Balelo 1 - BONKANDA WA NZAKOMBA

Nkeseli ya Yelusalema

¹ Bonanga bokamaki lʼanto to, bokitʼase lʼolalengo oyei! Ko boyalema ngolʼomoto oweiʼome mo! Endʼoki bonene ele ba-bise, la roi eʼomoto nda beoci, Aoyalema bokwala!

² Endʼalelaka lʼotso lilelo mongo, ko mpisali ile ndʼatamaʼakande; Nko lʼomoko owa ndango ikae ondosalanganya: Beseka bekae beuma beolokeela baoyi bʼosulu, Beoyalema bainiʼakande.

³ Yuda aocwa jombo la ncina ea elo, la ncina ea bosala wʼonene; Aoyala nda ntoku ea beoci, atomaka jomo nye: Banyokoliʼakae bauma baoloata nda nkaka.

⁴ Mboka ea Siona iyolele, ncina efʼonto oye ndʼetakano ea boeko. Biiso bekae beuma bele lʼolalengo, nkanga ikae bayomekʼameko: Bamatoʼakae bʼanolu benʼelo, ko ende mongo ale nda loyo.

⁵ Basukiʼakae baoewʼoyalema botsa, bainiʼakae baoonga; Eki Yawe oeneyakʼende elo ndʼewela ea beseketano bekae beuke; Banaʼakae bʼanolu baocwa nda jombo nda joso ja bosuki.

⁶ Jilangi likae liuma jolimana limʼele bona owʼomoto owa Siona: Chefs ikae baoyalema ngole mbuli ifotane toma, Ko baolota lʼosamba wa mpamba nda joso likande ondakima.

⁷ Yelusalema ayofwa ndʼembile bendenʼende elo la loyo Baoyi bakiʼnde bʼgsengo baki lima bembile beki kalakala: Aki bantʼakae okweka nda likata ja bosuki, ko nkʼondokambyaki. Basuki boenaki, bolengolaki nda bimelengano bikae.

⁸ Yelusalema aokelʼobe wa ndekola mongo; la ncinʼeko aoyalema ngole yomba ya linyamo; Iyʼandofikaki bauma baolotengwela, ekiʼyʼenaka botakaʼokae: Onde, aolimela, ko aokengola elongi.

⁹ Linyamo likae liki nda ntumbu ikande; ende ntakanelaki nsukela ekae ea ko. Ndʼewela eko aokitela lʼooma: afoatʼondolombwelʼende lokeseli: O Yawe, bala elo endenʼemi: ele wini aoyalekozʼomongo.

¹⁰ Bosuki aosembola likata likae ndʼelemo bekande biʼesengo biuma: Elʼende aolena wete beoci beolotswa nda ntena ekae eʼoeko, Beki wʼosisaka wae betotswake ndʼetakano eke.

¹¹ Bantoʼakae bauma bameka, bayase mampa: Baolekya belemo bekiyo bia wiko ndʼewela ea toma ta ndala wae baetole loiko lokiyo: O Yawe, lenda, ko bala: elʼemi nsotengwama.

¹² Inyʼauma baleka, la lofilʼeloko nde? Loala, ko lena nkina lokeseli lomo losongi la lokeseli lokami, lokeselʼemi, Loki Yawe onjeneyakʼelo nda mbile ea nkele ekae ea ngangala.

¹³ Ende aotoma tsa limʼaliko, ko toko tolekola nda biese bekami. Aotandela bakakʼakami botai, aonkengola, aondutsa. Aondalengya la bolalengo la likato mbile mbile.

¹⁴ Joug ea beseketano bekami eotungama nda likata likae: Beko beotongana, beokita nda nkingo ekami; aotekya mpamba ekami: Nkolo aondekya ndʼakataʼakiyo, ko mpemaleya nda joso likiyo.

¹⁵ Nkolo aolila bantoʼakami ba mpamba bauma bale ndʼetei ekami o mpampa. Aonkengela nteke ea booma onyeka basekotaʼakami: Nkolo aomatela bona owʼonolu owʼomoto owa Yuda nga ndʼamelo ea vina;

¹⁶ Emʼonʼolela mpisali ndʼewela ea baoyiʼane: liso likami jokeelʼasi: La ncina wae bolomboli osʼolombolʼolimoʼokami lokeseli alʼesi lʼemi: Banaʼakami baolalenga bolalengo eki wini olongakʼelonga.

¹⁷ Siona atandaka bakataʼakae: nkʼondolombola lokeseli; Yawe aosisela Yakoba, wae iyʼandengamʼende bayale basukiʼakae: Yelusalema ale nda ntoku ekiyo ngʼolemo wa linyamo.

¹⁸ Yawe ale liongi; elʼemi njotendolʼosiseʼokande: Inyʼanto bauma, mbondʼinyo, lokoza ko loala lokeseli lokami: Bamatoʼakami bʼanolu lʼasekotaʼakami baocwa jombo.

¹⁹ Ndetaki ndango ikami, lolo bampombaki lʼofombo: Nkanga ikami la bingambi bikami bawaki ndʼonanga, Nkʼandasʼiyo toma ta ndala oetola loiko lokiyo.

²⁰ O Yawe, bala, elʼemi njenʼelo: besofoʼekami beonyangimwa, Botemaʼokami bokalimwa ndʼetei ekami: elʼemi njotendola botendo mongo. Ifaka yʼetumba iweyaki banto ndʼesi, ko iwa ilʼeko ndʼola.

²¹ Iyo baoloka wete ndimela; nkʼondombolʼemi lokeseli: Bainiʼakami bauma baolokʼosako wʼelo endenʼemi: baosalangana eki wʼokelaka ngoko; We Wifieza mbilʼeki wʼosangaka, ko iyo bifoyala rikʼelengʼelʼemi.

²² Kela bobeʼokiyo bouma boye nda joso like: Ko wʼakeelʼiyo ngoki wʼonkeelakʼemi ndʼewela ea beseketanoʼekami beuma: Ele bamekoʼakami bale bauke, ko botemaʼokami bokatswa.