu Kristo ette ititoŋonia hohoi idou ikonyi.

⁷ Ihanio inyi ihwania itahutaniere amehiho honyi an agalik’to iko ayiji honyi jihohoi to Yesu Kristo.

⁸ Nyo ara ta namehino honyi an italahunierek itai ta neruk, obyaŋara ta ahwattek hatai ati ara nesyoryo ono Hollum.

⁹ Obeŋ bu inyi ara te egyamita wati, tania ittallik obo atulo itadara.

¹⁰ Nyo era hohoi eyyeti honyi hunya oyyeuni to Yesu Kristo ihaniere egyamita hun oyiji. Tania oŋida hohoi edaha te ekota hun oyiji hun onyimok Hollum tohohoi.

Enoso Wati Daŋ to Kristo

¹¹ Tania hegwoti jo irata nya itai apaganohyen ta ahwattek hatai. Iloŋoi nya aŋotok itai awati hul obeŋi’to oŋotoi, ati ara aŋoco ono ahwan ijai.

¹² Ati hegwoti jo imanyati nya itai beryen ta abyaŋan iruk jyo Kristo, bwo fe irata nya itai amyorok wati Israele iko ecoriti huno Hollum. Obeŋ eyihina ono Hollum jihatai bwo fe idahati nya itai ifau ahatimok Hollum.

¹³ Ati ihwania itai hunya ilamajata’to jyo Hollum itanyihak Yesu Kristo itai ta naye honyi.

¹⁴ Nyo inyi ta ahwan honyi ara inyi nelik tajya hohoi. Inosok inyi Yudea iko paganohyen arabotye, nyo itattur inyi aliwa tehiji hohoi an ara’to ihwa olohitir.

¹⁵ Ta ahwan honyi itapwak inyi efahita huno Yudea hun iyaunie’to aliwa. Tania ihuhumak inyi hohoi arrihai atulo abotye aŋejuk ette iyaŋuno nelik tajya.

¹⁶ Ihwania inosok inyi isi ahwan abotye itimwaraniere isi iko Hollum ta akruce honyi an itattur’to aliwa.

¹⁷ Tania ottu nya inyi iyaŋuniere asayyo huno nelik tajya jihatai hul ilamajata’to bwo fe jihohoi hul elyaha’to.

¹⁸ Nyo tenyi eremik hohoi jiŋana jyo Monye ta Oloyiri abotye.

¹⁹ Tania ibyaŋata tai irata alufajak iko atamonok ati irata tai illarak arabotye iko aati Hollum.

²⁰ Nyo oduhok inyi itai jyo awoyo lohitir an ara’to eyak sayyo iko lefahat bwo ara Yesu Kristo ta ahwan honyi etteri lohitir.

²¹ Inosok inyi aji daŋ on oyyu bwo fe oboboloro inyi many ara inyi aji on olibo jyo Hobu.

²² Bwo fe itai ta ahwattek hatai irata tai aji ania on oduhoni an amanyari Hollum to Oloyiri honyi.