Mateus 1 - Niu Testament 1956 (Manus PNG)

Damsu ad Jesu

¹ Aga damsu ad Jesu Kristo, i ndur David, i ndur Abraham,

² Abraham i damen Isaak; Isaak i damen Jakob; Jakob i damen Juda ma su ndern;

³ Juda i damen Peres e Sera, nanen asor i Tamar; Peres i damen Hesron; Hesron i damen Ram;

⁴ Ram i damen Aminadab; Aminadab i damen Nason; Nason i damen Salmon;

⁵ Salmon i damen Boas, nanen i Rahab; Boas i damen Obed, nanen aden Ruth; Obed i damen Isai;

⁶ Isai i damen David, aga King asu; David i damen Salomo, nanen i nambuln ad Uria;

⁷ Salomo i damen Rehabeam; Rehabeam i damen Abia; Abia i damen Asa; Asa i damen Josavat;

⁸ Josavat i damen Joram; Joram i damen Usia;

⁹ Usia i damen Jotam; Jotam i damen Ahas; Ahas i damen Hiskia;

¹⁰ Hiskia i damen Manase; Manese i damen Amos; Amos i damen Josia;

¹¹ Josia i damen Jegonia, ma su ndern, le rang, be su Israel masi su gina le gor Babilon le kalabus asu.

¹² Kalabus asu boen, Jegonia i damen Sealtiel; Sealtiel i damen Serubabel;

¹³ Serubabel i damen Abihud; Abihud i damen Eliakim; Eliakim i damen Asor;

¹⁴ Asor i damen Sadok; Sadok i damen Agim; Agim i damen Eliud;

¹⁵ Eliud i damen Eleasar; Eleasar i damen Matan; Matan i damen Jakob;

¹⁶ Jakob i damen Josev; Josev i nambulen ad Maria, i da gini ndurn Jesu, ngarn Kristo.

¹⁷ Du hanguruen malabo dagara: Le rang ad Abraham mabenan le rang ad David, aga su damu masongul e hamou; le rang ad David, mabenan le rang su Juda masi gina le gor Babilonia, le kalabus asu, aga su damsu masongul e hamou. Su damsu mabenan le rang, Kristo gin meher, aga su masongul e hamou lie.

Jesu i meher le boan.

¹⁸ Kristo i gin me boan dagara: Josev beg ibdi Maria, hom ndurbihin gle nambulen. Maria de gina le um ad nambulen masou, Meluan Helian gin meher ndro Maria, i gin ilgi ndurn le ndrnen.

¹⁹ Josev, i nambulen Maria masou, i hom gamel monen ge, i mburen, su vong longu momen le ad Maria, i hanguruen le bergoln, i beg bieni Maria, debosan su vong nongen bahilou le aden.

²⁰ I beg hinen dagara, hom Angelo ad Ndorlaben i meher lobing, le inhini aden, i vong i bai: Josev Ndur David, mbue uo go noh, hian ibdi Maria gle nambulem. Ndur ad Maria i da le ndrnen i ad hom ndramed bui, Meluan Helian gin ilgi i.

²¹ Hom ndurgamel na gmeher e bosoui i ngarn Jesus. I ogo i bolumiasu ndramed, i rumburdi su le longu asu momen.

²² Longu ogo na gmehere dege Ndorlaben i gin vong le bohosu Provet, homo i da boharni, i vong, i boi:

²³ E lele hom ndurbihin i belengeni ndurn, ndurgamel na gmeher, su bosoui ngarn Imanuel, aga i vonei: Jehova i da ndro du.

²⁴ Josev i mamed malabo, i hinen dege Angelo ad Ndorlaben gin boharni le ndro i, i ibdi Maria le nambulen, i dulieni i le um aden.

²⁵ I de gin meher bage de la ndro i bui, hanu ndurgamel ad Maria gin me i bosoui ngarn Jesus.