Titus 1 - Niu Testament 1956 (Manus PNG)

Heb nongen hanu.

¹ Io Paulus, hom lao dandendegei ad Jehova, io Apostel ad Jesu Kristo, Ndorlaben gin loh io, i ha lengi io osbani su lao ad Jehova, io ghenunuen su le nongen monen ber lang, su gboro ndoui ad Ndorlaben, boen dansu dogi le sal hian monen ge.

^2-3 I ha lengi io ghenunuen su: I ge, i Ndorlaben ndangen, de bahilou bui, be su boro longu ogo, su mamaren ge sidesi le gor lundielang, su ha belengeni ri, aga Jehova ha leng hengen le ndro su, dege i gin bai goru. I gin boharni nongen aden le rang momen, i gin daui nongen aden le bohodu, iou bohernou le ndro su le ngarn ad Jehova, i da bolumiadu.

⁴ Io beani nongen hian le ndro Titus, aga nduro ndangen, hanguruen surien le mburer asu ge. 12. Hom i gin boro ndoui ber lang dege io lie. Golnisden ad Ndorlaben i da ge ndro uo, dagara mandri ad Jehova, i Damen adu, ma ad Jesu Kristo, i da bolumiadu.

Bern asu, su da bogulue lodu.

⁵ Goru io gin bieni gor Kreta, io ha lengi uo gsou, uo ghinen longu masi gmonen, uo eloh su holel ber gor si e si, su gobgulue su lao ad Jehova.

⁶ Uo eloh su ge gle mburer ogo, su ha dogi monen, homo de danen boii su bui, nambulen asu homo ge, ndursu su lao ad Jesu lie. Debosan homo i boii su le longu hendre e hendre i de heb monen bui.

⁷ Homo ma homo i da ibdi mburer ber lodu, su gin ibdi mburer ad Jehova, ngarsu i hian ge, bergolsu de ndoun doun bui, mbue gus i da le ndrnesu, mbue su gilmui ndrunvain dsoln, mbue su bo iil, mbue su gob mburer momen.

⁸ I da ibdi mburer ad Jehova, i ha somui su ber gor manan gle um aden, i ghanguruen longu hian ge, i ghanguruen monen le ndro su, i ha noh Jehova, voaniso aden, i de hangungerou longu hendre e hendre momen bui, i ga bandri le longu ber sengen.

⁹ I gboro nongen ad Jehova monen ge dege su gin henunuen i ri, boen i danen henunuen su lie, i ghenunuen su longu masi monen ge, su da gob iil, bohosu simge, be su hirong nongen aden.

¹⁰ Su ndramed mabosanged su da heb monen bui, su ndremda nongen ge, nongen asu molhege, su ndremda bahilou, su ndremda behena su da le molengasu Juda, su da gin boro ndoui ad Jesu Kristo goru.

^11-12 Bohosu na ge simge su gin bo momen le ndro um hom e um hom le bohosu, su gin henunuen su longu hendre e hendre i heb monen bui, su gin Provet asu i da le molengasu gin vong goru: Su ber Kreta su bahilou sidegesi su momen ge, su dege su mui, su melmal ge, hanguruen gan ansu ge.

^13-14 Nongen aden i ndangen. Ha vong ndoun le ndro su, muren su gmenda gle ndoui ad Ndorlaben monen ge, mbue su hanguruen longu molhege asu Juda, nongen molhe asu ndramed, su da gin bieni nongen ber lang.

¹⁵ Homo i da rosan, longu masi i rosan le ndro i. Su da bo longu momen, su de gin boro ndoui ber lang bugane, heb longu rosan i da ndro su bui, meluasu, ma hanguruen asu gina segdan.

¹⁶ Su ha vong, dansu Jehova hian, su hangaini Jehova le longu asu momen masi, Jehova i mbueren asu, delengasu le nongen aden bui, de dansu bo mburer hian bugane.