Markus 8 - Niu Testament 1956 (Manus PNG)

Jesu hengen gan me ansu mahabou.

¹ Bersi su ndramed mabosanged su da ndro i, gan ansu bui, Jesu i loh su lao aden su me ndro i, i boi:

² Goloisden su, su da ndro io madolo, malabo gan ansu bui,

³ gle io gbien su, su iao la sal, su la mad, gor asu holel manan.

⁴ Su lao aden su bode: Du gal bo ansu gan gle oho, gorda aga marboga ge.

⁵ I ndemani su: Suslong ademu masehe? Su bode: Manondrdolo.

⁶ I boi le asu, su masi su lugdo im boan, hedi suslong manondrdolo i bo lodu leri, i iendri me asu lao aden, su lao aden su hengen su.

⁷ Ni mandehe i da, i bo lodu leri me asu.

⁸ Su ian, mosesu, nogden i dandon le ndob manondrdulhad.

⁹ Su ian gan su mahabou, boen i bien su su iao.

¹⁰ Jesu i ndre le ndol ma su lao aden su iao me le gor asu Dalmanuda.

Heb nongen le ndro su Pharisi.

¹¹ Su Pharisi su me ndemani i, su le seslaini i, i hinen gelman ber lang manden be su ge lele.

¹² Ndrnen i reng su, i boi: Su ai lengi gelman ber lang ge? Ndangen, io boi me ndro mu, io de hinen gelman me asu bui.

¹³ I bien su i ndre ndol aden i iao le horo.

¹⁴ Su lao aden golsu i ndud gan ansu, suslong ge si i da ndol.

¹⁵ Jesu i vong le ndro su i bodeie: Hian mu do da bogulue le longu asu Pharisi ma longu ad Herodes.

¹⁶ Su hanguruen nongen aden, su vong le goure su bodeie: Aga i boii du, du de hur gan adu bui.

¹⁷ Jesu i hirong nongen asu i bode: Desa uomu dang anemu gan? Danmu longu ordo bui, mu ma de hirong nongen? Golmu ndoun ge?

¹⁸ Begmarmu gorbo mu de so lele bui? Delengamu i da, mu de hirong bui? Mu de hanguruen heb longu bui?

¹⁹ A io gin iendri suslong malima me le gan ansu malibou, ma ndob sehe mu nhui lie le nogden? Su bode: Mandobsungolerhed.

²⁰ Boen io iendri suslong manondrdolo me ansu mahabou, ma ndob sehe mu nhui lie le nogden? Su bode: Manondrdulhad.

²¹ Boen Jesu i boi le ndro su: Derbe uomu ma de danmu longu ordo?

Jesu sobani homo begmarn bui.

²² Su me Betsaida su hur hom ndramed begmarn bui me ndro Jesu, su ndemani i, i regurdueni le hian.

²³ Jesu i rui ndramed marn bui le nemen, sor landi; sor bien gor, i rogumbunhi le marn, nemen Jesu i le balen, boen i ndemani i, i bode: Uo da lele?

²⁴ I lele i boi: Io dilingi su ndramed su dogi, io bode na gei.

²⁵ Nemen Jesu le begmarn lie, boen i lele, begmarn horuan i ilndri longu masi monen.

²⁶ Jesu i rendegien i le um aden lie, i boi: Mbue de al gor ogo, mbue abui gle ndro su.

Petrus boharni Jesu i sie.

²⁷ Boen Jesu e su lao aden su girgai le gor asu Sesaria Philipi, su do da sal i ndemani su lao aden i boi: Su ndramed su bode sa, io sie?

²⁸ Su boi: Su holel su bode, uo Johanes Ndremda Surhi su, su holel su boi, uo Elias, su holel lie su boi, uo hom lao ad Jehova ber goru.

²⁹ Boen i ndemani su i boi: Uomu bode sa io sie? Petrus i boi: Uo Kristo!

³⁰ Jesu sendraini su, i boi: Mbue mu gabui gle ndro homo.

Heb nongen le ngendian ad Jesu.

³¹ Muren Jesu i boharni me ndro su, Ndurndramed bersi su labenen, su ndurhian asu, su ndremda bohernou, su hinen i momen, boen su bieni i, su garii i na gmed, madolo muren i gedne lie.

³² I boharni me ndro su, i de bai loldi bui. Petrus hedi i, sor la heb lendi, i boii i.

³³ Jesu i rebulueni i lele le ndro su lao aden i boi me ndro Petrus: Alndi, Satan: Uo de hanguruen longu ad Jehova bui, uo hanguruen longu asu ndramed ge.

³⁴ Boen i loh su ndramed masi e su lao lie i boi: Be hom gorndrbo, hian i ghirong nongen ordo ge, ghinen longu ordo ge, de hanguruen longu aden bui.

³⁵ Homo ie lengi longu aden ge, na gmed: Homo i bieni longu aden, me ndrbo, e hirong nongen helian, i da hian ge.

³⁶ Hom ndramed hedi memrad masigane e bieni meluan me ad Sadan, i hian derbe?

³⁷ Ndramed i regunha meluan le sa?

³⁸ Homo bombulen i mesi nongen ordo le ndro su ndramed momen ge, muren a Ndurndramed gme lie ma su Angelo aden egerang dege Damen, i mbueren aden, i girge.