Markus 3 - Niu Testament 1956 (Manus PNG)

Jesu regurdueni homo nemen irhe le sabbath.

¹ Bersi Jesu me le numo hernou lie. Hom gamel i dari nemen irhe ge.

² Su do da gulue Jesu be su beg ilndri i gregurdueni le sabbath de bugane, su beg gob gord leri.

³ Jesu i loh i nemen irhe, i bode: Am ogo.

⁴ Boen i ndemani su: Hisa, io bo longu hian le sabbath de bugane? Io regurueni ndramed ogo de na gmed ge? Su simge.

⁵ Jesu ndrnen i ma asu, i reng golsu ndoun, i boi le ndro i ndramed: Ilgi nemem gmonen. Ilgi nemen i monen, nemen marge hian ge.

⁶ Su Pharisi su iao su la vong le ndro su lao ad Herodes su vong be su garii i.

⁷ Boen Jesu ma su lao aden su iao la leng. Su mabosanged ber Galilea ber Juda su do ndrbon,

⁸ ma su Jerusalem, su Idumea, su ber Jordan horo, su Tirus ma su Sidon. Ngarnongen le Jesu gin me ndro su su mabosanged me ge ndro i.

⁹ Jesu i boi le ndro su lao aden, su hur ndol heie le ndro i, asu ndramed su de me huhu gosen ndro i bui.

¹⁰ Jesu i regurdueni su mabosanged su hian lie, su masi su mad su me ndro i be su ge doro i.

¹¹ Su beld su daii su, su mad su ilndri Jesu su gorgordurhu ndro i su loholo su bai: Uo Ndur Jehova!

¹² Jesu i habai su mbue de su gobharni.

Jesu eloh su masongul e rumou.

¹³ Boen Jesu la ndre bahali, i loh su voaniso asu, su la ndro i.

¹⁴ I bosou su masongul e rumou su lao aden hohunan, ar gi rendegien su, su iao la bohernou.

¹⁵ Su da gurdueni su ndramed su mad, su robuldi su beld.

¹⁶ I bosou ngarsu malabo: Simon i bosoui Petrus, i vonei: bad,

¹⁷ Jakobus ndur Sebedeus ma Johanes sor ndern i bosoui sor Boanerges, i vonei: Ndurbarr.

¹⁸ Andreas, Philipus, Bardolomeus, Mateus, Tomas, Jakobus ndur Albeus, Tadeus, Simon ber Kana,

¹⁹ boen Judas Isgariot i momen, muren i hevani Jesu le ndro su, su daii i.

Jesu boii su Pharisi.

²⁰ Su la um lie. Su masi su me le goure su de so ian gar bui, um gin beb ge.

²¹ Lounsu su hirong i su la ndro i be su gal boroi, su bode: I hi sa, gou i ri?

²² Su ndremda bohernou ber Jerusalem su gin me su bode: Belsebub i da ndrnen i robuldi beld le ndro laben asu.

²³ Jesu i loh su i boi le ndro su: Hi derbe, Satan robuldi Satan lie?

²⁴ Gor hoger su do bo bahun ge le gor asu, su hian derbe?

²⁵ Su ndramed ber um hom su de la geherong bui, su go ndoa derbe?

²⁶ Gle Satan i rii Satan lie i robuldi beld aden su, gor aden heb ndoun bui.

²⁷ Be hom ghedi um ad hom labenen ma longu aden, hian i ghosi labenen hanu, muren i ndoundoun le aden hedi longu aden.

²⁸ Ndagen Jehova, io boi me ndro mu, longu momen masi asu ndramed Jehova esbui su, su habai Jehova, goln de la ri bui,

²⁹ homo i boii Meluan Helian, Jehova i de esbui bui goln i rud bui, ndramed gina momen ge sidesi.

³⁰ Jesu i beg henunuen su, nongen asu momen, su bode: Sadan i da ndre Jesu.

Su loun ad Jesu i sie?

³¹ Boen nder Jesu nane Jesu su meher do da lobohonum su ha loh Jesu.

³² Su mabosanged su da ngondrnegen su boi: Nanem e nderm su do da loh uo.

³³ I bode: Sie bi nano sie ndere?

³⁴ I lele le ndro su lao aden masi su do da ngondrnegen i boi: Ogo nano ogo ndere!

³⁵ Hom hirong nongen ad Jehova, hineni, i ndere, i biso, i nano!